أكشخ ولد بالعيد

اهلين حبيبتي
انا افصلت لولدي بالعيد دقله ومن جووا مروودن اللي يجي كم الثووب طويل
وسوويت قماش الدقله من اقمشة البشووت وكان لونها زيتي والزري ذهبيي
والثوب اللي جوا بيج مره كان يجن
وانا من الريااض ماعرف محلات بجده ومكه
واللي اعرفه عندكم بلاوي بالنسبه لحركات الثياب والدقلات والعقل
بالتووفيق ياغلاي

شوفي عندك المحلات الرجاليه في اول الستين ومؤسسة الاستمرار في العتيبيه عندهم جاهز وعندهم تفصيل اختي حضرت حفله في روضة الطموح وكانوا ملبسين الاولاد دقل سماوي تجنن ولماسألت قالوا مفصلينها عند مؤسسة الاستمرار اذا تبي زيها روحي وقوليلوا ابغى زي دقلة روضة الطموح وهو حيعرف

موفقين

موفقه يارب

سلام لكل الفراشات
انا ياقلبي زيك عندي ولد بس اكبر من ولدك شوية سنة ونص وانا اقول انو حلو يلبس اول يوم شي كشخة ثوب ودقلة حركات يعني منجد احس فالعيد دي لازم والمشكلة ادور على احد يفصله تفصيل ماني لاقيه لاني اكتشفت انو مو كل الخياطين يفصلو للاطفال وانقهرت صراحة لانو يبغالي دوارة مش اي كلام عشان الاقي خياط يفصله بس بالنسبة للدقل ابوه لقي في جدة جاهزة في سوق الكورنيش بس فين مااعرف بالزبط بس اتوقع في المحلات اللي فالكورنيش الرجالية اكيد حتلاقي دقل جاهزة (وماشتراهالانو ماكان معاه الولد) والدقل كانت فالكورنيش على مية وخمسين او سبعين واكيد عالعيد حتغلى زي مااقال صاحب المحل فااحسن لنا انو نشتري من الحين وانا حشوف اللي قالت عليه الاخت وسونه بس ياليت ياوسونة توصفيني المكان اللي قلتي عليه كويس
ويارب يحفظ لنا العصافير اللي منجد يدوخون الواحد وهو يدور لهم على شي والله انا دايما اكتر شي معذبني لمن ادور له على ملابس كشخة انو بالعافية الاقي معاها جزم الله يكرمكم بس انا ان شاءلله المرة دي حدور من بدري عشان ارتاح

مؤسسة الاستمرار بالعتيبية وسط السوق تعدي عبدالغني شوي قبل مكياجي نفس رصة المحلات على يدك اليمين طبعا وسعره على مااعتقد 160

من رائيي ثوب ونفس ماقلتي لان هذا اللي يصلح للعيال**
اتنى افدتك

صباح العيد لبسيه ثوب ودقله تلاقي مقاسه في محل اسمه السفير اخذت لولدي منه وفيه في كذا محل بجده كثير بس اش رايك تاخذيله ثوب مطرز مو عادي خليه ابوه يدورله ترا مليان السوق
وباليل طبعا بدله