أبشكي لكم بعد الله وأتمنى تساعدوني 0تاخر الحمل

1. الله يشفيه ولا يوريني فيه مكروه ..

::
حبيباتي أنا معكم هنا من زمان الله يرزق كل وحده تبي عيال ويصلحهم لها يا رب
ويارب نفرح في كل وحده هنا ونبشر بعض كل شهر بالحمل ..
الله لايحرمنا الذرية الصالحة ولا يحرمني وياكم من طعم وشعور الأمومة اللي نفسي أحس فيه
وأعيشه لحظة بلحظة ............
حالي من حالكم متأخره في الحمل ومهموه الله يعين وييسر أمورنا .. وضايق صدري خاصةً اليوم وبقوة حتى النوم ما قدرت أنام
والله مواصله لحد اللحين فقلت أفضفض و أشكي لكم بعد الله سبحانه وابعد شوي من الهم اللي فيني عساني أرتاح يا رب ..
طبعاً أنا متزوجة لي سنتين وما صار حمل والحمد لله على كل حال .. راجعت المستشفى بعد مرور 6 شهور من زواجي وعملت تحاليل مبدئية والحمد لله طلعت سليمة وما فيني شي ..
بس زوجي لما عمل التحاليل طلع عنده قله في عدد الحيوانات المنوية وضعف في حركتها وتموت على طول والله المستعان ..
طبعاً زوجي مو راضي يستمر على أي علاج من المستشفى وصار يأخذ أعشاب وعسل من واحد مختص في الأعشاب وأستمر عليها شهرين والحمد لله تحسنت حالته شوي بس مو كثير ..
وأنا اللحين نفسيتي تعبانة واللي متعبني أكثر أن كل اللي تزوجو معي وبعدي حملوا وولدوا وجابوا أطفال
وأنا محرومة ولا إعتراض على قضاء الله لكن أشوي تحز في النفس وتضيق الخاطر : (
المشكله أحب زوجي وأمووت فيه وما أبي شوكه تصيبه لكن البلا أن الناس كلهم عرفو أن زوجي هو اللي منه القصور وأنا ما أبيهم يطالعونه بشفقه وحزن ..
طبعاً عشان كلام الناس كثر فقامت خالتي اللي هي أمه تقول للناس أن العيب من ولدها مو مني وهي تفكر أنها بها لطريقة تبعد الحرج عني وتزيل شكوك الناس من ناحيتي
أنا أدري قلبها طيب وقصدها خير لي حتى ما يقولو الناس أن فلانه ما حملت وش فيها واش هي مريضه فيه ومن هالكلام اللي يحرق الدم !!!!!!!!!!
لكن ما كان ودي أحد يعرف أن زوجي هو اللي عنده ضعف .. ما أبيهم يجلسون يطالعونه وكأنه مسوي جريمة !!!!

الله يشفيه ولا يوريني فيه مكروه ..

اللحين فيه وحده أعرفها مدحت لي( المستشفى التخصصي بالرياض ) ما شاء الله جابت فيه ولدها الأول والثاني بعد خمس سنوات بدون حمل ما شاء الله .. وتشكر فيهم وتقول قمة في التعامل وحسيت من زوجي أنه مقتنع بالتخصصي ..
لكن اللي حطمني أنه يقول لازم موافقة ومدري وشو يعني لازم نجيب تحويل ..
طبعاً هذي اللي دلتنا عليه فعلاً جاب زوجها ورقة موافقه بس ما أدري من فين ولا كيف إجراءاتهم ؟؟؟
يا ليت يا ليت الله يخليكم يا حبيباتي اللي تعرف طريقة أروح فيها ( للمستشفى التخصصي بالرياض أو جده )
أو تعرف أي معلومة عنهم وعن أسعارهم ونظامهم ما تبخل علي ..
لأن زوجي ما يحب المستشفيات ويقول أن همهم بس مادي .. وما صدقت على الله يوافق على التخصصي ..
الله يسعدكم اللي تعرف طريقة تدلني عليها وما أنساكم كلكم من دعواتي
ولا تنسوني من دعواتكم الله ينولكم ونولني اللي في بالنا...
أختكم لحظة مجد
::
{ رب لاتذرني فرداً وأنت خير الوارثين }