ابغى يوم رومانسي بس ماني قادره

من اول سنه بزواجي تحولت حياتي وتغيرت مشاعري اتجاه زوجي وفقدت الاحساس باني زوجه تهتم بزوجها وتدلله وتداريه وتلبس وتكشخ له وتدلل عليه وتقول اروع كلام الحب وتفاجاه بشغلات تفرحه وتبسطه وتخاف عليه من الهوا الطاير بداية زواجي كنت احس الكل يحسدني على حياتي ودلع زوجي لي وكلامه الحلو لي اللي مايخلص بكل وقت وفي كل لحظه يحضني ومايرفض لي طلب بس فجاه انقلبت بسبب اني اكتشفت خيانته لي وانا نفاس باول مولوده وباول فرحه وقبل لا اعرف الخيانه تطلقنا قبلها بشهر بسبب خلا ف حصل بيني وبينه وطلقني وانا عند اهلي في شهري الخير انتظر ولادتي وجا ورجعني قبل ولادتي بيومين وتصالحنا ومشي الحال بس كانت الكارثه وانا نفاس باسبوعين اكتشفت انه يخوني وصارت المشاكل الكبيره قلت لاهلي واهله وتدخلو ا اعمامي لان ابةيه متوفي الله يرحمه وقعدت شهرين عند اهلي وحاول الين مارجعني ووعدني انه يتغير بس الحين انا اللي تغيرت صرت وحده ثانيه غير اللي يعرفها صرت قاسيه وماعطيه كثير وماعاد اتنازل واضحي واحب زي اول واحس صرت بارده بمشاعري ماعبر له عن شعوري وكثير ابكي مع نفسي لمجرد اني اتذكر اللي سواه فيني الحين مشكلتي اني ابغا انسى الموضوع واكمل حياتي طبعا مستحيل انسى المرار اللي ذوقني والدمع اللي نزله من عيني والتعب النفسي اللي فيني والذكرى المرهاللي خلاها في حياتي
بس ابغى انسى هذا الشي واشيله من تفكيري عشان اقدر اكمل حياتي تخيلو اني ماعاد اسوي مفاجات زي اول واحتفل معاه اخاف انه يحس انه مالكني ويرجع يتمر دعلي خصوصا انه فبل لا يطلقني باسبوع كان ذكرى زواجنا الاول ماتتخيلو قديش تعبت عشان افاجاه وانا حامل وتعبانه وبداية التاسع بس قلت كل شي يهون عندي بس اشوفه مبسوط والله اني كنت استعد للحفله واجهز وانا ابكي من فرحتي عشانه بيفرح واتخيل شكله اول مايدخل وينبسط وكله عشان ارضيه ومع ذلك ماكان وفي معاي قد ماوفيت معاه والحين نفسي اسوي يوم رومانسي في حياتي بس ماني قادره لاني بحس اني مرخصه نفسي واحس
انه مافي شي يستاهل اني اسويه عشانه بالرغم انه الحين طيب معاي ويحبني ومعطيني الحنان بس بس اول كان يعطيني كل شي ويخوني ماصرت اميز صدقه وكذبه حركاته تقول انه يعشقني بس خيانته كذبت هالشي عندي ودايما اقوله اللي يحي عمره مايجرح فياليت تساعدوني وتحلون معاي مشكلتي وعل فكره انا احبه بس ما ابين له لاني خايفه وماحس بامان ااحس انه باي لحضه ممكن يطلقني او يخوني
بس