اخواتي في الله مالي بعد الله غيركم

مراحب بجميع الفراشات
يارب يكون الجميع بصحة وعافية
حابة اسالكم سؤال مهم بالنسبة لي
انا معي تكيس بالمبايض والدكتورة اعطتني كلوميد هاد الشهر للمرة التانية لان اول شهر اخدتة نزلت الدورة عادي
يعني آخر دورة جتني كانت بتاريخ 1\12\1429
وبلشت آخد كلوميد مرتين باليوم من تالت يوم للدورة
بعدين اليوم ال12 من الدورة الدكتورة عملتلي متابعة تبويض
وقالت ان المبيض اليمين ما فيه بويضات كبار بس المبيض اليسار فيه اكتر من بويضة احجامهم 15 و 16 وطبعا اعطتني ابرة تفجيرية بنفس اليوم اللي هو اليوم 12 من دورتي وكتبتلي تحاميل اسمها cyclogest آخدها برضه من نفس اليوم لمدة 14 يوم للتثبيت
بس انا هلا ماني عارفة بشو حاسة
قصدي ان ما شي محدد عم احس فسة غير الم باسناني( شو دخل اسنانك بالموضوع)!!!
وزي النغزات عند صرتي وصدري مو دايما بحس فيه الم
والمشكلة ان زوجي كتير متحمس يجيبلي اختبار الحمل المنزلي
بس انا بقول لسى بدري مو؟؟؟ يعني باقي للدورة شي اسبوع
هل ممكن ما يكون في حمل لان بيقولو اول علامة وآكد علامة هي الالم والكبر والحرارة في الصدر
ولا لسى بدري على هالعلامة
ارجوكم محتاجة ردكم بشدة