احذروا من هالحنه من واقع التجربه اضرارها

1. استانسنا ان شعورنا نعمت ... لكن الصاعقه مع مرور الاشهر ..


2. لو ذره لاتجربون

" حسبي الله ونعم الوكيل "
اتعرفون الحنه....... ؟!
//
راح اذكر لكم تجربتي ..
( وربي الشاهد لانقصان ولا زياده < من واقع التجربه
كلنا نتمنى بشعر ناعم وحرير !!!!!!!
ويااكثر التاجرات اللي يبعونها ب 100 وفوق ومع التووصيل يوصل 300 وشي ..
هالحنه ( اللي بالاعشاب) سلبياتها اكثر من ايجابيتها < اصلن ليش هي فيها ايجابيه
ولاتقولون لي في شعور اطيح عليها الحنه ولا لاء ..
والله ان في بنات يكتبون مواضيع عن هالحنه ومستانسين < بس بداخلي يكسروون خاطري .. !
تدرون ليش لا مايعرفون تطورات هالحنه مع مرور الاشهر
يعني انا صارلي فوق السبع شهور ع مرور الحنه .. !!
خل ادخل بتجربتي
طبعا انا وخواتي كلنا نتمنى بشعر حرير وناعم .. ومايتسااقط يعني بالعربي مب تعبان
اول الايام استعملنا الحنه هاذي اللي دمر الشعر دمار شامل ..
بس اول الايام استانسنا من الحنه وشفنا شعورنا صارت سيدا .. بس في كسرات ومازال في كسرات

استانسنا ان شعورنا نعمت ... لكن الصاعقه مع مرور الاشهر ..

شعورنا خفت مع الايام والله ان احنا شعورنا غليظه وايد كثيفه انا شعري خف وبينت قرعتي من قدام واختي اللي شعر اغلظ مني خف شعر وانا شعري زين انه طويل _كانه حبل من خفته بعد جان صلعت لكن اختي الثالثه مسكينه كلش قرعه من قلب مافي الا كم شعر .. وقصير وبتروح تعالج ..
النتيجه = شعورنا خفت وطلعت لنا قرعه وفيه كسرات من الداخل بس حتى الملمس مب ناعم .. كأنه بلاستيك وطالع شبه مشوط من تحت .. اللهم شكل سيدا فقط ولا المملس شقول وشاخلي ..
وان شاء الله بعالجه وااذا شفت العلاج زين بكتب لكم اشلون عالجته
ونصيحه لوجه الله لاتغامرون لاتجربون هالحنه السودا اللي بالاعشاب 24 ساعه ومعه زيت

لو ذره لاتجربون

ولا غالي عالفاضي والله ان بعد ماشفنا النتيجه بعد 3 شهور وشي اول شي بس انا خف شعري قلت يمكن العيب فييني فقر الدم ولا من هالقبيل بس الحمدلله مافيني شي < مع العلم انا اول وحده استخدمته ولا المشكله انا اسوي لهم دعايه بالحنه ..
يوم استخدمووه حتى هم شعوورهم خفت
والله ان زايد اكثر من اربع اكياس فاالبيت كلهم قطيناهم والله حتى قلبي عورني على شعورنا و عالفلوس اللي راحت حرام عليهم
كل وحده اونه التعامل معها راقي وبضاعتها زفت ×.×" < لو فيها خير جان هي اللي جربته
والله اني فكرت ابيعهم حق حد يبيهم بسعر ارخص او مجانا بس خفت من ربي واخاف بعد يدعون علي .. لان دعوة المظلوم مستجابه ..
والله اني خايفه من باقي التطورات مادري وش بيصير شعر بعد مرور شهر زياده !!!!!
.. انا ماشتريت من التاجره اللي افهمالنتدى من وحده ثانيه بس علامة الجوده الا اهو الاستكرز موجود والاصلي بعد ..
نصيحه لاتشترون .. من اي حد رخيص ولا غالي كله خرط اللي يقولون رخيص تقليد الاثنين ننتيجتهم زفت × زفت
اتقوا ربكم يالتاجرات ..
لاتغركم الصور اللي تنحط عن الحنه اونه صدقني يعني قبل وبعد ..
قبل لاتبيعون جربوه بنفسكم بسكم خرط ع خلق الله ...
حسبي الله ونعم الوكيل ..
ادعوولي ...