أخاف أغمض وإن رمشت أفقدك

غاده :
السلام عليكم .. حاسه بتوتر الساعة وحده ونص ومنصور ماجا لين الحين .. أتغير منصور عن أول ما أخذته .. أتغير بالحيل .. صار ما يجلس في البيت أبدا يطلع من البيت لدوامه يجي يتغدى وينام بعد صلاة العصر يروح عند أهله يخرجهم من عندهم لعند أصحابه وما يرجع إلا الساعة
2 الصبح وفي الإجازات على وجه الفجر .. رغم هذا كله ما أقدر أتكلم وأعترض .. أخاف يزعل هذا أبو عيالي وزوجي الغالي وسندي في الحياة كفاية إني أدعي ربي يصلح حاله ..
توي خلصت قراية جزء من القرآن هذي فايدة تأخيره ههه .. بسم الله !!
أسمع أصوات في المطبخ .. لحظه بروح أشوف وش إلي صار ..
شفت نور في المطبخ معقوله رجع بدري اليوم رحت اشوف من داخل شفت مؤيد وملاك ..
غاده : ماما ملاك وش تسوين انتي وأخوك في هذا الوقت ..
ملاك وقفت مثل اللي يرتكبون جرايم وهي تبعد خصلات شعرها عن وجهها وتبلل شفايفها :
مؤيد جوعان .. وأنا شفتك تقرين قلت خلاص أنا أسوي له كورن فليكس
ابتسمت لبنتي ماشالله عليها كبرت وصارت تهتم في نفسها وفي أخوها ..
غاده : طيب حبيبي الفجر بعد 4 ساعات بيأذن وباكر وراكم مدرسه ..
مؤيد جا جنبي وهو يبوس يدي : ماما بس هاذي المره مره جوعان ..
ابتسمت له ونزلت لحده وبسته وخطرت في بالي فكره جهنمية ومجنونه رغم إنه الوقت متأخر بس ما عليه مو كل يوم بيتكرر الموقف وأشرت لملاك تقرب جنبنا وجلست في النص بينهم وهمست بصوت واطي : طيب وش رايكم نتقاسم الشغل ..
ملاك ابتسمت بمشاكسة : ماماتي الغش حرام خلاص سخنت الحليب وجهزت الأشياء ..
ضحكت بخفه على مؤيد إلي قال : وأنا صغير ..
حطيت يدي على خصري وأنا معترضة ومحتجة كلام مؤيد : يا سلام خلاص انته تساعدني ونغسل الصحون ولا ما في اختار..
ملاك تبعد غرتها عن عيونها وهي تغمز لي : مدام كذا موافقة ..
مؤيد إلي رمقنا بنظرة حزن : الرجال ما يشتغل ..
ملاك كان لها تأثير قوي على مؤيد : بالعكس الرجال الطيب يشتغل ويساعد أهل بيته مثل الرسول صلى الله عليه وسلم ..
ابتسمت لكلام ملاك وصلينا على الرسول وبستها من خدها تشجيع ورضا لكلامها .. لكن تفاجأت بكلام مؤيد : يعني بابا مو طيب ..
غاده : ليش حبيبي بابا طيب ويحبكم بالحيل ..
مؤيد : بس أنا ما أشوفه إلا وقت الفطور والغدا ..
حسيت بغشاوه من الدموع لو أنا صبرت وش بيصبر عيالي .. ضميت مؤيد وأنا أتكلم بصوت مبحوح : مؤيد حبيبي بابا دايما مشغول أن شالله يرجع بابا وتشوفه دايما ..
شوي يد ملاك تمتد وتمسح لي دمعتي وهي تبتسم لي وتقول : يلا مؤيد تراك صدعتني من أول وانت تقول جوعان .. والحين الحليب برد ..
قمنا سوينا الكورن فليكس وأكلنا وإحنا نتكلم في مواضيع مختلفة وجا وقت الغسيل أنا أغسل ومؤيد ينشف الأشياء وملاك جالسه فوق الطاولة وهي تتكلم عن فلانه وعلانه ومؤيد يشاركها الكلام وجلسنا نضحك على الموقف إلي صار لمؤيد وهو صغير .. سمعت صوت ملاك وهي تقول بصوت عالي بابا .. ونزلت من الطاولة وراحت في حضن أبوها ولحقها مؤيد ..
حسيت بالألم في قلبي من فرحة عيالي بشوفة أبوهم مسحت يدي وجلست أطالع فيهم ..

منصور ..
دخلت البيت والساعه 2 نفس الوقت إلي دايما .. شفت أنوار المطبخ مفتوحة استغربت غاده دوم أشوفها في الصالة تفاجآت من منظرهم حسيت إني مقصر في حقهم .. ما عمري جيت آخر الليل وشفتهم كذا .. حسيت إني مشتاق لهم .. وفي نفس الوقت كأني غريب وهم وسط سوالفهم وضحكهم وخصوصا ملاك .. بعد ما ضميت عيالي جات عيني عليها حسيتها اليوم غير حزنها زايد وواضح عليها .. تألمت على شكلها ..
منصور : ملاك حبيبتي يلا خذي أخوك وروحي نامي ..
ملاك : من عيوني يلا مؤيد ..
يوم خرجوا الأولاد لأول مره أحس بارتباك يمكن لأني ما تعودت أشوف غاده حزينه
تكلمت بصوت متوتر ملحوظ : ليش صاحيين لين الحين ..؟
غاده حبت تزيل التوتر عني : أبدا أنا مثل دايما أنتظرك .. بس مؤيد قوم ملاك جوعان ههه دخلت عليهم المطبخ وشفتهم يسوون أكل لهم فشاركتهم عشان انتبه عليهم ..
ضحكت على مؤيد وقلت لغاده : شكله الولد بيطلع لأبوه دب ..
يوم شفت ابتسامتها إلي دوم تبتسمها لي وهي تقول : فديت أبوه والله
أول مره أقولكم من زواجي بغاده من 12 سنه أحس كلامها يوترني أو يأثر فيه يمكن نظرتها غير أو شي اليوم مو طبيعي ..قربت منها ومديت يدي ورفعت راسها وسألتها :
غاده ليش هالحزن كله في عيونك ..؟
شفت الحزن والهم في عيونها ورغم هذا كانت الدموع مجتمعه في عينها وجاوبتني بصوت متجهم : سلامتك حبيبي بس تذكرت الوالده ..
حسيت إنها تكذب علي ضميتها لصدري : ادعي لها بالرحمة ..
ابتل ثوبي من دموعها حسيت بحرقه في قلبي وتأنيب ضمير 12 سنه وأنا لاهي عنها معقوله هالدموع عشاني .. بعدت عني وهي تمسح دموعها ..
غاده : آسفه منصور ضيقت عليك خلقك تامرني بشي .. قبل ما تنام ..
استعجبت منها وشله الأسف : لا عمري لا ضيقتي ولا شي تصبحين على خير حبي ..
قربت مني كالعاده وباستني برقه وقالتها بصوتها العذب : تصبح على خير عمري ..
هالمره أثبت لكم واقسم على العشره .. حسيت بإحساس غريب اتجاه هالمخلوقه ضميتها لصدري.. ورحت معها .. تصبحون على خير يا جماعه

مرام ::
صباح الورد .. يا أحلى قراء .. كيفكم .. إن شالله بخير ..
