أحس أنه الله مايحبني

غيري يستخدم حبوب منع الحمل وانا استخدم حبووب وابر وعلاجات ومراجعات بس علشان أأحمل
غيري يسئلوون كيف مايصير حمل وخايفين ( من تخلصون لجماع قومى بسرعه وغسلى ولا اعطسي ولا كحي ولا ..الح ) وحنا نحط تحتنا مخدات ولالالا نتحرك ولا نهمس علشان نبي الحمل
غيري لا سوى تحليل الحمل وطلع خطين يبكون وتضيق صدورهم وحنا بس نبي حتى لو
بالحلم يصير خطين
غيري سوى حقن مجهرى واطفال انابيب وحملو على طول وانا اسويه لي اكثر من 12 مره ولالا أحمل
( ليش انا حظى كذا ؟؟؟؟؟؟؟؟؟؟؟؟؟؟ )
خلالالالالالالالالالاص انا تعبت نفسيا مابي الناس ولا ابي اقعد معهم لان الحياه بالنسبه لى اطفال
هالكلمات الى فوق الحمد لله مهى كلماتى ولا هى اعتقاداتى مع العلم انى متأخره بالحمل
بس بقدره الله نظريتى للحياه مو بس من هالزوايه
تعالو شوى
نشوف الحياه من كم زاويه ثانيه
غيري عندها زوج يدلعها وياكلها ويشربهاا ويغازلها وانا اتمنى لو ظل راقل << رجال خ
غيري يقدر يمشي ويروح ويجي وانا اتمنى بس لو للحظه اوقف على رجولى
غيري يقدر يقرا ويشوف الالوان ويشوف الاشكال ويشوف المناظر من طبيعه ومن فنيه وانا اتمنى لو لحظه افتح عينى واشوف
غيري يقدر يآكل بيدينه ويرسم ويكتب ويلون ويمشط شعره وياآكل آكله من غير مااحد يساعده وانا اتمنى لو للحظه احرك لو اصباع واحد بيدينى
غيري يقدر يسمع الاصوات ويستمتع باصوات المقرئين واصوات البشر والطيور واصوات كل ماهو جميل وماهو ليس بجميل وانا اتمنى بس اسمع أي شي حتى ولمجرد ثانيه
غيري يستمتع بالمال ومن كثر ماله يرميه على الناس وانا اتمنى لو احصل على ريال واحد فقط
غيري ينام بوسط بيته وبين اهله ومن يحبه وانا اتمنى ولو للحظه انام تحت سقف
غيري ينام بدون ادويه ولا علاجات ومستشفيات ومراجعات وانا اتمنى ولو للحظه ان اسحب المغذى من يدي واعيش بدونه
غيري ياكل اطيب الاكل وألذ انواع الشوكلاتات والحلويات وانا اتمنى ولو فتات الخبز
غيري يتكلم ويسمع ويشوف وانا
أصم.أبكم أعمى
8
8
8
8
للمعلوميه هالشخص داعيه بتقولون كيف؟
فكيف له أن يلقيهآ..
بالكلام ؟ كلا فهو أبكم لا يتكلم
بالاشارة ؟ كلا فهو أعمى ولم يتعلم لغة
الإشارة..
ألقى الكلمة ( باللمس ) نعم باللمس..
يجعل المترجم يده بين يدي هذا الشخص فيلمسه
لمسات معينه يفهم المترجم مراده..
