أوراق منسية بالعيد

ورقه أولى
قالوا عيد
وناظرت
ماله طعم ماله لون
هو ياترى عيد وألا
يتهيأ لهم يمكن ..!
.
.
وألا يمكن أنا مات
طعم الجمال بداخلي
فماعدت أعرف
أين هو العيد
أعتقد أنه كان هنا ورحل ..!
/
ياه
فتحوا الشبابيك وقالوا قومي
عيدك سعيد وعمرك مديد
قلت وش فيه
قالوا العيد
قلت ماأعرفه
صكوا اللمبه واطلعوا ..!
/
جاؤوا يعايدون
وبالفرحه ينتشون
أعجبوني
ودّي أكون مثلهم
بس ماقدرت
وراحوا وخلّوني
سؤال ذبحني
لمّا شفت عيونهم
هو العيد له طعم ..؟؟ !!
ورقه ثانيه
أرسل الليل خيوطه
أو كاد يرسلها
مازال يداعب خيوط الشمس
لترحل وتفسح له مجال ..!!
قالوا يالله
نبي نتمشى
ونشمّ هواء العيد
أستغربت ..!
ماحسيت بطعمه عشان أشم هواه ..!
.
.
وطلعت برا البيت
وهناك في ذيك الزاويه
ماشفته ..!!
سألت ولد الجيران
قلت وينه .؟!!
قال مو راضي يطلع مختفي
قلت ليش ؟!!!
قال يقول يوم عادي مثله مثل غيره
مافيه شي جديد ..!
.
.
هو صادق يتيم من بيدري عنه ..!
/
وشفتها هناك على عصاها تتركأ
قلت كل عام وإنتِ بخير ياخاله
قالت وش فيه ..؟!!
قلت اليوم عيد
قالت والله ..؟!! وراه ماجاء ..؟!!
عودني من عيد لعيد يزورني
قلت منه ..؟!!
قالت ولدي
.
.
وارفعت عصاها في وجهي قالت
انقلعي ..!
تضحكين علي لأني عجوز ..!
.
.
رفَعت عيني فوق
قلت ياويله من ربي هي مره بالسنه
يزورها
وهالسنه استكثرها وغدت أيامها مثل بعضها ..!
ورقه ثالثه
قلت أعذروني تعباانه
برجع أنام ..
ورجعت وعلى زوايا قلبي
تسكعت
ورجعوا للبيت
ومعاهم لعب وهدايا
وأشياء كثيره
.
.
بس ياليت
يكون فرحهم حقيقي مو زيف ..!
ورقه رابعه
ماعاد الزمان هو الزمان ..!
ولا المكان هو المكان ..!
ولا الأيام هي الأيام ..!
كل شئ اختلف وتغير
ويبوني اقتنع ..!
صعب والله صعب
.
.
حقيقه تأكدت منها
ماعاد للعيد لاطعم ولالون ..!
ورقه خامسه متفائله
هناك أشخاص أشعر بالعيد معهم
هم معاي دايم مايتركوني
تليفون منهم وينتشي قلبي ..!
بس مدري ليه لاخلصت مكالمتهم
يموت كل شي ..!!
ورقه سادسه متفائله جداً
صديقتي ..... معي دايم
في يوم العيد أزورها
كل سنه تعطيني كيس
وفيه حلاوه ..!
.
.
تقول هذي حلاوتك احنا صرنا كبار ..!
مايصير أعطيك أكثر من ريال ..!
وكيس فيه حلاوه ..!
آخذهم
وأقولها كل عام وأنتِ بخير
وأبوسها وأجي ماشيه من عندها
في ذيك اللحظه أحس ان فيه عيد
.
.
بس مدري ليه لارجعت للبيت أوزع حلاوتها ..!
وأنسى أخذ نصيبي منها
يمكن يمكن أحس بطعم العيد ..!!!
/
قبل لاأنسى
أبشركم حسيت ان فيه عيد
يوم شفت البيت يلق ونظيف
وشفت ملابسي تحتريني ألبسها
وشفت أبوي وأمي وأخواني
بس لمّا جاؤوا الناس
وراحوا عني يمهم
مات احساسي ..!!
ونسيت ان فيه عيد ..!!
/
على فكره ماني متشائمه
حسيت بطعم العيد
بشكل أكيد
لمّا قالي أغلى الناس ..!
وهو حاضني
أنا فرحان ان اليوم عيد
قلت ياعمري إي والله
معاك العيد عيدين ..!
(( وكل عاام وأنتم بخير))
منقول