أحب أعرفكم على شخصيتي قبل لا أبدى .. أنا مرام عمري 20 سنه حياتي ولله الحمد ضحك ووناسه ولله الحمد ما عمره هالحزن دل طريقي من يوم كان عمري 7 سنين وأنا اعرف إنسان واحد يحبني بجنون وأحبه بأجن من الجنون ههه أكيد عرفتوه مازن فديت روحه لين ما كبرت وغطيت عنه وأنا قلبي ينبض بحبه هالشي معروف عن الأغلب من يوم كنت طفله .. حبي له عذري شريف وهو ما عمره فكر في يوم يأذيني .. لكن المشاعر ما زالت تكبر وتتنمى على طول الأيام .. وكمان أدرس بس في كلية التربية قسم E السنة الثانية لي .. الشي إلي راح تستغربوا مني إنه وجهي مو وجه دراسة .. ههه بس يلا حظي .. عندي أخت وحيدتي دنيا ما شالله عليها دافوره هالبنت عمرها 19 في جامعة طيبه قسم حاسب آلي ماجد دايما يزعجها عشان تشوف لجين أخت مازن ..
لكن دنيا ما تعطيه اهتمام يحزن أخويه حبيبي.. حليله الدم إلي يجري فيه ينطق باسم لجين ..
وعندي 3 أخوان عمر وعمره 35 متزوج من ياسمينا وعندهم 3 نادر وندى ونهى .. وسعد وعمره 30 متزوج بعد من حصه وعندهم طارق وأخيرا ماجد عمره 26 سنه يحب ينرفز إلي قدامه بس حنون وطيب ودمه خفيف ومشاغب شوي .. لاعب كرة قدم في فريق ........
ولاعب محترف أبويه دوم يقوله دام أتخرج من كلية الهندسة يفتح له مكتب أو شركة صغيره لكن ماجد رافض هالشي وعشقه وموته في الكوره ومليون بالميه أنا من أول المشجعات له ..
(( حشا ولد مو بنت ههه )) طاع >> صوت الباب ..
مرام : بسم الله عيب افتحي الباب زين ..
ندى معطيتني بو لو باس : تقولك عموه دنيا يلا تبغى تروح ..
أوه الساعه 8 على فكره لا تستغربوا أسلوب ندى رابيه بين عيال ههه
أخذت أغراضي ونزلت تحت وشايفه دنيا معصبه ..
دنيا : تراك أخرتيني ياخي ..
ارتبكت من خوفي منها وتمتمت : والله إيش أسوي يا عمري
خلود بعصبيه : أبد سلامتك بس اركبي السيارة .. المحاضرة بتبدى بعد نص ساعة
رديت عليها بهدوء ونعومه : طيب يلا يا عسل أتفضلي ..
خرجنا وركبنا السيارة وشفت ماجد يشرب كافي في الحوش فتحت طاقة السيارة وطلعت راسي وأكلمه بصوت عالي : وش تسوي بره برد أدخل جوه أشوف ..
استغربت نظرة ماجد يطالعني بذهول ويأشر لي أغطي عيوني .. فجأة يخرج مازن من المجلس وهو يطالعني ويضحك .. على طول دخلت وقفلت الطاقة وأحس وجهي بيحترق من الحرارة بسبة الإحراج .. وخلود تضحك علي ..
خلود : عز الله طار العريس ..
فز قلبي من كلامها : فال الله ولا فالك يالدبه حرام عليك ..
يا مرسل النظرة ترى القلب يفداك
قلبي ذبحته والبقا في حياتك
جذاب لكن بس لك رمش فتاك
ما يشبهك بين البشر غير ذاتك
..

مازن :
ههه بصراحة شكلها جنان يا حليله ماجد تفشل ..
اليوم الصبح جيت عند ماجد عشان الموعد بيننا ودخلت المجلس بروح أغسل يدي سمعت صوت بنتين عرفت إن مرام وحده فيهم طلعت بسرعة على الأقل أحس بوجودي معاها بنفس المكان
وضحكت على شكلها وهي تكلم ماجد يوم جات عيني في عينها تقشعر بدني .. حسيت برعشة تسري في جسمي مشيت عند ماجد وجلست جنبه وأنا شاق الحلق ابتسامه : ها ابو سعود مستعد
ماجد رمقني بنظرة : إن شالله .. متوكلين على الرب ..
مازن : لا ما شالله عليك كابتن هداف ..
ماجد : حمد الله إنك قلت ما شالله ولا شفت هالخبله ما انت معرس عليها ..
ضحكت عليه بقلب شكله متفشل
ماجد : أقول بسرعة شيلها ماني ناقص فشايل ..
تكلمت والضحك يغلب علي : ههه ما عليك هم إنت اعرس وأنا بعدك ..
لاحظت ابتسامة خفيفة على وجه ماجد وبتوتر : عروستكم جاهزة ..؟
رفعت حاجب وطالعته باستعجاب : أي عروسة ..؟
ماجد باستنكار : أجل تزوج سامي وما تزوجني ..
ابتسمت ابتسامة واسعة : والله وين بنلاقي أحسن منك ولك مني الفال إنتوا تعالوا وما يردكم شي بإذن الله ..
ماجد تهلل وجهه وضم مازن : ابشر خلني أخلص هاذي المبارة وحنا عندكم إن شالله

هيام :
فقدتك يا عبد العزيز .. تنهدت .. ونسيت إني في القاعة والدكتورة من أول تهذر .. ما أدري عنها وش تتكلم كنت ماسكه الملزمة وجالسه أشخمط فيها قلوب وحروف .. وخواطر ..
في النهاية ختمتها .. real.. I miss you Azo,,
ومرت علي الذكريات قبل 7 سنين يوم عبد العزيز طلع جواله وعطاني الرقم كنت صغيره هذاك الوقت عمري 12 سنه كلامه يتردد في ذهني وهو يقولي شوفي هذا الرقم ما بغيره لو وش ما صار إحفظيه عندك .. آآآه يا قلبي حافظته بقلبي يا عزوز لكن مستحيل أتصل الحين خلاص كبرنا .. اعذرني يا عبد العزيز .. فجأه ينسحب الدفتر وألاقي شعري مسحوب ..
حنين : بس كافي سرحان .. ايش ما انتي جوعانه ..
حاولت أمنع دمعتي لكن خانتني جلست حنين قدامي على الأرض وهي تحاول توقف دموعي :
هيام كافي اللي تسويه في نفسك والله حرام
تكلمت بصوت مخنوق : وش أسوي يا حنين ما أقدر أمنع نفسي عن التفكير فيه حنين خايفه إنه تزوج ونساني ..
قامت حنين وهي ماده بوزها : إذا كان يحبك من جد ما راح يسويها بعدين ليش ما تتصلي على الرقم يا خي إنتي ماراح تطقي حنك معه قولي له عبد العزيز كيف حالك ؟ وخلاص هونا من كيف حالك قولي له عبد العزيز أنا هيام عطني لجين وإذا حاول يكلمك اقفلي الجوال وأكيد مليون بالميه هو ما راح يسويها إنتي بنت عمه وقبل هذا كله حبيبته ..
بصراحه الفكره مو داخله مزاجي أبدا فهزيت راسي بالنفي لأني مستحيل أسوي هذا الشي ..
حنين خبطت يدها على راسها وبدت تفقد صوابها : كيفك إلي يريحك بس يلا الله يخليك قمنا على الكفتريا جوعانه ..
أخذت ملازمي والجوال ومشيت وشفت حنين تطالع في الشخاميط الي في الملزمه ضحكت وحطيت فوقها ملزمه ثانيه ..
البندري :
السلام عليكم أخيرا قمورتي حنيتي عليه وخليتي لي دور ..
ألحين جالسه أنتظر السواق يجي مليت من الإنتظار قلت أرجع المدرسة أحسن .. يوم دخلت شفت عذوب جالسة وتقرى في ورقة ومعها قلم تعدل بعض الأشياء قربت منها بهدوء وهمست لها :
وش تقري يابنت ..؟
فزت البنت من مكانها وتلخبطت : البندري حرام عليك أرعبتيني ..
