ابيكم تساعدوني باختيار هديه لزوجي في يوم ذكرى زواجنا الثامن

ام بدووور

10-03-2022 - 04:36 pm

يلا يافراشات ساعوني اختار هديه لزوجي لاني ودي اغير
كل مره اجيب ساعه عطر او شماغ
الهدايا المعروفه بس هالمره ابيكم تساعدوني باختيار هديه غير
يلا فزعتكم ياحلوين

التعليقات (9)

ام بدووور

10-03-2022 - 06:59 pm

4 زيارات ولا وحده ردت زعلتوني

نبضات الوله

10-03-2022 - 08:00 pm

انا عن نفسي عندي مناسبة قريبة تخصني وتخص زوجي وفكرت هالمرة غير,,, ماراح اشتري له اي هدية بس راح اسويله سهرة واو،، يعني راح احجز بالفندق الي باتينا فيه ليلة الملجة وراح اشتري ثياب نوم يديدة وحركات يعني نفافيخ على قلوب على ............... وراح اطلب كيكة من عندهم وجذي راح اصرف فلوس الهدية على الاشياء الي بحتاجها والتجهيزات الي تسبقها... وفكرت اخذ هدية رمزية جدا يعني ورد ولا دبدوب كبير وبالونات يعني للحين موعارفة كل الاشياء الي احتاجها... بس انا فكرتي اني اسوي شي غير متوقع لاني بصراحة تمللت من الهدايا كل شي يخطر على البال وديت له.... ام مادري هذي الفكرة الي في بالي وان شاء الله الفراشات يفيدونج...
لج تحاياي..

فتونه

10-03-2022 - 09:01 pm

اذا فيه ميزانيه احجزي بفندق واطلبي غرفة عرايس وتورته وجهزي لك لبس نوم ولزوجك كمان انا من ضمن الهدايا شريت عطر من عرار (مدري موجود بجده او لا) عموما محلهم ينحت لك على العطر نفسه نحت الاهداء هلى العطر جت حركه تقدرين تشترين العطر وتودينه محلات النحت يسونها بالتوفيق يارب

ام بدووور

10-03-2022 - 10:02 pm

تسلموا على هالافكار الححلووه

SaidacK

10-03-2022 - 11:03 pm

أنا بعد عقب كم يوم ذكرى زواجي شريت ساعة وعطر الشيخ روعة بس عطته إياه في العيد وقلت له إني كنت ماخذتهم لذكرى زواجنا
والحين بسوي له ليلة ماتصير إلا في الأفلام الأجنبية
نزلت أغاني إنجليزية وعربية حق الجو...
إنتي عاد إفهميها والي محتاج مثل هذي الأفكار تعرفون شتسوون بالضبط قولوا لي على الخاص وأنا بعد برد عليكم بمسج

تيماء*

11-03-2022 - 12:04 am

انا بعد ذكرى زواجنا قرب ومفكره احجز في الفندق اللي عرسنا فيه بس تصدقون اني نسيت رقم الغرفه اللي سكناها !!!!! تتوقعون يحتفظون بسجلات عندهم يعني لو عطيتهم التاريخ والاسم يعطوني رقم الغرفه اللي نزلنا فيها يوم العرس؟؟؟؟
كنت مفكره اخذ له سيف وانحت عليه اهداء بس شفته غالي واييد مادري شسوي
استفسار اخر ... يعني الحين اذا انا جزت غرفه في فندق بدون مايدري !!! شلون افاجئه ؟؟؟ وتتوقعون ماراح يزعل ؟؟

الاميرة 22

11-03-2022 - 01:05 am

:11_1_111[ ممكن تيجيبن له خاتم فضه وبالتوفيق انشاالله

فراشة وكراوية

11-03-2022 - 02:06 am

شوفي حبيبتي
ليش ما تسوين له ثوب العيد ونعال وغتره( شماغ)
وقلم وبجامه جديده
يعني كل لوازم العيد
صدقيني بيفرح
لأنج ريحتيه من لوازم العيد
وانا يصادف يوم زواجنا بعد شهرين
فكرت اخذ له
جوال ونظاره
وقبل اسبوعين خذت له
قلم الماس وعطر غريد الابيض ريحته تجنن
هدية عيد الفطر
وبعد زواجنا بسبوع لازم هدية عيد الاضحى
وابو الشباب مستانس
لايفكر في هدية ولا يعور راسه
بس بيني وبينكم يستاهل
يدفع لي باليمين
وياخذ الهدايا باليسار
خ

((سلافه))

11-03-2022 - 03:07 am

ياخواتي ذكرى يوم الزواج مثل الاعياد حرام
اتقين الله في انفسكن ولاترضين ازواجكن وتعصين ربكن فقد يحرمكن الله السعاده
ولا تقولين شي عادي ومو عيد هل سمعت ان رسولنا محمد عليه السلام عمل ذكرى لزوجاته او احد الصحابه رضوان الله عليهم اهدى هديه لاحد زوجاته بمناسبة مرور سنه او اكثر
كل هاذي بدع وخرافات اخذناها من الغرب واسالكم بالله هل هدي النصارى واليهود افضل من هدي الرسول عليه السلام
كيف تتدعون بغض الكفار وانتم تتشبهون بهم وتقلدونهم في افعالهم
مشكلتنا هي ان نرى بعض الفعال هينه وهي عند الله عظيمه
فاتقين الله فانتن لاتطقن عذابه
اسأل الله لي ولكن الهدايه والثبات على الحق

رومنسيات للزوج فقط←
لكى تسوى خلافاتك مع زوجك السر بالداخل→