ابغى روضه كويسه شمال جدة

1. # الروضة ما تعطي غير يونيفورم واحد فقط للطفل


2. # يطلعوا الاطفال رحلات كثيره ومبالغين في قيمتها


3. # الكتب حقتهم مصوره تصوير (الغرض انهم يقللوا المصاريف )

السلام عليكم .. كيفكم
اولا: انا ابغى مساعده من الامهات اللي عندهم خبرة و سبق ودخلوا اولادهم وبناتهم في روضات كويسة يفيدون بخبرتهم خصوصا انوا بداء التسجيل للسنه الجايه ..انا ابحت عن روضه شمال جدة
ثانيا: ابغى اذكر لكم تجربتي مع روضة النجوم اللامعة عشان غيري يستفيد
انا لي تجربه سيئة في النجوم اللامعة قبل سنه وانا يشهد الله علي ما كتبت غير الواقع اللي شفتوا معاهم وعشان غيري يستفيد
انا نقلت جده وسكنت قريب من عزيز مول وما دورت على روضه كويسه على طول دخلت بنتي وبنت اخوي فيها لأنها كانت قريبه من البيت
# طبعا المبني جدا سيء ابتداء بالمدخل حق المبني ومرورا بالفصول اللي تسبب الاكتئاب ما فيها لوحات او رسومات زي باقي الروضات وفصول قديمة و متهالكة

# الروضة ما تعطي غير يونيفورم واحد فقط للطفل

# يطلعوا الاطفال رحلات كثيره ومبالغين في قيمتها

# طبعا كل المدارس الخاصة تهتم بالفلوس بس فيه مدارس بجانب الفلوس تهتم اكيد بالتدريس لكن هم كل همهم الفلوس ..تدريس مو تمام ومافي متابعه يوميه ولو فيه مشكله عند الطفل في الفهم ما احد يتابع من المدرسة (مافي اهتمام بالحروف ومخارج الحروف تمام وانتوا عارفين كلكم انوا المفروض انهم يكون التأسيس صح للطفل من ناحيه الحروف سواء عربي او انجليزي من البداية )

# الكتب حقتهم مصوره تصوير (الغرض انهم يقللوا المصاريف )

انا انصدمت لما شفت الفرق بين كتب بنتي وبنت اخوي وكتب اولاد صحبتي اللي يدرسوا في روضه ثانيه (بعيده على بيتي ولا كنت دخلت بنتي فيها ) كانت كتبهم كلها الوان واشكال تفتح نفس الطفل يذاكر ويحل الواجب .. مو مصوره كأنها مذ كرات طالب في الجامعة
حبيت اعطيكم تجربتي لأني انا تمنيت احد قالي عنهم قبل ما ادخل بنتي
والله يوفقنا جميعا في اختيار مدارس كويسة لأولادنا