البندري : ههه بطني بطني ههه
عذوب : وي يا سخافتك ..
جلست جنبها وأنا اضحك على شكلها : بالله عليك وش تقري ..؟
عذوب : بندري شوفي هذي الورقة
أخذتها منها وجلست أقرى المكتوب غراميات وأشعار إعجاب وتعبير عن عشق .. رديت الورقة لي عذوب : هذي لي مين ..؟
عذوب : لي مين بعد لبعد طوايفي مازن ..
طالعتها بنظرة : وإن شالله مين بيعطيها هو ..؟
قربت عذوب مني وهي تترجاني : مين غير عيوني وحبيبة قلبي البندري ..
بعدت عنها : لا والله ياروح أمك واشفيك إنتي لا يكون متأثره من الخرابيط إلي تشوفيها ..
عذوب شمقت بعيونها وبتأفف : الحب مو عيب ..
استنكرت عليها كلامها هذي بنت جيرانا وصاحبتي .. شلون تقول مثل هالكلام .. بعدين لجين دايما تقول انه مازن يحب اخت صاحبه : عذوب الحب مو عيب اذا مافي هذا الكلام الفاضي .. وبعدين شيلي مازن من راسك هو بيخطب قريب أن شاء الله وانتي خليك في دراستك ابرك لك وان شالله ربي يعوضنا ..
عذوب انقلب وجهها :ايش بيخطب .. مستحيل .. بندوره انا احبه من زمان مستحيل اخليه يتزوج احد غيري ..
رفعت حاجب على كلامها وخرابيطها .. سمعت بوري السياره وقمت أروح : أعلى ما في خيلك اركبيه ..
ورحت وركبت السياره وكانت لجين في فرحت من قلب اكيد عندها مشوار عشان كذا جايه
لجين : كيف المدرسه اليوم ؟
البندري : عجيبه .. الا فين رايحيين الحين ..
لجين : ههه عزوزي مسوي مفاجآه وقلت آخذك معايه تحضري السبرايز
طالعت فيها بنص عين : أكيد تبغي تقهريني .. نسيتي انه بندر بيقتلني
لجين : ما أدري والله بس قلت أخذك بعدين اذا بندر جا انزلي بيتكم
البندري : والله خايفه ..
لجين : ياربي انا ما قلت لك اكشفي بس عادي تعالي معايه يمكن شي تحبيه عاد تنقهري قلبي ما يطاوعني ..
البندري : دخيله الحنون ههه
لجين : ههه والله انك شي تربيتي ..
بندري : مو من شويه ماما تقولي لا تروحي مع لجين
لجين : انتي وجهك ..

عبدالعزيز ..
مليت أدور لك عذر يا ودادي ..
السلام عليكم ..
من بعد الي صار البارح كان تفكيري حول هيام .. من ذاك الوقت لين هذا اليوم ما خليتهم يغيروا الأرقام يمكن جالس أحلم انها تتصل يعني معقوله نسيت كل شي معقوله عمي زوجها لا اعوذ بالله الله لا يقول مستحيل هي ترضى بغيري ..
أنا فارس أحلامها .. من طفولتها .. صقعت راسي على هاذي الأفكار الغبيه ابغى ابعدها عني
ورفعت راسي شفت لجين نازله من السياره نزلت من سيارتي ودخلت العماره ما انتبهت للبندري معاها دخلت لجين وسحبتها من يدها عشان نطلع
لجين : عزو لحظه اشفيك مستعجل
انتبهت للبندري معاها انحرجت ونزلت يدي : لا بس كنت بريك السبرايز بدري وراي اشغال
لجين قرب مني وبصوت واطي : ترى البندري جايه معانا
انحرجت .. وتكلمت بصوت مسموع : طيب اركبوا السياره وانا بجيب الوالده عشان بندر ما يخاصم ..
طلعت عند امي وشفتها جالسه في الصاله مع مازن ويوم شافتني ابتسمت وسكتوا الثنين
سلمت على راس امي وجلست : خير ليش سكتوا
مازن : سلامتك بو العز كيفك وكيف الدوام ..؟
رفعت حاجب : تمام بس ايش كان عندك انت وامي ..
امي الي ابتسمت وبدت عينها تدمع : لجين تقدم لها عريس ..
ما ادري ايش الي حسيت به هالوقت فرحان لأختي ولا زعلان ابغاها قريبه مني واذا تزوجت بتكون ملك زوجها معقوله أغار معقوله ما وعيت من أفكاري الا على صوت مازن : واشفيك ابو العز ..
رفعت حاجب وابعد هالأفكار من راسي وشفيه راسي اليوم لا اكيد ماني بصاحي : سلامتك بس من الي متقدم ..؟
شفت ابتسامة مازن اللي شاقه وجهه ..: ماجد
ابتسمت يمكن راحه لأن ماجد متربي معنا : ونعم الرجال والله
أم مازن : وانا امك لا تقول لأختك شي الحين
ابتسمت لأمي : على ما تامرين عليه الغاليه أقول امي ممكن الله لا يهينك تلبسين عباتك ودي آخذك مع البنات ..
مازن : وأنا مو معزوم
عزو : ههه البندري معنا
مازن قام : امزح معاك انا بروح انام
عزو : ههه حليلها بنت الخال
مازن قام بتكشيره : دلوعه من أعاند فيها تبكي ..
أمي تكلمت : مازن وخر عن البنت ما احد يتحمل دفاشتك ..
هنا ما قدرت اكتم ضحكتي على شكل مازن : قطعوه .. قطعوه ..
مازن الي استوعب كلام امي قرب منها : أمي الحين من جدك انا دفش
أمي ابتسمت وحبت راس مازن : تحمل في نفسك أخاف تعور عمرك
مازن لف علي ورمى علي علبة المناديل لأن زادت ضحكتي من حركة أمي ..
وش بيكون موقف لجين اذا عرفت انها انخطبت ؟ ومن ماجد خصوصا ..؟
وش هي المفاجآه الي بيسويها عزو لي لجين ..؟
وهيام .. هل ممكن انها تقتنع بفكرة حنين وتتصل على لجين وبرقم عبدالعزيز ؟
نهاية الجزء الأول
أنتظر ردودكم وآرائكم

<<< محبطه
بس بكمل لأني تعودت اني ما الاقي ردود مو شي غريب
ماجد :
أخيرا يا دبه مطلعتني ولا في الجزء الثاني هذا وانا بطل القصه
( احم احمد ربك خليت دورك الحين )
لا والله أجل خلاص << ما ينشد معها ..
كيفكم جميعا أن شالله بخير ..
اليوم من الصبح وانا حالتي حاله ما ادري القرار الي اتخذته هل يعتبر تسرع مني ولا عادي فعلا خايف من ردة فعل لجين .. بس مشاعر طفوله اكيد تكبر بتتغير
(( مسكين يا ماجد الا البنت ما تنسى مشاعرها ))
دخلت مرام رمت ملازمها وتفتح مسفعها
مرام : حر حر موت خلاص يا رب متى يجي الفرج
ابتسمت حتى سنوني بانت وشفت نظره منها خلتني اضحك
مرام : ما قلت شي يضحك مجود
قربت منها : قولي آمين
مرام تفكر عقب كملت : عساك تحبني وتموت فيني
رميت الكنب على وجهها وهي تضحك ..
دخل ابوي وسلم وسلمنا .. حبيت احرج مرام : قومي فزي سلمي على راس ابوك
طالعت فيني بإشمئزاز : زين يا الأثول قول لعمرك بالأول
ابوي ضحك ورديت عليها باستحقار : يالخبله من الصبح مسلم عليه
مرام : وانا بعد
مسكتها من اذنها : اقول انتي اسمك مو مرام حرام
تخصرت ست الحسن والدلال : حرمت عيشتك يا جوجو
هني ابوي نطق من بين ضحكاته : اقول ماجد شالي قشارك قطعتك اختك
رفعت حاجب قهر من ابوي : غيرانه صحباتها في الكليه مو مصاحبينها عشان وجهها احم عشان أنا ماجد ال ..... أخوها .
