أسوأ منتجات المكياج العطوروافضلها من تجاربي

شلونكم بنات حبيت افيدكم من تجاربي من بعض المنتجات اللي شريته ومافادتني وياليت الكل يشارك ويفيدنا بتجاربه
ترا عدت صياغه الموضوع
مانبي كلمه شكرا ولا يسلمو
نبي الكل يستفيد من تجارب الثاني
نبي كل وحده تقول شنو جربت من مستحضرات تجميل وعطور وشنو اللي عجبها وشنو اللي ماتستغني عنه وشنو المستحضر اللي ماتفكر ان تشتريه مره ثانيه
ترا عدت صياغه الموضوع مانبي كلمه شكرا نبي نتشارك ياجماعه
عشان الكل يستفيد .......................
بالنسبه لي
ابتدي بالأسوأ
1- كريم اساس من مايبيلين اللي اسمه دريم شكله مدور ( بايخ والوانه غامجه حتي لو حصلتي علي لون ويهج يغمج بسرعه ودهني حده )
2_ كريم اساس شانيل اسمه( تان فلويد يونيفيرسال ) دهني والوانه اغلبها غامجه وهم تغمق علي الوجه بعد فتره قصيره
) 3-مثبت المكياج من جيرلان اللي ايي علي شكل علبه مضغوطه وشكل الجل شفاف وفي نقط ذهبيه عادي جدا ولا يسوا ابدا سعره
4- مثبت المكياج من ماك اللي يمدحونه البنات شريته عادي حده ومايسوي شي
5- عطر سامارا من جيرلان يلوع الجبد تكرمون حتي حق حمام ماحطه معطر عطيته هديه حق شغالتنا قبل لا تسافرخ اتصدقون طارت فيه ههه
6-غلوسات كلينك اللي بدون فرشه بس تضغطين ويطلع الوانهم حلوه لكن عيبهم انهم بعد فتره بسيطه تحسين ان شفايفج تتشقق
7- غلوسات من ماكس فاكتور اللي تدعي ان تدوم ولونها ثابت مايتغير من افشل الغلوسات اللي جربتها تخلي الشفايف باهته ومتشققه تلوع الجبد حتي الملمع اللي معاها مايطلع بايخ
اما منتجات اللي احب استعملها وماقطعها اهي
1- ماسكارا من كلينك حلوه وتكثف
2- بودره كانيبو روعه
3- غلوسات كريستان ديور الوانهم حلوه
4- كريم اساس من ماركه برو اكتيف المضغوط عجيب
5- عطور بودي شوب كلها حلوه
6- شدوات من ماركه مكياجي طبيعيه وتقدرين تستعملينها بالايام العاديه لانها هاديه خصوصا اللي بتدرجات البني والزهري
7-عطر شانس من شانيل حلو حده
8-كريم اساس من لا نكوم كولور ادابت حلو حق البنات اللي مايعانون من اثار حبوب للبشره لان تغطيته بسيطه بس الوانهم حلوه
مابي كلمه شكرا والله تعقدت ولايسلمو للمره 1000000000000