أسلوب الحديث مع الزوج

السلام عليكم ورحمه الله وبركاته
كيفكم يافراشات,,,,,,
انا بقولكم حاجه من واقع تجربه يمكن تكونون عارفينها بس غافلين عنها
يمكن ماجربتوها الا قليل في حياتكم الزوجيه يعني مثلا ناقصكم حاجه بالبيت
وكلمتيه مستعجله يابو فلان هات وهات وهات .......... وتسكرون وخلاص
او مثلا كلمك من الدوام على غير عاده ويمكن يكون في هاللحظه عنده بريك
وحب يقضيها معك على التليفون واتصل وانتي هذيك اللحظه
يمكن تكونين مشغوله الوو ..هلا ..غريبه متصل شعندك .....؟؟؟؟؟؟؟
ماتلاحظون هالجمل تحسونها ناقصه ؟؟؟؟؟؟؟
طبعا ناقصه لو مثلا كلمتوا أزواجكم وأنتم ناقصكم شي
الوو هات لنا كذا وكذا يالله خلاص باي لاتتاخر عاد
لا حظوا الفرق ...
الوو هلا حبيبي كيفك وحشتني
قلبي ناقصنا كذا وكذا ممكن تجيب لنا وانت جاي اوكي ياعمري
باي يعني بصوت نااعم وحلو تجذبينه
شفتوا الفرق
ويمكن اذا كلمتيه بنفس الطريقه في الجمله الاولى بيكلمك بنفس الاسلوب يعني جااف
وكأنك تكلمين احد اخوانك مو زوجك ,,,,,
والا اذا كلمتيه بنفس اسلوب الجمله الثانيه بتلاقينه يكلمك بنفس الاسلوب كلام حلو
واسلوب احلى وتخلين هالكلمتين اللي قلتيها له ترن في اذنه
صدقوني الحين انتي اذا قالك هلا ياقلبي بتفرحين فيها بقلبك وترن في اذنك فتره
حتى زوجك اذا قلتي له كلمه حلوه بيحس بنفس هالاحساس ,,,
فيا حبيبتي الزوجه اشبعي اذن زوجك من الكلام اللطيف الحلو
ترى اثره جميل جدا ويعكس على حياتكم لاتستهينون فيها تقولون ايه احنا نقول
خليها على لسانك دايما
الو هلا حبيبي
وصل من الدوام هلا بالغالي اسفرت وانورت
بيطلع فماان الله ياعمري بشتاقلك
خلوها على لسانكم دايما
واخيرا ترى زوجك على ماتعوديه عوديه على الكلام الحلو بيشبعك كلام حلو ,,,,,
اتمنى يكون موضوعي خفيف على قلوبكم ,,,,,,,
عجبني ونقلته وانشالله يعجبكم
محبتكم..........الفراشة الحلوة