مرام : أويه ابوي الحق ولدك لا ينصرع علينا بس ما ادري شلون بتأكل زوجتك من كوره وعيه وعيه
أبوي الي ما صدق ينفتح هذا الموضوع مره ثانيه : وهي صادقه يا ماجد لازم تشوف مستقبلك هاذي ماهي بحياه لازم تشتغل .
حكيت راسي هذا الموال حفظته عن ظهر قلب : أن شالله لا عرست يصير خير ..
ابوي : الله يهداك
مرام : ايه الله يهديه ويكبر عقله وتغمز لي
ودي اخرم عيونها السوسه عارفه ابوي وردة فعله قمت من مكاني وأسمع صوت الوالد : على وين يا ولد الأجاويد
طالعت ابوي وجيت جلست : أبوي بقولك شي
ابوي ضحك : شوف كأنك بزر وانت تكلم
استوعبت طريقتي بس مو مني والله من الموضوع الي شاغلني جلست عدل وانا اشوف مرام مهتمه قربت من اذن ابوي وهمست : اوعدني عني ما تغيب تبقى هنا جنبي قريب
ابوي مات من الضحك : اعقل يا ماجد اعقل
ومرام ميته قهر
رجعت همست له : طيب بعقل بس اوعدني ما تقول لحرام اوه سوري اقصد مرام
ابوي يشوف مرام من طرف عينه : خلاص انت كل ما تجلس بتوقف قلبي من الضحك
مرام متنرفزه وتسوي نفسها مو مهتمه
تكلمت بجد : قررت اكمل نص ديني
ابوي ابتسم وقرب من اذني : الله يتمم لك من بنته
ماجد : اخت مازن
ابوي : ونعم ما اخترت وانا ابوك أن شالله ربي يتمم على خير
ارتحت من ردة فعل ابوي باقي لجين ابوي طلع من الغرفه ومرام قربت مني
مرام : مجود حبيبي وش قلت لأبويه
رميت لها نظره وشديت شعرها واقلد صوتها : بس ما ادري من وين بتأكل زوجتك من كوره وعيه وعيه
ضحكت مرام وضحكت معها وكملت : موتي قهر انتي اخر وحده بتعرف الخبر
مرام : افا افا ابو خالد .. انا مرومتك
دفيتها عني وطلعت اخذت شنطتي وديتها للسياره وطلعت اسلم على امي وابوي
وانا في السياره مرام نزلت .. نزلت الشباك : ها وش عندك
مرام : اليوم قول اهداء الهدف لي
كبرت عيوني : وليش انتي أن شالله من زين طختك
مرام تخصرت : احسن منك يا مقفى الفرن
ماجد : انتي جايه اتغثيني اذلفي اشوف
سكيت الشباك ومشيت وصلت المطار وشفت الفريق كله هناك الله يستر
المدرب : تأخرت ربع ساعه
ماجد : اسف بس كان عندي موضوع مهم
المدرب : الله يعين اليا عجل وخلنا نخلص الإجراءات
وانا امشي : أن شالله
خلصت الإجراءات والحين مستقرين في اماكنا
لجين :
استنى اشوف المفاجأه على احر من الجمر : عزو طولت اسرع شوي
امي : اقول لجين يا زينك ساكته وشله يسرع
لجين : امي الله يخليك راسي صدع من الشمس
عزوز : طيب وش رايك اجيب لكم عصير
البندري : لا لا تأخرنا
عزوز : تأخرنا تو ما مشينا
البندري : ايه عمتي دقي على ابوي قولي له اني معكم
امي : طيب عزوز دق لي على خالك
الحين انا وين وهم وين والله انهم ما ادري شلون ..
كلمت امي خالي وانا حاسه اني دايخه
وقف عزوز جبلنا كوكتيل وكمل طريقه وقف عند محل ..
نزل من سيارته وراح طلع الرجال من المحل وجا : يلا ادخلوا
تكلمت : عزوزي حياتي من جدك هذي المفاجأه
عزوز: ههه طيب انزلي انتي
نزلنا ودخلنا .. فتحت فمي من الروعه محل ذكريات وهدايا كان اللون الوردي غالب عليه ..
تذكرت ليله من الليالي كان يسألني عزوز عن امنيه لي .. اني امتلك محل للذكريات يكون لون وردي وانا اسوي اعمال من يدي واحطها حسيت بالدموع في عيني ..
يا حبيبي يا عزوز ركضت له وضميته : يا حبيبي يا اخويه الله يخليك ليه ولا يحرمني منك يارب
امي: ما شالله تبارك الرحمن هذا من محله ..
عزوز وهو يبتسم وضامني : محل عروستنا القموره لجوو
البندري : الاي يا لجين والله رهيب اقول عزوز خل بندر يمشي معك هاليومين يمكن يسوي لي مفاجأه مثل ذي
ضحكنا على بندري وانا اكلم عزوز
لجين : ليش كلفت على نفسك يا عمري
باسني : لا كلافه ولا شي والكلام هذا ما ابغا اسمعه انا من لي غيرك ادلعه والبي له رغباته بس من الحين اقولك اذا شرد احد العمال انتي الكفيله مالي شغل انا ههه
لجين : ههه يا حبيبي الله لا يحرمني منك ويقدرني اسعدك يا قلبي
ابتسم عزوز: سعادتي لا شفتك مستانسه وتضحكين ما ابي غيرها هذي السعاده الي تعيشني
ضميته وحسيت بدموعي في عيوني : يا حلو كلامك يا اخوي يا ليتني مو اختك كان تزوجتك
عزوز : ههه الافتتاح للمحل بعد شهر يلا ورينا شغل يدك يا حلوه
ضحكت وبندري جات : ما تبغون بعد اشتغل معاكم ترا عندي اعمال خفيفه بسيطه سمولر
عزوز : والله اذا عندك جيبي خلنا نشوف ..
بصراحه كانت مفاجأه ولا أروع يا حبيبي يا عزوزي الله لا يحرمني منك ويخليك لي يا أغلى اخو بالدنيا ويحفظك لي وينوه لك الي في بالك ويجيب هيام لحدك بالحلال يا حي يا قيوم ..
رحت لأمي : مامي وش رايك في المفاجأه
ضمتني امي : الله لا يحرم اخوانك منك ولا انتي منهم ويخليكم لبعض
لجين : آمين يارب
عزوز : طيب يلا يا حلوات اختاروا مطعم تبغون تتغدون فيه بما اني صدعت روسكم
البندري : والله يا اخوي انا عن نفسي مشتهيه الأكل الصيني اذا فيك حيله يلا ننطلق
عزوز : من عيوني تامرين ها كلكم تبغون الصيني
لجين : خلاص طيب
رحنا للمطعم وجلست انا وبندري وامي جلست مع عزوزي ..
بصراحه الموقف الي سواه لي عزوزي اليوم ما ادري شلون ارده له ودي اسوي له شي هو عمره ما حلم به وان شالله بسويه .. ويقدرني اكون عند حسن ظنه ..

