أنا وأختي

بتكلم عن الكيد صراحه أنا يالغافل لك الله بس أختي أصغر مني وتوها متزوجه قالت لي حاجه واستفدت منها وحبيت اقولها للفراشات أن شاء الله تعجبكم وتستفيدون وتردون علي بفوائد أكثر صراحه زوجي يقدم لي عروض واقول مو مهم, مو لازم ,مو ضروري فاحذري هذه الكلمات الثلاث بعدين زوجك مايتحمس لك مره ثانية ويعرف انك قنوعه فما يشيل همك.....فإذا صرتي مع زوجك تمني الوصول للقمر قولي احلم بفيلا واتمنى اصيف في سويسرا والنمسا وإن كنتي عارفه مالك الا الشرقية أو الغربية عاد لا تكونين حنة ورنه لا بس بكلام ويمكن يفتح معاك حوار تكلمي عن الحين انا صغيره وبكره بيجون الاولاد وماراح اكون حره زي هالوقت واتمنى اكون وياك بعيد في عالم ثاني اذا جيتي من حفله وحصل لك اطرا لازم تقولين صراحه اعجبهم مكياجي فستاني وضميه وقولي يارب تخليك لي اياك تقولين فستاني مو حلو مكياجي خرب الكوفيره هذي مو زينه .
بعد تذكر قصه اختي وانا بفراشي مت عليها ضحك طبعا على الصامت عشان مايصحى ابو الشباب تقول احترق الغداء ببساطه بدلته قدر من قدر وكشنته وقدمته لزوجي قال طعمه محروق قلت لا ؟ هذا رز فرنسي مدخن وصدق وقاعد يأكل ويقول حلو فكرتي تغيرين ؟ وانا كاتمه الضحك شفتو الكيد ؟