احترمي نفسك انتي بمكان عام

بصراحه ماشوف انهم سووا شي غلط يعني الحركة عاديه وبريئه انت الله يهديكي شكلك كنتي معصبه وحطيتي حرتك فيهم بس ان شاءالله يتفهموا الموقف وانا كمان بعض الاحيان اعصب من حاجات اشوفها اخس من اللي انتي شفتيه بس اسكت

بصراحه حبيبتي بالنسبه لي ماشوفهم سوو اي حركه غلط ... !!

وعليكم السلام ورحمة الله وبركاته .
بالله عليك لو شفتيهم يتطاققون مع بعض .. هل بتقولين عيب انتم بمكان عام !!
راح تتفرجي وانتي ساكته او بتتركيهم وتروحي وماراح تتدخلين .
بس هذا احنا .. لاشفنا منظر فيه وئام وحب .. انهبلنا
واذا شفناهم يتطاقوون محد قال شي
عن نفسي لو اشوف هالمنظر بفرح .
وش هالجفاف اللي عايشين فيه
وسعوديين او غير سعوديين .. ترا كلنا بشر


الله يهدينا وياك .. زوجك معه حق .. وش دخلك فيهم
والموقف السخيف هو اللي سببتيه انتي لنفسك
تدخلتي فيهم وخربتي طلعتكم وحتى طلعتهم .. هذا غير اسلوبك !!
اذا بتظلين تراقبين على قولتك الحركات والناس اللي حولك .. ماراح تكونين سعيده بحياتك
الله يرحم الحال بس ويصلح حال الجميع ويسعدهم
في امان الرحمن

ايوه بصراحة غلط لا تزعلين مني
حتى لو كانت غلطانة كان ممكن تنصحينها بطريقة الطف كذا زعلتي زوجك وخليتيهم ينتقدونك واكيد الحرمة بتقول غيرانه مني .

والله مره غلط يااختي لو الحرمه قام زوجها كان جيتي نصحتيها بلطف واحسنتي القول معها مو تقولي انتي مو ببلدك لانه كذا بالعكس خليتيها تنفر منك
لكن الله يعطيك على قد نيتك يااختي ويوفقك ان شاء الله

وش ها التعقيد اللي حنا فيه
في مجتمع لحد هذي اللحظه يسالون يصلح يمسك الزوج يد زوجته في الاماكن العامه
يعني خلاص تكفون كفايانا عقد
قصرنا من كثر العقد اللي حولنا
وانت اختي تبارك الرحمن اهنيك على الصراحه وعدم السكوت على اللي تحسينه خطا
بس لو تهدين حبيبتي من ها الدقه شوي بترتاحين واجد

زيك شفت نفس المنظر بس سعوودين
وسكت ايش اسوي
المفروض من انفسهم يستحوون

ههه .. يعني خربتي الطلعة ... ومااستفدتي شي
اكيد غلطانة .. طريقتك اولا غلط ... وتدخلك في شي مايعنيكي غلط .. وبعد رفع صوتك عليهم ولا تنسي زوجها موجود !!
يحق له زوجك يزعل
وزي ماقالو البنات ... تصرفهم عادي ...
ام .. أجل لو شفتي بدبي عندنا ... اثنين يجربوا سرير غرفة نوم بايكيا ^_* ... شو بتسوي !!!
ماعليكي من الناس ياقمر
.
.
.

ياحبيبتي من راقب الناس مات هماً
موقفك كان غلط دعي الخلق للخالق هما ما سو شئ يدعي إنك تعصبي
وبعدين إنتي غلطتي على نفسك وعلى زوجك وعلى بلدك قبل لتغلطي على الرجال وحرمته
يعني أيه إنت في السعودية ؟؟
ياحبيبتي شوفي المولات وأش يسوا السعوديين فيها .
سامحيني إذا قسيت عليك بس أبغاك تعتذري لزوجك وتعزميه على طلعة برى وغمضي عينيك عن أي حركة حولك حتى ترتاحي وتريحي زوجك ....