اخيرا سويت عملية شد البطن والصدر والفضل يرجع لله ثم لكم تجربتي كامله بالداخل

عدنا
بقولكم بالتفصيل
اولا ترددت اكثر من ثمان سنين وندمانه لاني ترددت
وبعدها كنت ابحث ابحث لما سمعت عن الدكتور توفيق اليافي وهو اقرب شي لي
ولان سعره مو بطال ومو مبالغ فيه وشغله حلو والحرس عنايه روعه
المهم انا اتصلت عالمستشفى القسم الخاص وحجزت عند الدكتور اليافي وهو يستقبل الكشف كل يوم ثلاثاء فقط
واعطاني موعد بعد شهرين تقريبا او اقل بشوي
وكنت خايفه لكن عندي اصرار والبنات شجعوني بالنت وماقصرو
مع ان اهلي يخوفوني
جا موعد العمليه وقبلها بيوم انا اتصلت على المستشفى وقلت عندي موعد بكره قالت ايوا تجينا الساعه 9
قلت بدون تحاليل؟!!!؟؟
قالت مو مكتوب لك تحاليل وقلت الا ابغى تحاليل <<<عبيطه
قالت تعالي ثمانيه ونحلل لك اذا قال الدكتور
وجيت الصبح من 7 (:
وماشاء الله عنايه واهتمام ودخلوني غرفه وتحاليل وكشف وانا ارجف من الخوف
وجاني اربع دكاتره كل واحد يسأل اسأله عامه
وجاني الدكتور اليافي عالساعه 9 تقريبا
وقال عمليتك الظهر وجلس يخطط بطني وصدري
قلت يادكتوور حاسه بخوف وارجف
ضحك قال نعطيك مهدي الساعه 12
ولبسوني لبس المستشفى وانتظرت الى الساعه 12 وفعلا جابولي حبه وماادراكم ما الحبه ههه
والله دوختني وخلتني بدون احساس لو يذبحوني ما اهتم
مره روعه وهديت ساعتين يمكن وجاني الساعه 2 واخذوني
وقال بنظربك ابر في الظهر بنج عشان لما تصحين ماتحسين بألم وانا اقول طيب
لان الخوف راح بعد الحبه وحسيت بدوخه وماني مصححه زين
ولما اخذوني ضربني ابر في ظهر ماتألم بسيط بس وبعدها مادريت الا انا صاحيه
وخلصت الحمدالله
ومافي الم الحمدالله
وقالي امشي وظهرك منحني افضل عشان الجرح مايوسع
واليوم الاول بس انام وعادي اي وقت احس بالم بسيط اطلب مسكن ويجيبونه على طول اصلا فعلا عندهم العمليات بدون الم
ولكن اللي تضايقت منه المشد بس لاني مااقدر اقلب زين انا خوافه
بس ثالث يوم قالي الدكتور نامي على جنب عادي
وخرجت يومين تقريبا وخرجت
وصرت اراجع
نجي للجزء الثاني
معلوماتي
انا عندي اطفال الحمدالله لكن وزني مو تخين يتراوح بين ال62 وال58 ماشاء الله
ولما سويت العمليه كان 59 تقريبا
بس عندي ترهل الجلد مضايقني((ترهل مكرمش وبنسبه كبيره شوي)
وصدري كبير شوي بس مو مره
وسويت لصدري شد
وصار حجمه روعه واحلى من اول بكثير صغر الحلمه
وانا حذرت الدكتور قلت له لاترفع الحلمات لانو في بنات رفوعها وطلعت مشوهه وتبان لما تلبس فتحه
وقال طيب وحطها بمكان حلو
وبالنسبه للصره قال ماراح اشيلها بس قص الجلد وفتح وتركها
مخيط حولها وشكلها مو حلو لكن بعدين يضبط بعد شهر كمان
وبطني فيه تنميل بسيط
لكن صدري ماشاء الله مافقدت الاحساس احس فيه وبالحلمه اكثر من اول الحمدالله تطورت العمليات احسن من قبل
الحين لي شهر
وكلفتني 30 الف واخذو مني زياده ثلاث الاف كمان وبعدين رجعوها وانصح اي وحده تسويها تطلب الفلوس الباقيه لانهم ما اعطوني
وقالو خروج وانا سألت قلت باقي لي شي وقالو ايوه
المهم انا ملاحظه الحين بعد شهر شكل الخطوط حقت العمليه تحسنت وبدأت تخف
وان شاء الله بقولكم اول بأول
و اتمنى اني افدكم
ادعولي امانه بالسعاده في الدارين والصحه والعافيه امين

اب

الله يسعدك ويوفقك
ع طرحك لتجربتك
بي قلبو انتي كم كان وزنك يعني كان كبير ولما نحفتي سويتها
وهل الي سوها رجل ولا حرمه
وكم كلفت العمليه ومشكوره
حياتو الله يسعدك

الله يومك بالسلامه وانشالله تصيرين ارشق وحده وبعدك انا
بس هل تنومت بالمستشفى لاني ودي اسةيها بس خايفه مره وكم تكلفتها

الله يقوومك بالسلاامه ياارب وترجعين تكتبين لنا تجربتك ياارب ’’’

الحمد لله على سلامتك وتفرحين بالنتيجة
ان شاء الله

الحمد لله على سلامتك

نفس اسألت البنات كم التكلفه
وكم كيلو نزلتي عشان يصير معك الترهل
وهل كان الترهل اللي عندك كثير او عادي
والله يقومك بالسلامه وماقدامك الا العافيه

الحمدلله على السلامة