اذا اردتي سرير تفوح منه ريحة عطور رائعة ولمدة اربعة الى ستة شهور

السلام عليكم
عندى شي لكم إنشاء الله ينال إعجابكم
تفضلواا بالرحمان...
اذا اردتي سرير تفوح منه ريحة عطور رائعة .. وبدون اسراف ولا تبذير ..
واو ............. جناان ..
قبل كل شي .. ابدءي بتجميع كل العطور اللي عندك .. الزينة والشينة .. حتى عطور عيالك هاتيها ..
وهاتي بعد كل انواع البخور اللي عندك .. كلها دون استثناء .. جمعي البخور والعطور ..
بعدين .. شوفي شرشف السرير الطقم كامل يجي معاه شرشف صغير اغلبنا ما يستخدمه ..
هاتيه اغسليه بالغسالة اقل من خمس دقايق .. بعدين حطيه بالنشافة بس لا يطول فيها يعني طلعيه وهو باقي
فيه شوية مويا .. صفطي الشرشف ورتبيه وهاتي العطور والبخور حقتك كلها وبخري الشرشف بكل البخور
وبعدين رشي العطور عليه بين الطيات والصفطات ومن فوق وتحت وعالجوانب .. عبيه مرة من كل نوع
بهذا الوقت تكوني حاطة الشرشف بكيس نايلون .. بعد ما تخلصين اربطي الكيس زين وشدي عليه ..
وش تتوقعين تسوين فيه ؟
يا الله وش تتوقعين......... .........
حطيه بالفريزر . .... ........
حطي الكيس بالفريزر واتركيه ثلاث ايام بعدين طلعيه وافرشيه تحت الفرش الاساسي حق السرير
وتعالي شوفي الريحة تجنن .. تدوم تقريبا من أربع لست شهور .. سوي نفس الطريقة وغطى المخدات بعد
جيبي غير طقم السرير .. وبعدين غطي المخدة بالكيس الاول المعطر وبعدين لبسي المخدة الكيس اللي طقم
السرير ..
تعالي وشوفي ريحة السرير كيف روعة حتى الغرفة صارت ريحتها تجنن .. وماراح تقدري تستغني عنه
وهالحركة كل شوي تعيدها ..
بعدما تقضين اربع او خمس او ست شهور
جربوها وعلموني بالنتايج
مع خالص حبي للجميع,,,,,,
منقول