ابغى حزام كرستال تكفون لاتطنشوني

ميشو الدلوعة

25-04-2022 - 01:25 pm

السلام عليكم ورحمة الله وبركاته
كل عام وانتم بخير
مبارك عليكم الشهر
ابغاكم تساعدوني تكفون لاتطنشوني
والله لادعيلها بالشهر الكريم
الي تردعلي
ابغى حزام كرستا ال او كرستالات وفية اسم الماركات بالوسط
اوكرستالات سادة
اهم شي كرستال
لان عندي زواج وفستاني يبغى حزام كرستال
وين القاهن احصلهن ابغى محل معين مكان معين بالرياض طبعا
الله يوفق ويحرم وجهة النار ويحقق كل امانيكم الي ترد علي

التعليقات (8)

نبض الفراشة

25-04-2022 - 03:43 pm

حبيبتي اشتري اي حزام يعجبك
وروحي ركبي عليه سواروفسكي خليه يرصه لك
على مزاجك والله يعينك عالمبلغ
دمتي

ميشو الدلوعة

25-04-2022 - 04:44 pm

مشكورة ياقلبي
على الرد
والباقي فينكم ردو علي الله يخليكم

om_hala

25-04-2022 - 05:45 pm

حبيبتي في محل بالرياض بسوق الاندلس يبيع اشياء
ويفصل الموديل اللي تبغيه وعنده اشياء تجنن

غالين

25-04-2022 - 06:46 pm

هلا اختي
انا كان عندي نفس المشكله ادور على حزام كرستال
وحصلت واحد مره ضخم عند محل zerga
بس مره كبير وشريته وكان غالي وماراح تحصلينه لانه كل فرع عنده حبه وماحصلته الا عند واحد فرع غرناطه
وماعجبني ورميته
ورميته ليش ؟؟
لاني لقيت واحد مرره ناعم عند محل بسوق المرقب الي بالبطحاء
في محلات اكسسوارات .. سوي مثلي
روحي عند باب المحل وقولي عندك حزام كرستال
يقول لا
لين يقولك واحد ايه ولو ماعجبك لفي المحلات اسالي لين تحصلين اللي يعجبك .. لاني بصراحه نسيت اسم المحل
دعواتك

أوان الحب

25-04-2022 - 07:47 pm

الله يعينك وتلاقي طلبك
وكل سنة وانتي طيبة

أحترت أعبر}~

25-04-2022 - 09:49 pm

هلا اختي شوفي حزام كرستال مرة حلو بس عليه اسم ماركة احس موب حلو ليه لان مايصلح تلبسينة في زواج يصلح في مناسبة عادية ولبس كاجول سبورت موب ع فستان زواج يمديك تاخذين حزام كرستال بدون اسم ماركة
وتحصلينه بمحل اكسسواري ام ار ماادري عندكم بالرياض والالا
اتمنى اني ساعدتك
تقبلي مروري
ملوكه2007

نِوٌر مہ ِ ٍِْ ٍِـٍآسٌ

25-04-2022 - 10:50 pm

رووحي الاندلس بالرياض شاارع العليا العام
عندهم كل الي تبين
واتوقع انو تجيبي حزام كرستال عادي احلى ماينفع ماركات على فستان زواج
والشي راجعلك اولآ واخيرآ
موفقه قلبوو

نِوٌر مہ ِ ٍِْ ٍِـٍآسٌ

25-04-2022 - 11:51 pm

ايوه نسيت شوفي محلات الكلف والاكسسوار والخياطه بالاندلس هم الي عندهم الكرستال العادي

العباية الشاميه←
النيلي→