أفضل شامبو للشعر لا تفوتك المعلومه

1. مايحتاج صرتوا تعرفون اني احب ادعي

السلام عليكم فراشات
شخباركم ان شاء الله تمام ؟؟
عاد بقولكم اني احبكم كلكم في الله وعسى ربي يوفقكم جميع ويحقق لكل وحده امنياتها >> قولوا آمين

مايحتاج صرتوا تعرفون اني احب ادعي

المهم يالغوالي من فتره سولفنا انا وزوجة عمي عن الشامبوهات وقعدت تقولي ان احسن شامبو المفروض كل وحده تستخدمه شامبو للاطفال وان وحده من بناتها تستخدمه ماشاء الله ومره مناسبها وقالتلي انه مافيه مواد كيميائية لانه للأطفال >>حطيت هالمعلومه بلستة المعلومات اللي عندي بس للأسف مااستغليتها
المهم عاد انا الحين هالفترة صرت اهتم بشعري وزويوت وحركات <<صايره سنعه يعني
وقلت لنفسي بما ان شعري يبيله علاج بالزيوت وبهتم بعد بالتغذيه لانه صار يتساقط واجي اغسله بهالشامبوهات اللي معبية الصيدليات والسوبرماركت اكيد تعبي بيروح ع الفاضي خلنا نطق بحث بجوجل ونشوف اش افضل شي للشعر
والقالكم هالموضوع
السلام عليكم
اخواتي معظم النساء الان يعانون من الشعرومشاكله
ومعظم الاحيان نبحث عن شامبو جيد ومفيد للشعر ولانعلم ما نختار
لكثرة الانواع وتعددها وماتعرضه القنوات في الاعلانات
وفي احد المرات سالت طبيبا مختصا بالامراض الجلدية
ونصحني بترك اي شامبو من هذه الموجودة في الاسواق حيث ان
مفعولها وتاثيرها وقتي فقط وانها من العوامل التي تؤثر على تساقط
الشعر لما تحتويه من مواد كيمياوية قوية تؤذي فروة الشعر اتعلمون
بماذا نصحني
نصحني
استعمل اي شامبو للاطفال وذلك لانه ناعم على الفروة ولايحتوي
مواد كيمياوية
ومن هالموضوع تذكرت كلام زوجة عمي والكلام اللي بالموضوع منطقي وان شاء من اليوم بشتريلي شامبو للأطفال >> فديتهم وفديت ريحتهم
وشامبو الاطفال ببداية استخدامه بتلاحظين ان شعرك صار جاف وهالشي طبيعي لانه مااتعود عليه بس اذا تعودتي بيصير عادي
ونرجع لايام الطفوله بالشامبو ونغذي شعورنا
بعد ترا صابونة الغار مفيدة للشعر وماتخليه يتقصف هالمعلومه قالتها لي وحده سوريه الله يذكرها بالخير يوم كنت بسوريا
أتمنى تستفيدون من هالموضوع