أنا وزوجي أبي حل يارب لكل عاقله أبي دعوة ونصيحه

1. السلام عليكم ورحمة الله وبركاته

السلام عليكم ورحمة الله وبركاته

انا متزوجه من سبعة شهور وحامل في الشهر السادس لله الحمد والمنه عندي مشكله مع زوجي أهله الحمد لله طيبين معي أنا ساكنه في شقة صغيرة جدا فوق أهلة بس مشكلتي في الناحية المادية مع زوجي انه ماسك بالصرف معي أول زواجي كان يقول لي إن يبقى من راتبة 450 ريال بس وهذا شي الطفل ما يصدقة كيف أنا لو إن يبقى من راتبة 450 ريال زي مايقول ما كان يجراء على الزواج ومصاريفة آخذني شهر عسل اللي هو بس اسم بسيارته وتخيلو كيف التعب مع وحده توها عروسة تروح شهر عسل بسياره انا من الشمال وداني لمكة الحمد لله آخذت عمرة وهذا الشي الحسن اللي سواه معي صدق اول عمره لي بحياتي صدق ماجلست في مكه إلا ساعات بعدين آخذني لجده جلساني تقريبا ساعه على البحر بعدين تحريته يوديني لمنتزهات او شي من كذا مطاعم كان يوكلني في السيارة واستحي مآ أكل ذبحني الجوع والله إني اكتب وابكي الحين بعدين وداني المدنيه المنورة وقلت ابي استريح شوي خلنا نآخذ شقة ننام في جده بعدين نكمل المدنية ماراضى ظل مواصل وأنا متقطعه من التعب وصلنا المدينة المنورة وجيت المسجد النبوي الشريف وطولت شوي علية تعرفون مسافه المشي لدورات المياة للوضوء وأول مره أجي يعني آخذ وقت بالسؤال ورحت للروضة الرسول علية الصلاة والسلام وصليت ركعتين رجعت له وهو زعلان مني إني طولت علية المهم يا بنات ماعطاني فلوس او دلعني زي أي زوج في شهر العسل مع العلم اني توني عاروسة لسى سبع شهور زواج .... ورجعنا للشمال بعد عناء وتعب بعد فترة قصيرة آخذ ذهبي وباعه آآآآآآآآآآآآه والله ابكي من الحرقة وما علمت أحد وجالسة أتألم يقول ماعنده فولس واستحي أقول له لا طلع يكذب عليه عرفت من أمه إن راتبه سبع آلاف ريال سكت واحتسبت وصبرت بعدها بأيام غابت عني الدورة الشهرية ويالله يوديني للمستوصف اسوي تحليل وفلوس التحليل والله العظيم انها من ذهبي من حلالي وقيمة التحليل 30 ريال بس سويته مرتين طبعا من فلوسي والحمد لله طلعت حامل لا فرح ولا جاب لي هدية ابي افتح ملف حمل قلت له قال ماله داعي ما يحتاج مايبي يدفع شي بعدين الحمد لله فتحت ملف حمل عند مستوصف حكومي وريحته من المصاريف ... والله العظيم ماجاب لي هدية من يوم تزوجني شي له قيمه لاجوال ولا شي ولا عطر ولا لاب توب اللاب توب هذا اللي اكتب منه حقي قبل الزواج صار له معي 6 سنوات والجوال طبعا من زمان معي صديقاتي مستغربات مني جوالي هو هو ما تغير ...
وش اسوي محتاجه طبيب نفسي فكرت بالطلاق يعني أظل كذا محرومة من الفلوس والماده ليش
لبي البس والله الذي لاإله إلا هو عالم الغيب والشهاده اني لبسي يفشل مع اني المفروضه اكون اكشخ واحلى لاني عاروسة بس من وين الفلوس أنا حامل وابي ملابس تخيلوا زي لبس الشغالات حتى هو يقول اشري ملابس واسعه من التخفيضات إن طار ب30 ريال ماعندي جزم الله يكرمكم وشايله هم البيبي المسكين والله الظيم ماجهزت له ولاشي ولا شي ولا شي مع اني حامل بالشهر السادس
وأنا معي مس واتعب دايم واجامل كثير حتى لو على حساب صحتي سورة البقرة ما اقراها دايم علشانها تطول والمحروس يبي كل شوي انزل لأهله وأنا اهلي بالحسرة اروح لهم امي تعبت مره وداني اخوي يمها من شقتي آخذني مع العلم اني قلت له وزعل علية وقبل فتره مرضت امي وقالت لي ابيكِ تجيني تعبانه محتاجه لك ما رحت لها علشانه ... .. والحين ربي رزقني مبلغ وقدره 1700 ريال وهو علم بالشي هذا وقال انتي تآخذين 300 ريال والباقي له قلت انا محتاجه ابي ملابس وابي اعطي امي منه زعل مني والجين طل وهو زعلان مني .............
نفسي بهدية مثل باقي الأزواج عندي زواج لود خالتي الاسبوع الجاي آخذت من اخته فستان حوامل لانه مايشري لي كالعاده يقول ماعندي فلوس وشايله هم المشغل واكيد من الفلوس اللي جتني هبة من الله سبحانه وتعالى .... ،،،، ..
آخ من فتره النفاس اللي معاية يجهزن للنفاس وانا ولا شيء سويته مدري كيف رح اتصرف اكيد بيقول لي عندكِ 1700 ريال لا تطلبيني انا ابي اشري لنفسي لبس زي الناس والله العظيم ماعندي لبس ...
ابي حل ابي شخصيتي تكون قوية وطلب من ربي ان الزواج مايكون عامل هدم لي في حياتي بالعكس عامل بناء انا ماني نادمة اني تزوجته لاني استخرت الله سبحانه وتعالى .....
اللي تعرف رقم استشاري نفسي او منتدى نفسي ابي افضفض ابي حل
رايكم ..... شبعت صياح