إذا كنتي في الثانية والثلاثين هل تتنازلين جاوبوني

لا طبعا يالغلا
اهم شي متوظف والا كيف بتقدري تعيشي
الله يرزقك بزوج صالح عاجلا غير آجل يارب

لا يالغاليه أذا كان ماعنده وظيفه كيف بيقدر
يفتح لك بيت ويصرف عليك وعلى أولادك بإذن الله.
أنا باقي لي شهرين وأدخل 32 وماتزوجت للأن
ومع ذلك مو مستعده اتنازل عن الوظيفه
ابغى أتزوج علشان أرتاح مو علشان أزيد همومي هموم
الله يوفقك ويسعدك ويرزقك الزوج الصالح اللي يسعدك وتسعديه
ويكون خير لك في الدنيا والاخره
ويرزق كل البنات وأنا معهم

لا والف لا واذا با32 عادي توك باعز شبابك هذا ماعنده وظيفه كيف بيعيشك وكيف بيصرف عليك
وكيف بيفتح لك بيت لا لاتوافقين ربي بيعوضك احسن منه لا تدفنين نفسك بالهموم

ما اتنازل عن الوظيفة اهم شيء يشتغل الرجال لو براتب 1000 ريال أو اي شغلة شريفة لو بياع خضار اهم شيء يحس بالمسئولية و انه فتح بيت و عنده زوجه يصرف عليها
وانتي لسه صغيره في عز شبابك انا مثلك عمري 33 و الحمد الله راضية بقضاء الله و قدره ولو الله كاتبلي نصيب اتزوج راح اتزوج لو كان عمري 40 سنة
يا رب يا واحد يا أحد يا فرد يا صمد يكتبلك الزوج الصالح و كل بنات المسلمين

يابعد عمري الله يجزاكم الجنة والله ردودكم ودعواتكم توسع الصدر تدرون ليش سألت هالسؤال لأن أهلي بيجبروني أخذ واحد متزوج بحجة انة موظف وقادر لكن انا والله مابي متزوج ودي بشاب لكن المشكلة وين الشاب الموظف الصالح كلهم هياتة
والله محتارة مابي متزوج

حبيبتي كيفك
اتمنى ردي يسعدك ويخفف عنك
تعرفين اهم شي بالزوج انه يكون ملتزم مو من هالشباب الضايع وموظف وتعليمه كويس ومتفهم جدا وليس معقد
نساء اهل الجنه اعمارهن 33 سنه في سورة النبأ الايه (كواعب واترابا) بشر الله المتقين بهن لانه اجمل سن للمراءة
لاتتنازلين مو ناقصك شي
عمري 31 سنه وبعد كم شهر 32 سنه
فيه شخص يبيني وقريبي لكن سيء جدا والكل يقول خذيه واصلحيه ونفسيتي تعبانه منه لكن اقاوم الناس وكلامهم
حتى اقرب الناس لك
ماعليك حتى من اهلك ولاتفكرين الا بصاحب الدين والخلق
ووظيفه حتى ماتحتاجين لحد
دعوات الكل لي ان يثبتني الله سبحانه ويصرف عني هذا الشخص ويرزقني بالزوج الصالح مخموم القلب عاجلا غير اجلا وجميع الفراشات يارب

كيف يعيشون ؟؟؟؟؟؟؟؟؟؟؟؟؟؟؟؟؟؟ لا تتنازلين وما عليك من الناس دامك معززه مكرمه ببيت أهلك
الله يرزقك من واسع فضله بالزوج الصالح ظاهره وباطنه ويسر خاطرك

السلام عليكم
اختى الغاليه اول لازم تعرفين ان كل وحده تتكلم من منطلق ظروفها واحنا ماندرى شنو ظروفج بس اذا تبين راينا وشنو نفضل اسمعي كل وحده شتقول واخذي اللى ينفعج وفيه مصلحتج
ولاتنسين تطرقين باب الواحد الاحد اللى مايخين من رجاه
اتمنى لج حياة موفقه وسعيده

الزواج مش بس زوج وانتهى... صدقيني بعرف بنات اكثير اتزوجوا فوء العمر 35 واخذوا عزابية وانتي ما تستعجلي وتندمي بكرا .. لأنو اذا وقع الفاس عالراس