أنا أكبر من زوجي ولايطيقني

اختي دائم جددي حياتك مثلا كل يوم لبس شكل وعطر غير وغيري تسريحه شعرك سوي سهره انت وزوجك ولعي شموع سوي عصير اهتمي بنفسك اكثر الله يجعللك نور عيونه ومايشوف غيرك يارب

حبيبتي مسالة البس مهمة في حريم تلبس ومافي فايده البس والتعدل ماقاعد يجيب نتيجة ومن حكم تجربتي تبين الصراحة انا اصغر من بوراشد ب4سنين واول ماتزوجته وللحين ادلعه دلع مادلعته مره لزوجها من قبل لكن صدقيني في نوعيه من الازواج مسالة السن الدلع والبس مايجيب نتيجة لاكن في حل واحد وفي حلول غيره س جربي هلحل مؤقتا وشوفي النتيجه ام اذا كنتي معودته على شغله معينه لاتسوينها لاتبينينله اهتمامك الي هو متعود عليه لان الصراحه هذا الي خلاه يقوه عليك واذاتكرم وسالتك ليش متغيره قوليله وفي وجه ليش في تقصير مني اذا قالك ايه قوليله الي يعطي ياخذوانا للحين مااخذت شي والي ابيه منك حق من حقوقي كزوجه وكوني عرفت واجباتي للاسف ماخذت حقوقي ومسالت السن اذا انت شايفها عيب فيني فهذا بختيارك محد جبرك واذا كان في غلط فلغلط منك لانك انت وافقت علي وانتي لاتبدين السوالف معاه مارده يمل ويطر يفتح معاك مواضيع وصدقيني زوجك محتاج صدمه عشان يحس بتصرفاته انتي محتاجه تغير في اطباعك مع ان اطباعك ماعليها كلام بسم الله عليك والرجال الي هدد بلزواج تهديده على الفاضي لانه يبي اهتمام اكثر لانه تعود ياخذ مايعطي يعني اناني ونشاء الله اسمع عنك اخبار طيبه مع زوجك والله يهدي سركم

اخيتي
عليك دالدعاء
صلي آخر الليل وابكي لله واشكي له همك
والرحمن ما يترك عبده
لكن
لا تستعجلي الاجابه (مهم)
واصلحي ما بينك وبين الله يصلح الله أمرك
وفقك الله

حبيبتي لا تحطي موضوع السن في راسك الرجال دايما متدلعين ويحبوا دايما ياخدوا حقوقهم ولا يراعوا واجباتهم وانا اصغر من زوجي ب 12 سنه ولا اعرف كيف ارضيه وتحملت منه مالا يصدقه عقل وزي ما الاخت قالت لك اللي بيتزوج ما بيقول وربنا يجعلك قرة عينه ويسعدك ويهديه لك

السلام عليك ورحمة الله وبركاته وبعد :
عليك بالصبر الجميل ولاتهدمي بيتك ياأُخيّة ولو تزوج بثانية فالصبر له عواقب حميدة وعليك بمحاورته بالتي هي أحسن فالتحاور البناء له إيجابيات وحاولي أن تبيني بأن مايقوله تجاهك لاينبغي أن يصدر من زوج عاقل مثلك أين العشرة وأين الأيام التي قُضيت بينكما حاولي أن تحاوريه بأسلوب فيه تودد دون أن يصل إلى الإهانة ولكن بالمعقول الذي يُنشر السعادة ويزيل التوترات القولية والنفسية واذكري له بأن أم المؤمنين خديجة رضي الله عنها كانت أكبر من رسول الله صلى الله عليه وسلم ومع ذلك كان يذكرها بعد موتها رضي الله عنها من محبته لها رضي الله عنها وعن جميع أُمهات المؤمنين وعن جميع الصحابة والله يوفقك إلى الخير ،،،،

ممكن سؤال.؟؟؟
ليش خذاج ما دامه في باله فكرت السن وانه اهو اكبر عنج ....
بس الحين امبينكم عشره واولاد صح يمكن في شي... حاسبي نفسج يمكن في شي انتي غافله عنه ...
وطمنينا عليج .... والله يوفقج .... ولا تكدرين وضايقين في نفسج...

السلام عليكم ورحمة الله وبركاته
اولا واخييرا حاولي التقرب الى الله هذا اهم باب للسعاده ومفتاحه
واذا حصلتي على رضى الله فهذا اسعد حياه تعيشينها في ظل الرحمن
اختي في الله واذا كرر لج هذي العباره قولي له بصراحه الرسول عليه الصلاة والسلام
اخذ ام المؤمنين خديجه رضي الله عنها واحبها ولم يتزوج عليها وهي كبيرة بالسن
وانا افتخر بانك اقتدي برسول الله عليه الصلاة والسلام في زواجك مني
صدقيني مو مسألة سن وهو ماخذنها حجه عشان يتزوج عليج
الموضوع اكبر يمكن مو حاس بانه متزوج وخليه يحس بانج شابه مرحه والقعده معاج ما تنمل
وسوي له مره قفشات ومره مقلب ومره ومرات اطلبي رايه في مواضيع حسسيه بانه هو اكبر منج تفكير وعقل وحكمه
اطلبي مشورته في كل شيء لا تبيين له بانج قادره تتصرفين في اي موضوع دون اللجوء الى عقل السليم
شو نسوي هذه الدنيا نمثل عليهم باننا اقل حكمه منهم ههه
وانا اقول اذا الرجل بين لزوجته بانه ناوي يتزوج عليها ينبها بانها مقصرة بطريقة التهديد
اذكر مره وحده تخبرني بان زوجها قال لها جذي وبعدين جلست معاه جلسة مصارحه فقال لها حاولت انبهج بانج مقصره معاي
والله يسعدج ويهديج ويهدي زوجج ويهدينا ويهدي جميع المسلمين والمسلمات
اللهم آمين
.
.
اختج في الله