غاده :
يا روح روحي وش بلاك تبعد وانا روحي تبيك
تامر وكل أمرك مجاب والقلب عمره ما عصاك
ليه الجفا ليه الصدود ليه تشغل الخاطر عليك
ما قلت لي ويش السبب اتعبت قلبي في هواك
العصر الساعه 5 ونص
جالسين في الصاله انا وعيالي اذاكر لمؤيد وملاك تحل واجبها انفتح الباب وجا منصور وهو جايب معه أغراض للبيت ومبتسم ابتسمت تلقائيا حسيته من البارح في شي احسن من اول
قاموا عيالي عنده وشال مؤيد وجا جنبي : ما تبغين ترحبي فيني انتي كمان
ضحكت وسلمت عليه واخذت الأغراض منه : ليش كلفت على عمرك
منصور : لا كلافه ولا شي ها خلصوا العيال مذاكره
بتعب طليت في مؤيد : باقي مؤيد تعبني
منصور عض خشم مؤيد : يا ولد ليش تتعب ماما مو عيب
مؤيد : طفشت بنزل عند عيال عمي العب
ملاك : لا بابا احمد يقول اول عندهم بكره تسميع
منصور : اسمع كلام اختك وماما ولا تتعبهم
كنت في المطبخ وانا اسمع كلامهم ومبتسمه حطيت كوبيات عصير فراوله ودخلت عليهم ..
كانوا العيال فرحانين بوجود ابوهم .. وفرحتي انا مغطيه علي كل دنيتي
منصور : يسلمو على العصير الروعه
ملاك : تسلمي ماما حبيبي
مؤيد : شكرا ماما
ضحكت : عادي حبايبي نسعى دوما لراحتكم
منصور ما شال عينه من علي انحرجت ونزلت راسي حسيت نفسي كأني طفله عند نظراته لي
شرب العصير وقام : يلا انا الحين طالع تامروني على شي
تحطمت طيب يجلس شوي يلا مو كل شي يجي مره وحده : لا سلامتك
طلع منصور وعيالي يطالعوني وتعالت صوت ضحكاتهم واختلط صوت ضحكتي معاهم ورحت ضميتهم : يلا كل يوم عن يوم بيصير شي مدهش
ملاك : بس بصراحه صبرنا ونلنا شوي شوي
مؤيد : عادي بكره تلاقونه بيقول يلا يطلعنا
طليت انا وملاك في بعض وضحكنا بهستريا على احلام حبيبي مؤيد
وكملت لعيالي مذاكرتهم ونزل مؤيد عند عيال عمه وانا وملاك دخلنا نسوي كيك ملاك اتعلمته في المدرسه .. اتصلت علي هيام
هيام : يا قاطعه يا وحشه يعني اذا ما دقينا ما تدقي وتسألين يخص عليك يخص يخص
غاده : بسم الله هدي هدي يا بنت والله انشغلت مع عيالي
هيام : من جد لا قالوا ابعد وبعدت تستنى اتصال ما اتصلت
استغربت : هيام من الي قاالي هالمثل
هيام : طبعا وبكل فخر ومن غير غرور انا الي قاايلته مو بعد اختي الحبيبه مخليني اقول امثال
ضحكت من قلب على هيام : بالله لا احد يسمعك ايش الأمثال التعبانه هاذي
هيام : ما التعبان غيرك يالمقروده البارح مودين ابوك ياخذ ابرة سكر ارتفع عنده
انفجعت على ابوي : سألتك بالله وليش ما اتصلتوا تقولون لي
هيام : عشان واثقه انه زوجك عندك ادري فيه بيوتي يحب البيت
عورت قلبي كلماتها وطريقة الإستهزاء الي تتكلم فيها : هيام بس كافي زوجي ما يقصر اذا دقيت عليه
هيام تلومت : اسفه يا اختي بس رافع لي ضغطي شايفك ساكته له متمادي وقفي عند حده مو معقوله كذا لمتى بيظل كذا خلاص هذا ما يستح على وجهه بنته بتصير عروس وهذي سواته
ضحكت : يا ويلي على بنتي بدري بدري انها تعرس الحين
هيام : يا شيخه الحمد الله بس بتكبر لا تخافين كلها كم سنه وتشوفينها احلى عروس أن شالله
غاده : الله يسمع منك يارب ويخليها لي ويحفظها
هيام : آمين يارب اعطيني ملاك خليني اكلمها والله اني مشتاقه لكم فردا فردا
غاده : طيب اول قولي لي كيف ابويه الحين
هيام : حمد الله احسن من اول وطلال هذا الي كل ما اشوفه نفسي ارميه من الشباك على الطريق واي سياره تدهك ابوه من الدعس
غاده : حرام عليكي هذا اخوكي يا بنت
هيام : بالله عليكي ما احد غير حياتنا غير طياشته المهبول الله لا يبارك في عدوينه
غاده : لساتك تعبانه
هيام : آآآآآه يا غاده وانا من متى حالتي متحسنه قولي لي انتي كيف اكون بخير واللي في القلب بعيدين عن العين والأذن
رفعت حاجب يا حليلها بقوه تعبانه : طيب وشدخل الأذن يا قلبي
هيام : الله يهداك يعني ما اسمع اخبارهم
ضحكت : الله ياخذ ابليسك يا هيام ماني مصدقه انك تعبانه
هيام : تف تف في عين العدو عسى وصل بس
غاده : ههه اللهم لا شماته خذي خذي كلمي ملاك
ملاك اخذت السماعه هي طايره من الفرح : الو خالوه هيام كيف حالك وحشتيني مره
هيام : يا لبا هالصوت والله طيبه يا عيون خالتها والله انا اكثر يا قلبي كيف حالك وكيف حالهاماما وتسوين الي اقلك عليه ولا لا
ملاك : طيبين حمد الله والا اسوي كل شي تقولي لي هوه وعلى فكره بابا اتغير نسبيا يعني
هيام لوت بوزها : يا حظي كيف نسبيا
ملاك : ههه يعني زي اليوم جا العصر جلس نقطه عندنا
هيام : نقطه نقطه مكبره ولا مصغره
ملاك : ههه شرب فراوله معانا
جالسه اضحك على هيام وملاك من جد الي يشوفهم يقولوا مشكلة الأقصى يحلونها
هيام : والله جد عسى امك ما حطت ملح في فراولته
ملاك : ههه ماما طيبه حبيبة قلبي
هيام : يا قلب خالتها والله ما شالله هذي بالذات مفروض تسوا حفله عشان هالتغير المستحيل الرائع الي طرى من ابوك
ملاك : ههه فكره والله يبغالي اقول لماما سويت كيكه توي
هيام : يا حياتي لما تجي عندنا بخليك تسويها لي ..
ملاك : من عيوني
هيام : تسلم لي هالعيون والله الي حبيبتي الحين بقفل انتبهي على ماما انتي صرتي كبيره وماما صارت عجوزه بس لا تقولي لها اني كذا قلت وقولي لها لا تقطع لا اقطع مصارينها لها
ملاك ميته من الضحك : طيب ههه مع السلامه قفلت وهي تضحك
غاده : ايش قالت لك خالتك المهبوله
ملاك : ههه سر بس تقولك لا تقطعي لا تقطع مصارينك ههه
ضحكت على هيام يا قلبي عليها الله يوفقها في حياتها يارب
خلود :
الساعه خمسه عصرا جيت البيت وانا داخله للحوش فكيت غطاتي وما انتبهت للواقف جنب بيتهم
رفعت راسي على صوته وانتبت لنفسي غطيت بسرعه واحس دقات قلبي تتسارع من الموقف البايخ الي حصل بسبب هبالتي دخلت وطلعت غرفتي شفت مرام جالسه
خلود : ماشالله ايش الي مجلسك في غرفتي
مرام تمسح دموعها : ما دريتي
انفجعت ورحت بسرعه : ايش ايش الي صار
مرام : البٍس
رفعت حاجب : واشفيه
مرام : مات
وردت في نوبة بكا عارمه والله هي وهذا البس الي جايبينه في البيت بصراحه فرحت من قلب
بس حاولت ما ابين : الله يرحمه ما تبغين تسوين عزا لأصحابه اكيد بيجون يعزون
مرام : اليوم بخلي هارون يدفنه في الحوش وبسوي خيمه صغيره لأصحابه
خلود : من جد بتسوي خيمه
مرام : ايه لازم اكرام الميت دفنه
خلود : بالله احلفي تصدقي توي ادري
مرام : خلود والله مو فايقه لك
خلود : لا بالله انا الي فايقه مره ههه والله حاله طيب روحي ابكي في غرفتك
مرام : لا ما اقدر اتذكره يوم كان يجي فوق سريري ولا في المكتب يزيد صياحي اليوم بنام عندك
انفجرت من الضحك على هبال مرام : يا بنت الناس هذا وهو بس كذا مسويه اجل لو انسان وش بتسوي
مرام : لا فال الله ولا فالك حرام عليكي اتعذب اتعذب انتي اشفيك من الصبح تفاولي علي
خلود : ما ادري يمكن محتره منك
مرام : ذابحه لك احد انا
خلود : اليوم مبارة ماجد روحي جهزي الشيبسات
مرام : مالي نفس اكل
خلود : تراه للمعلوميه بٍس مياو يعني يعني حيوان مو اكثر ولا اقل
مرام : حرام عليكي جلس معانا كم شهر
خلود : ههه الله يعينك حبيبتي
بدلت ملابسي وانا افكر في هبال مرومتنا ما ادري ليش جا على بالي الي شفته اليوم احراج
نزلنا تحت مع امي وابوي وعمر وسعد ..
