أنا تعبت من الشحوم وربي تعبت يومياتي مع الدايت تحديث كل أحد

>> هذا اليوز مشحوذ من صقيقتي
السلام عليكم ورحمة الله وبركاته
بنات أنا مليت وتعبت من المتن وربي موب قادره أعيش حياتي ولا أتكشخ مثل باقي البنات
خلا قررت أحترم نفسي وأسوي رجيم مثل العالم والناس لأن إذا وصلت للعشرينات بيصير صعب أنحف
أنا من بكرا الصباح بإذن الله ببدأ الرجيم
وبجي كل أسبوع يوم السبت تحديده أقولكم كم صار وزني
أول شي أنا بسوي نظام جديد في أنظمة الدايت
هو نظام الصيام
إن شاء الله بصوم كل يوم
أول شي عشان الأجر
ثاني شي عشان يصير نص اليوم صيام ومايمديني أكل شي >> وش رايكم بالأفكار بالله
وش رجيمي؟
بأمنتع عن النشويات لأنه هي سبب متني
وبأمتنع عن الحلويات لكن بسمح بيوم واحد بالأسبوع اللي هو يوم السبت
لكن بوه شرط مهم
إني أكون نازله في الأسبوع فوق ال4 كيلو عشان أكل حبة شوكلاطه >> عشان أتشجع وأسوي رجيم ورياضه فهمتو؟
رجيمي هو إني باكل كل يوم أناناس + كيوي + ليمون
أقطع الأناناس والكيوي وأعصر عليهم ليمون وأكلهم
وراح أشرب أعشاب تنحيف
قرفه + شاي أخضر + إكليل الجبل + نعناع + قشر رمان + قشر قهوه + شمر + زنجبيل ( بس مهوب البودره لا النوع الثاني)
وبأكثر من شرب الماء وبسوي رياضه على جهاز الدراجه >> أظن أسمه كذا
وبأيام الدوره بوقف الرجيم والرياضه وأخفف الأكل >> لأن ماينفع ناكل حوامض بوقت الدوره وماينفع تجوعين بوقت الدوره
وبس
بقولكم وزني وطولي
بس تكفون لا تضحكون على وزني ترى مشاعري رقيقه
طولي : 170 سم >> ماشاء الله زرافه
وزني : 114 كيلو غرام أأأأأأأأأأأأأأه ياني
الهدف الأول : 80 كيلو غرام الهدف الثاني : 65 كيلو غرام >> الله كريم
بحط لكم عداد الوزن وإن شاء الله كل أسبوع يوم الأحد تحديدا بدخل أعدله وأقولكم يومياتي أوك
تابعو موضوعي وشجعوني أنا ماأقدر أدخل بإستمرار بدخل كل أحد أقرى ردودكم وتشجيعكم لي >> عندي أمل فيكم لا تفشلوني
إذا شفتو يوزري أون لاين غير يوم الأحد مايكون أنا بتكون وحده من صقيقاتي أوك >> محد درى عنك
عداد الوزن
يارب يمشي العداد بسرعه يارب
بنات تكفون لا تنسوني من دعواتكم
أنا وربي دايم أدعي إني أنحف أنا وكل بنات المسلمين
خلونا كلنا ندعي ونكثف الدعاء عشان ننحف
ياارب ينحفون كل الدبيات من غير شر عاجلا غير أجل
يارب ننحف كل يوم كيلو ولا نرجع نزيد ولا حتى ربع غرام
يارب أرزقنا مانتمنا ويارب أوصل لل60 وأحقق حلمي ويارب كل وحده توصل للوزن اللي تبيه
بحفظ الرحمن