أجمل هدية من الحبيب الغالي

أحلى هدية كانت لي ...
بوكيه ورد بدون أي مناسبة قمت من النوم وحصلته على التسريحة ،،،،،
هذا شئ من لاشئ

ماشاء الله زوجي اهداني كثير
بس أذكر لك مره كنت محتاجه كم شغله من السوق باقي مقاضي العيد لمى وصلنا قال لي زوجي روحي
اشتري الأشياء اللي ناقصتنك وأنا بروح الصراف وجاينك .
تقريبا بعد نصف ساعه كلمني على الجوال وسألني وين إنتي موجوده قلت له أنا في اي جه من المجمع
ف قال لي انا أنتظرك قدام محلات المجوهرات رحت له لقيته شاري لي سواره غايه في الجمال .
وقالي : الحلوين مالهم إلا الحلو هذي هدية العيد

اجمل هديه
وصج ضحكتني وايد قدمها لي قبل لايخطبني
بما انه قريبي
فالصيف هلي واهله قرروا يسافرون مع بعض
عاد مادري شلون كانوا مخلينا على راحتنا
يعني نقعد ونسولف انا وهو ومحد يقولنا شي
حتى اذا طلعنا شوي كنا نمشي بروحنا بعيد عنهم ومحد يقولنا شي او يزفنا
عاد في يوم كنا كلنا قاعدين انا وهو واخواني وخواته
قلت له فلان تبي شاي قالي اي
رحت وسويت له شاي وسويت لي انا بعد
وهو قال حق اخته روحي غرفتي في كيس حلويات جيبيه لي
وانا ميته ابيه يعطيني شي
يقولي بعطيهم كلهم الا انتي اصلا انا مرتي ماتاكل حلويات مثلج يالدبه
وانا ساكته
ويحرني عاد انا اقوله بخيل مابي منك شي
وبعدها باسبوع سافر مع هله واحنا تمينا في فرنسا
قبل لايسافر قالي روحي غرفتي في لج شي
بعد ماطلعوا دخلت الغرفه الا اشوف كيس كبير كله حلويات وكيكات
صج حسيت نفسي ياهل
واختي تقولي ترا هو كل ماراح مكان فيه حلويات خذ لج منه ويسألني اذا تحبين هالنوع ولا لأ ( يومها ماطلعت معاهم كنت متنرفزه منه )
ولما رجعنا البلاد
اتصلت فيه وقلت له تعال اخذ اغراضك
( كان طالب شي من محل وتأخر الطلب كم يوم فوصاني آخذه لانه بيسافر)
الا يقولي هاي زدتي كم كيلو بعد هالحلويات لازم اقيس السكر اخاف سكرج ارتفع بعدين يصير فيج شي واكون انا السبب
ولين الحين اقوله ابي الحلويات اللي شريتهم لي في باريس

انا قبل أسبوع اهداني خطيبي جوال N73
000 بصراحه انا دايم تجيني هدايا من اهلي وصديقاتي لكن ماأحس بحلاوتها
زي لما تجيني هدايا من خطيبي الله يخليه لي 000
احس الهدايا منه لها طعم ثاني

الحمدلله الهدايا بيني أنا وزجي باستمرار ولها طعم ثاني في كل مناسبة00000000
وكان أخر هدية طقم ذهب من لازوردي000000
الله يحفظه لي000000

الله لايحرمنا منهم ويخليهم لنا
انا الهديه الي تفاجئت منها
مره كنت ناجحه وكنت عند بيت عمي وجاي ياخذني
وانا بالسياره قالي ناظري بالمرتبه الخلفيه لما طالعت لقيت بوكيه ورد
الله لايحرمني منه ويحفظه

بالنسبه لي اغلى واحلى هديه اهي>>>>>>>>>>>>>>>>>>>>>>>>>>>>>>>>>>>>>>>>>>>>>>> >>
انه اختارني من بين ملاين الناس ولااحد صدقه من هله لما قال اني ابي اتزوج فلانه الكل استغرب (لانه دوم رافض الزواج)وكانت فرحت الاهل لاتوصف من السعاده...
وان كاان من ناحية الاشيااء الاخرىكان طقم ذهب هاف مرره ناعم وحلو...
والله لايحرمني منه ويخليه ليه يارب...

أغلى هدية بالنسبة لي ساعته اللي يلبسها لانها فيها من ريحته

أنا بصراحة أحلى وأجمل هدية طقم ذهب بمناسبة التخرج
وكان احلى طقم