تكلمت بصوت شبه عالي : عمير وين مرتك ليش ما جات
عمر : بس انغثت منك
مديت بوزي : الله عليها عاد هي الي تغث مو انا
عمر : والله يقولون رحم الله امرء عرف قدر نفسه
مرام : بالله عليك احلف وش دخل هذا الي تقوله في الي تقوله هي
خلود : ما عليكي منه بس يحب يهرج يسوي نفسه فاهم
امي : بنات عيب هذولا اخوانكم
طليت في ابوي : يلا دافع عنا
ابوي : منسحب دام فيها امك
مرام : يا ويلي ما ينشد الظهر فيك اثره
وجلسنا نهرج لما اذن المغرب وخرج الوالد مع اخواني يصلوا وقمنا احنا نصلي ..
بندري :
منك تعلمت الخوف
ومنك قلبي يتعبني
العصر رجعت البيت وانا مرعوبه بسرعه رحت غرفتي وبدلت ملابسي وحطيت اغراضي
وجالسه اتلفظ الشهاده الأخيره
دق الباب وحسيت انه بيغمى علي يا ويلي يا ويلي قمت فتحت الباب وشفت بندر حسيت انه قلبي خلاص وقف عن النبض ودمي وقف في عروقي
بندر وهو جاي من الصلاه : متى جيتي
بلعت ريقي بصعوبه احاول ارطب حلقي الي نشف : اول
بندر : متى اول
ارتبكت اكذب عليه ولا هو دخل غرفتي قبل لا يروح يصلي : الساعه 3
بندر : بندري بندري كم مره اقولك بيت عمتك في اوقات تروحين لها
بندري : والله يا بندر انه لجين غصبتني اجي معاها تقول انها طفشانه لحالها
بندر : عيال عمتك في البيت وعيالها رجال وانتي بعد كبرتي انا خايف عليكي
بندري: يا بندر مو كلام الي تقوله حتى عيالي عمتي يعتبروني مثل لجين اختهم ويخافوا علي مثلها بالضبط
بندر : انا ما قلت شي ادري فيهم عيال عمتي رجال بس بعد في اشياء ما نقدر نتجاوزها درء للمخاطر الي ممكن تجينا منها
نزلت راسي الحين بيتكلم عن المجتمع المختلط وفساده وكيف مجتمعنا احنا ومحافظته ادري والله ادري انه مجتمعنا جدا رائع بس خلاص عاد مو كذا
بندري : أن شالله اخوي اعذرني هاذي المره حقك علي
بندر : عفيه عليك اختي والله يلا انا بروح الجامعه ..
سكيت الباب وكلمات طلعت من غير اراده فكه يا شيخ عقبال ما تروح عند حرمتك
فتحت الكمبيوتر وشبكت النت وفتحت المسن ..
رحت اتوضيت واصلي
وجلست اتصفح لما دخلت صديقه لي من النت ودوم وجلست اهرج معها لما اذن المغرب استأذنت منها طلعت وقمت اصلي وجيت بكمل يجي بندر بسرعه اقفل النت واطلع .. ورحت فتحت كتبي ..
مازن :
على اذان العشاء
جلست انادي عزوز : يلا يلا خلنا نلحق على المسجد
عبد العزيز : جاي جاي يلا
مازن : لجين جهزي الشاهي الله لا يهينك والمكسرات اليوم المباراه
لجين : أن شالله
وحنا نازلين شفنا خالي وبندر نزلنا مع بعض رحنا المسجد صلينا بعد ما خلصنا
تكلمت مع بندر شوي : ها كيف الجامعه
بندر : والله ما شي حالها
مازن : يلا شد حيلك اخر سنه
بندر : أن شالله كيف شغلك
مازن : الأسبوع الجاي دوامي بينقلب فوق تحت
بندر : الله يعينك ها ابو العز كيف الحال
عزوز: حمد الله انت وينك مره قاطع عنا
بندر : والله مع الدوامات ماني عارف شلون احك راسي
مازن : عادي تبغا استأجر عندك يوميا احك راسك وطبعا ما ننسى حقي احم
جلسنا نضحك ورجعنا البيت ..
وانا بجلس لجين جابت ثلاجة الشاهي والمكسرات : اجلسي
لجين : لا بكرا علي بروجيكت لازم اسلمه
مازن : جيبي جهازك هنا وتعالي شوفي معانا المباراه
لجين : والله صدعه مالي خلق
عزوز : عشان خاطري لجين
لجين : طيب دقيقه اجيب جهازي
مازن : افا يا بنت ابوي ما هقيتها منك ليش مالي خاطر عندك
لجين قربت مني وباستني : والله كلكم اخواني وحبايبي والله لا يحرمني منكم
بستها من راسها : الله يحفظك الغاليه من كل شر وحاسد
لجين : اللهم امين
وراحت تجيب جهازها وجات جلست بدت المباراه وبدوا يدخلون فريق ماجد
لا شعوريا احس اني اتكلم بشكل فصيح : لجين شوفي ماجد
لجين تطالعني باستغراب وتطالع في ماجد : ايه ما عليه شكله بطل
ونزلت راسها تكمل عملها وبدت المباراه كانت حماسيه بس لين الحين ولا هدف
بعد دقيقه جاب ماجد هدف ولا اروع جلسنا انا وعزوز نصارخ
ولجين رفعت راسها تشوف الهدف وتضحك : والله هداف
طرت من الفرح نقطه في صالحنا : هو بس هداف في المرمى
لجين : ها وين بعد
مازن : هداف قلوب كل القلوب تحبه
لجين : ايه ما شالله الله يحفظه
قلتها بضحك : لك أن شالله
لجين رفعت راسها وبعصبيه : وش هالكلام يا مازن عيب الأخ يقول لأخته كذا
عزوز : صلي على النبي ما قال شي
لجين وقفت وهي تتكلم بعصبيه : واشفيك عبدالعزيز وش الي ما قال شي وش الي الله يحفظه لي عيب
مازن : والله يا اختي انا اخاف عليك اكثر من نفسي وما قلت هذا الكلام الا يوم ماجد يبغاك
لجين انقلب وجهها فوق تحت : بس انا ما ابغاه
مازن : ليش أن شالله الولد ينشرى بذهب وما عندك كلام تقولينه عشان ترفضيه
لجين : مو على كيفك تقرر مستقبلي مازن حرام عليك انا ما احبه
مازن : وش الكلام الفاضي ليش تحبين احد ثاني قولي اذا تحبي
لجين بدت اعصابها تنهار ودموع تجمعت في عينها وصوتها انبح : انت اشفيك اليوم وش الي احب ما احب احد وما ابي احد ابغا اكون بروحي بس
مازن : مو على كيفك احنا اخوانك ونبغا مصلحتك الي فيها مصلحتي يا لجين
لجين تطالع في عبدالعزيز : عزو أي مصلحه ليش ما تبغوني اكون معاكم في هذا البيت ليش يا عزو كذا يقول انت اخوي وتعرف مصلحتي مستحالي تكون مع واحد مو طايقته في عيشة الله
وانت انت مازن مصلحتك حرام تبنيها عشان تهدم حياة غيرك انا ما سويت لك شي دايما اتمنى لكم الخير وحطيتكم في عيوني ليش كذا تقول ما كنت ادري اني عاله عليك
وبدت في نوبة بكاء هستيريه : ياليت ابوي حي ما كان خلاكم تسوون معي كذا كان اتربيت في عزه هم قالوا مااحد يقوم بالبنت غير امها وابوها ياربي ليش حرمتني من ابوي ياربي ليش
ودخلت غرفتها قفلت على نفسها الباب وهي في الحاله الهستريا خفنا عليها وامي جات تحاول تهديها وما رضيت بعدت عنها ودخلت غرفتها ..