فكان يمسك أذنيه وأحيانا يسمك لسانه واحيانا يضع
كفيه على عينيه لم يفهمه أحد حتى ترجم المترجم لهم
فإذا هو يأمر النآس بحفظ الاسماع والابصار عن الحرام
كم من أحد لم يصب بجزء بسيط من مصاب هذا الشخص
لا تعد ولا تحصى نعم الله علينا
ولكن شكرنا لتلك النعم هو الى يعد ويحصى
لماذا دائما القناعه لانعرفها في حياتنا
ليش دايم نقارن انفسنا بالى حولينا ومانشوف وش عندنا وماعند الى حولينا من نعم
ليش دايم نفكر بأن الحياه صعبه ومستحيله ؟؟ وهى لحظات وبغمضه عين وستنتهى هى كالمسرحيه قصيره جدا
انا تعمدت اكتب هالموضووع بهالقسم لانى قبل كم يوم كنت اتصفح هالقسم وقريت رد لاحدى الاخوات فيه نوع من التذمر من العمليات وانها تشك بإن الله لا يحبها
؟؟؟
انا اعلم جيدا ان هذا الكلام الذى كتبته من اطراف اصابعها فقط وليس من قلبها
لكن احب ان اهمس في اذنها بكلمه
( إن الله مع الصابرين ) وش تبين اكثر من ان يكون الله معاكى
قوليلي من هم اكثر البشر بلاء ( الانبياء )
وحنا علشان مشكله بحياتنا نقول الله مايحبنا؟
ادرى صعبه الحياه بدون زينه الدنيا ( الاطفال )
ولكن اهمس بإذنك مره اخرى
في غيرك صعبه حياته مع الاطفال
ادرى انه تمر علينا لحظات في حياتنا تضيق فينا الدنيا حتى ثيابنا تضيق علينا من ضيقتها
ادرى ان تمر علينا لحظات نتمنى فيها ان نصر رخ من الألم والحرمان
ادرى بعد
ان الله كريم << وهاذى اهم شئ دريته
الحرمان صعب
بس يعلمنا كيف نكون اقوياء وكيف نكون مصدر للعطاء << اتمنى فهمتى هالنقطه
هذى الحياه خلقنا الله هكذا اذكركى لو نسيتى
( ولقد خلقنا الانسان في كبد )
تدرون وش اكثر شئ يزعجنا ويكدر صفونا ؟؟؟
مقارنتنا بغيرنا
فليش نسوى الشي الى يزعجنا؟؟
خلونا نفكر شوى....
ماخلق الله داء الا وخلق له الدواء ابحثى واجتهدى
فيه شغله فينا ياحواء اعتذر لكم فيها (( الخفه ))
يعنى أي وحده تواجهها أي مشكله تجى طيران وتنزل موضوع وتسئلنا ؟؟؟
طيب من حنا علشان تسئلنا ؟؟ معلومتنا 90% مصدرها (( سمعنا وحده تقوول _ اعتقد انى قد قريت بمنتدى انه لازم تسوين كذا _ بنت خاله امى عم ابوى قد صارلها مثلك واخذت هالعلاج ونفع معها ؟؟؟ !! ))
مصادرنا لازم تكون من جهات موثوقه ومختصه كدكتوراتنا العزيزات الله لايحرمنا منهم (( اوجهلهم تحيه من القلب واشكرهم على جهدودهم وجعلها الله في ميزان حسناتهم ))
واخيرا
احب اقول
غيري يقدر يفكر ويحكم عقله ويتصرف دائما صح وناجح بعلاقاته مع الناس والناس يحبونه وانا كل حياتى منقول خ يعنى كل شئ مهب لي
همسه لقسم تأخر الحمل
بس بليز لتقولون صعبه
ادرى ان حنانا فايض وحبنا للاطفال لايقاس بشئ ونتمنى فقط ريحه طفل
طيب تدرون ان فيه اطفال يتمنون يتمنون يتمنون ريحه أم
يتمنون ضمه حنونه
يتمنون قلب مخلص
(( الايتام )) ومااداركى مالايتام
لي زياره قبل سنتين معهم
زرت دور للايتام والله ياخواتى حسيت انى بمشهد من مسلسل درامى يقطعون القلب يحزنون جميع الاعمار والاشكال والالوان والى يبكى والى يصيح والى يلعب والي يبي ينام << ينام بالارض مالقي حنان ولاصدر يضمه
من دخلت لين طلعت وانا ابكي ابكي وش بيكون مصيرهم لاكبروا كيف بيعيشون ؟؟
الله وليهم ولا اللقيط آه << هذا الى يقطع القلب
اليتيم ممكن ممكن يتعرف بيوم على اهله
بس اللقيط مايدرى من هو أصلاا واو شعور صعب صعب صعب جدا
الله يلطف فينا وفيهم
اعتذر لم ارتب الموضوع كتبته من القلب الى القلب
دمتم بود
منقول