اتفضلوا حياكم الله

ا
لسلام عليكم ورحمة الله ..رغبة مني اني اضيف موضوع مفيد ..افيدكم مثل ما افدتوني..
طبعاّ كلنا بعيد الفطر نحتار في الهدايا خاصة أزواجنا ..فراح اقلكم اش سويت العام وا نشالله اصور لكم الي راح اسويه هالسنه ..والصور حقت العام مع الأسف انمسحت بسبب خلل حصل بالجهاز..
اهديت زوجي مجموعه هدايا لأنه دايما يجبلي ولو بدون مناسبة وانا ما اجبله الا في العيد علشان كده اعطيه كذا هدية في العيد تعويض عن السنة .....ههه
دبلته انسرقت فشريتله واحده احلى منها ..
طبعت صورة سيارته على تي شيرت انتبهي تاخدي مقاسه صح
شريتله ثوب بيت بس احسن تشوفي نوع القماش الي فضله علشان الحر
شريتله كي بورد وايرلس لأنه اشترى شاشه فلات وما قدر يشتري الكي برورد لأن الميزانية وقتها مو مرة وكان شكل الشاشة الجديدة مع الكي بورد القديم مرة غلط..
غلفت كل شي احمر وشرايط ذهبية...وجبت طاولة وفرشت عليها فرش احمر ونثرت عليها نجوم ذهبية..وحطيت شمعه حمرا ولفيتها بشريط ذهبي..
انا صراحه ما احب الأحمر بس هو الي كان متوفر عندي..
جبت الليت الطويل الي يولع ويطفي وحطيته على ارجاء المكان بصورة حلوة..
وحطيت الكرت مع الهدايا وقبل لا ادخله شغلت كاميرا فيدو وقلتله يفتح الباب طبعا لاتنسي اللبس والشعر والمكياج ..
المهم دخل وانا قاعده اصوره وانبسط مرة وصورته وهو يفتح الهدايا راح تنبسطي لما ترجعوا تشوفوه بعد فتره خاصة ردة الفعل وهو مبسوط..ونفس الفكرة سويتها لعيالي لما اعطينالهم هدايا العيد صورتهم وهم يفتحوها..
..
ان شالله ناوية السنة هاذي ازرق بأزرق وعلشان لا يحس انا كل ما انزل معاه السوق اشتري غرض بدون ما ينتبه مثلا مرة شريت شموع زرقا ومرة مفرش ازرق ومرة شمعدان وهكذا طبعا اذا جاتك فرصة تروحي مع اهلك استغليها..في شراء الأشياء الكبيرة..وخبيها عندهم او في مكان بحيث مايشوفه...وفي حركه ان شالله بسويها راح اشتري قميصص ازرق واشتريت جناح فراشة معاها تاج وعصا براسها نجمة تجنن حلبسها مع القميص لما اعطيه الهدية..
لاتنسوني من دعواتكم..
على فكرة هاذي بعض الصور ممكن تنفذيها انا نفذتها والنتجية مرة حلوة
هذي طية من طيات المناديل على شكل قلب ممكن تحطيها على الطاولة الي بتسويها لزوجك
هذا نوعين من العصير بعد ما يثلج في القوالب تكسريه وتحطي شوي من دا اللون وشوي من داللون معليه الصورة مقلوبة مو عارفه ارجعها
عندي فكرة اخيرة ممكن تعملي للفارة بدل الشي المربع الي نحركه عليها تطبعي صورة لك ولزوجك او ممنظر تحبيه او هو يحبه وتعمليها بدا الشكل