عزوز : الحين هذا اسلوب انت وجهك تكلم في اختك
مازن : والله والله ما قصدت ولا كلمه قالتها .. هاذي اختي وابغا لها الستر
امي تبكي : كله منك مو قااليه لك دفش ..ما تحملت في اختك الي من لحمك ودمك شلون بتحمل في نفسك
شفت ابتسامة عزوز في الوقت غير مناسب الله يهديها امي وش ذا الكلام والله نفسي انصدت حاولت ادخل عليها مقفله الباب ومو راضيه طلعت من البيت ضاق خلقي ..
الحين رافضته طيب مرام معقول صداقتي تتأثر بماجد .. يارب ما كلم اهله قبل ما اتفشل مع الرجال الله يهديك يا لجين ليش كارهته والله انه رجال ..

لجين :
ليه الحزن مثل البحر ما للبحر آخر
وليه الفرح مثل الفجر يمرنا عابر
قبل الي يصير كنت متأكده انه في شي ما ادري اصرار مازن على جلوسي معهم
آآآآه انهرت انهرت دخلت غرفتي وضميت صورة ابوي ورميت نفسي على السرير وجلست ابكي بكا خلاص تعبت تعبت وش هاذي الحياه لمتى لمتى كذا الحزن طاغي لمتى الدموع هي الطعم الي احسه في حياتي بعيد عن لحظات السعاده الي ما تمر ثواني ويرجع الحزن يطغى
جلست ابكي وابكي واشهق من البكى اسمع صوت عزوز وامي يحاولوا يخلوني افتح مو راضيه
خلاص ابغا ارتاح ما اقدر اتكلم الحين خصوصا انه عزوز ما تكلم معناته مأيد مازن في كلامه خلاص الحين مالي غير الورق والقلم هم الي بيخففون من حالتي
آآآه يا مازن اذا رفضت ماجد اكيد بي ينرفض من اهلها يا ربي انا وش سويت من يوم وانا صغيره تعذبت فراق اريج وبعدها بشهور فراق هيام .. ليش ياربي وش سويت صحباتي يبعدون بعيد عني .. ماكملت 16 سنه وابوي رحل اخذته استغفر الله استغفر الله لاحول ولا قوة الا بالله يارب سامحني يارب سامحني مسكت ورقتي والقلم .. وكتبت ..
يمكن هنا حددت مصيري ..
والي فيها فيها خلاص تعودت على الشقا الحين بتألم خلاص هي خربانه من اول
رحت فتحت الباب وشفت امي قامت بسرعه عندي هي وعزوز
بعدت على ورى : لا احد يقرب مني اتركوني لحالي بخلي باب غرفتي مفتوح لكن ما احد يدخل
امي : ليش يابنتي
عزوز : لجين حبيب ....
تكلمت بشراسه بغير وعي : اسكت انت آخر انسان توقعته يتخلى عني في هذي اللحظات انت
انت يا ولد امي وابوي يالي مسميتك توأم روحي وبسلم جراحي .. خلاص ما ابغا اسمع ولا كلمه منك بس اسكت ورح بعيد عني .. امي لا احد يفتح الباب علي ..
عطيتهم مقفاي وقفلت الباب حطيت راسي على السرير ورديت ابكي بحرقه بحرقه في جوفي ضميت مخدتي بأقوى ما عندي وكتمت صرخه في داخلي
عبد العزيز ..
مرفوع ضغطي من المهبول مازن مع احترامي الشديد لأخوي الكبير الا انه مرفع وما يعرف يتكلم
شوف وش سوى لجين حساسه ومو هذا الأسلوب الي يقنعها فيه
اصلا حركته كلها من اولها لأخيرها غلط في غلط ..
صدمتني كلماتها وكأنها مويه بارده انكبت علي ابد ما توقعت يطلع هذا الكلام منها .. لجين اذا انجرحت انجرحت وتنفجر وتجرح الي حولها من غير احساس منها ما اصدق انه انهارت بهذا الشكل جالس مع امي اهدي فيها
اتصلت على حنان وقلت لها تجي تعرف لأمي اكثر
جات حنان وهي تبكي يوم شافت امي : امي حبيبتي واشفيك
سامي دخل : بسم الله خالتي واشفيك وش الي صار
شلت رؤى الي تبكي من بكى امها وجلست اهدي فيها : حنان اسكتي شوفي بنتك بكت حرام عليك
سامي : عزوز وش في
عزوز : والله هذا مازن الله يهديه
سامي : مازن ليش وش سوى
قلت لهم السالفه وسامي نزل راسه
عزوز: والله الولد ماحنا رافضينه بس لجين حساسه شوي
سامي : بس انت تدري انه مازن يبغا اخت ماجد
عزوز : وهاذي المشكله الله يهديه مازن فهم لجين انه اذا ما تزوجت ماجد هو ما راح يتزوج
سامي : والله مازن غلطان هذا مو أسلوب الله يهديه
حنان : طيب اقدر ادخل لها
امي : لا يا حنان ما تبغا احد يدخل لها خلك جالسه
حنان : يمه انا اعرف للجين الحين بشوفها
راحت حنان عند لجين دقت الباب
حنان : انا حنان حبيبتي لجين
فكت الباب حنان ودخلت ..
وجلسنا انا وسامي وامي نشوف حل للي صار ..
حنان :
لما دخلت وشفتها شلون متجمعه على بعضها فوق سريرها ومخدتها في حضنها دموعي حسيتها بتنزل مسكت نفسي ورحت قرب منها وجلست في السرير وسحبتها عندي ضمتني بأقوى ما عنده وجلست تشهق من البكى مسحت على راسها وبديت اتكلم معاها
حنان : يا قلبي يا لجين ليش الدموع والله ما يسوى هالشي
لجين : انا .. انا .. مو كذا بس بس
حنان : طيب اهدي عشان تتكلمي زين
قمت جبت لها مويه وسقيتها : يلا الحين تكلمي ..
