أباسألك

وليش الصداقة ذابلة ومن الخيانة لا مفر
ولامن زرعت الخير في الدنيا يحاصرك الخطر ليش الأمانة بالقلوب في زماننا تحتضر
وليش المحبة والمودة تنداس بأقدام البشر
ابسألك..
ليش ما للحب طعم أو سعادة وأمنيات
ليش نبني قلوب عشق مظلمات خاليات
ليش ما نروي المشاعر العطاشى الظاميات
ليش ما نقضي بألم كل القلوب الخاينه
حتى الممات
ابسألك..
ليش نلقى في زماننا جروح وأحزان وهموم
ليش التفاؤل والفرح يبقى ثواني ما يدوم
ليش العيون الخايفة
وبعض المشاعر زايفة
ابسألك..
ليش دايم ننتظر
لين آخر هالعمر
حتى الصبر
مل واختار السفر
وما بقى إلا الهموم
مكتوبة لك طول الدهر
ابسألك..
دامك الدنيا..ابسألك
يمكن ألقى منك جواب
أو يمكن بس أفهمك
أني تعبت من الهموم
وكل جرح من جروحي يعلمك
انه تعود على العذاب
ابسألك..
ليش في كل ابتسامة ألقى قدامي دموع
وكل دمعة من دموعي تطفي شمعة من الشموع
وليش أرحل دام همي هو همي
ما يتغير وما يزول
حتى لو حل الفرح هو ثواني ما يطول
ابسألك..
دامك الدنيا
أكيد عندك جواب
لكل سؤال وكل عتاب
ابسألك..
فهمني..
بس سؤال وصارحيني
كل الناس مثلي
أو أنا وحدي
همومي تسري فيني ؟
جاوبيني.. يا دنيا
كا نك تعرفين الجواب (منقول
)