ابي حل لمشكلة الشعر المدرج لأنه طفشني

إنشودة الأمل

03-08-2022 - 05:38 pm

يابنات مين عندها حل لمشكلة الشعر اللي يكون مدرّج او مطعّج يعني ماهو خشن ولا اجعد ، بس الشعره نفسها مو مفرودة .. الصراحه شعري هذا حاله ومرة تاعبني ... اتمنى تعطوني حلول تفيدني

التعليقات (6)

زهورته

03-08-2022 - 07:57 pm

الحين البنات يركضون ورا المدرج و الكيرلي ...
أهم شي تزيتيه دوم...
و ترتبينه بطريقة تبرز جماله ....
فيه شامبوات خاصة للشعر الكيرلي ...أظن بانتين فيه ..و يعطي حيوية للشعر ....
تقدرين تسوين حركات تبرز جمالة ..مثلا تستشورين الغرة و تحطين طوق ناعم و تخلين فيه جل و يطلع روعة ..
أو تسوينه كذيل حصان...
لا تفردينه...ترى بيطيح...
و أنصحج أنه يطول طويل نوعا ما ..علشان يبرز جماله

شياكه ودلع

03-08-2022 - 08:58 pm

نفس معاناتي .................الله يكون في عونا

جالكسي كرامل

03-08-2022 - 09:59 pm

عندي اقتراح لما تتحممي لفي شعرك با لفوطه الين يقرب ينشف بعدين بدون ما تمشطي لفيه وامسكيه بالشباصه او بالبنس الين ماينشف تماما بعدين فكيه وحطي عليه شوي سيروم يطلع مره حلو وفيه لمعه كنه بالفير انا اعتمد هطريقه من زمان

^سعوديه ماركة ^

03-08-2022 - 11:00 pm

هع هع هع
نفس المعانه
مقطتعه بالإستشوار .
بس مشكلتي انا اني فردته وتحسفت والحين صايره اجعده بس مايضبط ههه لان مابقي في فرد الشعر اللي تحت مره ناعم مايتجعد .
بس انا عندي لك حل اربطي شعرك ببكله وابد جدليه صغار صغار صغار طيب وخليه تقريبا 8 ساعات وبيصير مجعد طبيعي .
بلا استشوار بلا جل .

إنشودة الأمل

04-08-2022 - 12:01 am

تسلمو حبايبي كلكم عالرد بلا إستثناء الله يعطيكم العافية ماقصّرتوا ..
بإنتظار بقية الأخوات إلين القى حل يخلّصني من هالعقده !!
لأني ابي شعري مسطّر وسايح وهذا مايصير إلا بعد ماالقى حل لهالتدرجات!!!!!!!!!!!

cheos.05

04-08-2022 - 01:02 am

نفس المشكله

اريد الساعدة←
خلطه للشعر مفيده جدا تكسب الشعر لماعان ونعومه وتطول الشعروتمنع التساقط→