لجين : انتي تدرين اني ما احب ماجد من يوم وانا مولوده وما عمري فكرت
فيه يكون زوج لي حتى هذي الفكره مو راضيه تدخل مزاجي ومازن مازن بعد
يقول انه يبغا خلاص يرتاح عشانه يعني هو مسؤول عني كذا قام
يتكلم انا الحمد الله ما عمري اذيته او سويت شي يجيب له الضرر
انا عارفه نفسي وحدودي واخلاقي بس انا ما ابغا اتزوج ماجد ما احبه يا حنان
والله ما اطيق اشوف شكله احس اني برجع الي في بطني حتى حتى عزوزي
ما ما ما وقف معي جلس ساكت ما قال شي معناته انا عاله عليه هو بعد ياليتك
يا ابوي في ماكان سوا فيني كذا ويغصبوني على واحد ما ابغاه
وغرقت في دموعها من جديد ضميتها لصدري وانا اخفف عنها :
يا لجين يا حبيبتي والله مازن يبغا الستر لنا هو مو ضامن عمره بيجلس لبكره حي
ولا ميت عشان كذا يبغا يزوجك واحد هو واثق فيه مازن يحبك ومستحيل يزوجك نسان
تكرهينه او مالك خاطر فيه ولو على حساب نفسه حتى عزوز يحبك ويموت فيك حتى احيانا اغار وتدرين انتي بهذا الشي تدرين انك روحه وعمره ودام عزوز موافق معناته مازن
ما اختار لك انسان غلط اكيد ماجد يستاهل انه ياخذ اخته الغاليه الحبيبه والقريبه من القلب ليش
قريبه اذا ما كنتي قلبه صح حبيبي
حسيتها هديت شوي وحاطه راسها في حضني وتمسح دموعها
لجين : طيب ما ابغا ماجد ما احبه ما اطيقه اكرهه اكرهه
مسكت يدها : افا يا لجين مو لجين الي تكره مو هاذي اخلاقياتك يا عمري تدري بشي
انا يوم تزوجت سامي ما كنت احبه كنت مثل شعورك ويمكن اكثر حسيت اني بنظلم
اذا اخذته بس غيرت رايي بعد شهور من زواجي له كان انسان ثاني غير الي
تخيلته مع اخواني حبوب وطيب ورومنسي ويحبني لدرجه ما تتصوري شلون
حسيت بالسعاده تعيش في داخلي وتكبر يوم عن يوم كل ما اكون بقرب هذا الإنسان
الي اختاره لي اخواني لدرجه اني احس حتى لو حطيته وسط عيني واغمضت عليه
ما اقدر اوفيه من شوي من الحب والحنان الي اعطاني هو صدقيني يا لجين
بتتغير نظرتك لماجد لو سمحتي له بس يعرفك على نفسه بتعرفي انه انسان ثاني
طفل يحتاج لدلعك له وحنانك وانتي شفافه ورقيقه وهاديه فبتكوني جد جد مناسبه لماجد
تنهدت لجين وغمضت عيونها : اصلا كذا ولا كذا موافقه عشان مازن لازم اضحي عشانه
ضميتها : فديت قلبك الذهب وفديت تضحياتك يا عمري .. يلا انا بطلع سامي برا
مسكت يدي : حنان لا تقولي لهم اني موافقه انا بقول لمازن
ابتسمت لها : من عيوني يا قلبي يلا غسلي الوجه القمر امك حالتها حاله بره
ابتسمت وهزت راسها بالموافقه ..
مازن :
لو ما أحبك ما تعبت وأريحك لوما تهمني ما شقيت واسكنتك
تحسبني بتصرفاتي اضايق شعورك وانا الي همني راحتي من عرفتك
يمكن تلاقي قسوتي في كلامي لكن من حبي لك تلقى قساوتي
دخلت البيت وانا اطالع واشوف حنان وسامي عندنا
جيت اسلم وشفت امي : فتحت الباب
حنان : ايه فتحته
مازن : قالت لك شي
حنان : لا ما قالت
مازن : بدخل لها عادي
عزوز : لا مو عادي ناقصنا تسوي قنابل ثانيه بسوء تصرفك
تكلمت بصوت حاد لعبدالعزيز الي نسى نفسه : عبدالعزيز اذا نسيت اكبرك بسنتين ومو الرجال الي يرفع صوته على الي اكبر منه
قرب مني عزوز وباس راسي : اسف اخوي حقك علي بس والله خوفي على اختي
نزلت راسي ومشيت دخلت الغرفه عند لجين ماني لاقيها شفت اوراق فوق سريرها رحت وجلست اقرى كتابتها الي اثرت في نفسي .. كانت تقول ..
في يوم كنت أعتقد إني صرح شامخ في هذا المنزل
الكل يسعى لراحتي واهتمامي خوفا علي من المضي إلى المجهول
لم أعلم خوفهم من العار والفضيحه التي بإمكاني زرعها في حوض المنزل
سعادتي وسعادته
نعم سعادته هي التي اخترت ..
حتى لو ادعى الأمر أن القي نفسي في الجحيم
حتى ارى ابتسامته اذا .. فليكن ذلك لأجلك ..؟
وسأعلن قرار وفاتي ودفن قلبي في مقبرة جوفه ..
حتى أبث الروح في حياة شخصين لتصل حياتهم إلى قمة السعاده
هم اثنان وانا وحدي حياتي فقط ..
رحماك رباه اغثني واروني .. من رحمتك يا ارحم الراحمين ..
قلوب معذبه
خرجت لجين من الحمام ورميت الدفتر الي في يدي كانت نظرتها لي بارده
منظرها يقطع قلبي عيونها وخشمها الأحمر قربت منها وبست خشمها ابتسمت على حركتي
لجين بصوت مبحوح : هلا تامرني على شي
هزيت راسي : ابغاكي شوي
جلست قريب مني ونظرها على الأرض توترت وما عرفت من وين ابدي اول ما عرفت اتكلم وخايف الحين بعد ما اعرف : لجين حبيبتي
لجين قاطعتني وكملت : انت تحبني وتبغى مصلحتي الي تكون فيها مصلحتك انت كمان
وقفت كلامها ورفعت راسها واخذت نفس وكملت : أنا موافقه يا مازن
لفيتها علي ومسكتها من يدها : لا لا انتي ما تبغي ماجد خلاص عادي انا يهمني راحتك انتي
( وضميتها لصدري )أهم شي سعادتك انتي اختي ودلوعتي وامانه عندي مستحيل أأذيها ما ابغيك تحسين انك ناقصه على بنات الناس في شي مني يوم ابوي ما توفى وانا اجتهد في دراستي عشانكم انتوا انتوا اخواتي ما ابغاكم تشوفون نفسكم ناقصين على غيركم ابغاكم انتوا الي تطلبون وتامرون انتوا الي تقولون ايه ولا لأ
رفعت راسها لي وعيونها تلمع بالدموع حطت كفينها ما بين خدي وابتسمت لي : صدقني يا مازن موافقه .. هي الحياه عندي منتهيه منتهيه يمكن يصير تغير اذا اخذت ماجد أهم شي حبك لمرام وحب مرام لك والله يديم المحبه بينكم أن شالله
وهنا ذرفت دموعها ضميتها لصدري ما ادري هاذي البنت قد ايش عظيمه وصرح شامخ في التضحيه همست لها بداعبه : مستعده الحين تقومين تصرحي بقرارك
ضحكت ضحكه مستنكره : ليش العجله اخاف يقولوا متلهته
بستها من راسها : والله انا الي متلهت فديت قلبك يا أحلى لجين الله يقدرني أسعدك والله لا يكون عرسك أحلى عرس بالمدينه والكل يتكلم عليه يا أحلى عروس في الكون ..
ضحكت وضمتني : يكفيني انكم تكنون معاي هذا الي ابغاه وابغا اكون مبسوطه معكم ابغاكم حولي ما ابغا افقدكم بس
تعبت أنزف جراحي حبر وأدور للألم أسباب
لجل أكتب شعر يحكي بعض أصغر معاناتي
نهاية الجزء الثاني