احساس ما قبل النوم

1. والي اكبر ماشاءالله 4 وفوق


2. سوالف وكلام عن العيال وابو العيال وقلة الادب في بعض الاحيان

اتى وقت النوم وجاءت معاه الشجون والاحزان
الهي لك الحمد على كل ما قضيته لي
اجلس مع هلي ، الكل متزوجات ماشاءالله ، الي اصغر بكثير باول العشرين عندهم ثلاث او اثنين اطفال

والي اكبر ماشاءالله 4 وفوق

سوالف وكلام عن العيال وابو العيال وقلة الادب في بعض الاحيان

وانا مجبورة ازورهم ( لانهم اهل ) ولا وحدة فيهم تسال عن الحال ، مجرد سلام في بداية اللقاء واخره ، اما الباقي فانا في صمت وحديث بسيط مع بعض الاطفال .. اتعبث في تلفوني ، اشوف الصور ، اكتم شعوري ، واتفرج عليهم ..
اكبر نعمة ، الحمدالله صديقاتي يحبوني ، ربي لا يفرق بينا
اغيب عن اهلي المقربين لي حوالي شهر ، ولا وحدة فيهم تسأل تتصل على الاقل ، ولا كأن كان بينا حب ومودة .. يمكن لانهم انشغلوا بزواجاتهم ..
يقولون الناس ، لا تنامون وانتم في حزن ، وانا اقول كيف ما نحزن وهذا حال دنيانا
مرات احس الوالد فقد الامل فيني ، يتكلم مع اخواني عن تجهيزات بناء بيت اخواني الجديد ، وبعدها يقول اما بيتنا هذا فبيكون لاخوي الصغير ، ول ( الي هي انا )
كل ما شافني ابوي الله يطول بعمره يقولي ( الله يستر عليج ) قلبي يتقطع من كثر ما اسمعها منه .. حاسة في شعوره ....
يارب تحفظ لي والديني يارب العالمين
اللهم لك الحمد على كل نعمة انعمتها علينا ، الحمدالله انا راضية ، وفي نفس الوقت حاسة بنقص خاصة ايام جمعتنا مع حريم الاهل
هم عندهم سوالف مع بعض ( يسالون عن العيال وو ) اما انا فما في اي سؤال يوجونه لي ، ولا حتى يسالون عن وظيفتي
مرات اتمنى اني ما ازورهم ، واتعذر لزيارتهم ، لكن فالنهاية هم اهلي
شاغله نفسي طول اليوم ومع هذا فطرة البنت للزواج وللامومة ما نقدر نتجاهلها
يارب ما تجعل في قلبي غل او حقد على اي حد من المسلمين
دعواتكم يا بنات ، احس اني مخنوقة ، اسفة على الكلام ، بس دموعي في عيوني ، وتعبت من كثر الكتمان
لا اله الا انت سبحانك اني كنت من الظالمين