اخجل من أخذ شي منه

احد يستحي من شريك عمره
صيري جريئه
ترى بكره اياثر عليش هالحيه

حبيبتى ... اسعد حاجة يحس بيها الراجل هواانه يحس ان مراته معتمدة عليه في كل شىء ... هنا بيحس فعلا برجولته وانه له لازمه مش هيا الى بتعمل كل حاجة و مش معتمدة عليه وبعدين دا خلاص جوزك يعنى مفيش خجل خالص المفروض

الخجل غير مرغوب فيه مع الزوج وحلاوت الحياه بدون خجل مع الزوج وكل شي بالصراحة تكون احلى وشويشوي وبتتعودي على كذا وبعدين بيجلس يقول اليك نسيتي ذيك الايام الى تخجلى فيها
واتمنى انك تحاولى تصيري جريئة وصريحة

حبيبتي والله انتي مثلي اول ما انخطبت
وريلي يبي يدفع فواتير جوالي بس ابوي ما عجبه وقاله احنا
عايشين في خير وماله داعي
قام ريلي يحط في يدي بين فتره وفتره فلوس
لا وفوق عاي يعطي امي بعد والله يحرجني وايد في تصرفاته
بس انا عصبت وقلت له شوف اذا تبي تعطيني هدايا اوكي
لكن فلوس مابي لان ايش باسوي فيها
قالي ماعرف ذوقج في الاشياء
وفي الاخير اختي وضحتلي انه الرياييل يحبون
يصرفون على حريمهم وبالذات في البدايه راح يستانس
بس عموما عمره ما جاب لي شي وما خذيته لان ماقدر افشله
لانه بيعتبرها فشيله ومو حلوه في حقه
فخلاص تعودي

والله اختي مدري شنو اقولج
بس عاد مب حلوو الخجل بين الزوجين او حتى المخطوبين ..
بالعكس من الحين عوديه .. خليه يحس ان وراه زوجه او خطيبه لازم يصرف عليها و هو مسؤل عنها
والله اعرف صديقه لي كانت وايد تستحي ايام الخطوبة تاخذ من خطيبها فلوس
و بعدين يوم تزوجوا و صار عندها عيال و تبي مصروف حق ملابس لها و لاولادها يهاوشها
يقول لها الاول كنتين مؤدبه ولا تاخذين شيء و الحين طلعتي على حقيقتج ((يعايرها على فلوس لاولادها ))
هذا غير ان الرجال بصراحه ما ينعطون وجه اذا شافوا عندهم فلوس زايدة ولا يدرون شنو يسون بها تزوجوا
حتى لو تستحين حاولي بأساليب تاخذين الفلوس مثلا تكتبين له مسج أو ايميل تكتبين انج محتاجه فلوس
و مستحيه منه واايد ف ياليت تعطيني اياهم بطريقه غير مباشرة مثلا يحطهم في شنطتج او غرفتج ...
والله انا الحين مخطوبة ويمكن استحيت اول شهرين بس بعدين عادي قلت لازم اوعده على مصاريفي
من ميك اب و عطور و ملابس ...الخ
و الله يهنيج

جزاكم الله الف خير على هذي الردود
بس احس بعدني ما اعرف كيف ابدا ؟؟؟