ارجوكم ساعدوني وانقذوني انا في ورطه واريد حلا

شوفي يالغاليه
اولاالله يوفقك ويتمم لك بخير
انا تزوجت العام الماضي وكان عندي نفس مشكلتك
وماخليت ولا زيت لا وجربه
خصوصا وشعري من النوع اللي ينفش
تقل متهاوش فيه عشر قطاوة
بس اذا اعتنيت فيه طلع شي
ناعم وحلو بس مو النعومه اللي ابيها ولا الطول اللي ابيه
وبعدين الزواج بلشه كل شوي تتروشين
وحركات يعني مالك غناة عن الفرد بالعربي
انا فردت شعري بالقصيم عند مشغل اسمه بيوتي بلس
فرد مائي بالاعشاب وطلع شي رهيب
صراحه كل شوي ودي اتروش من فرحتي فيه ولا ودي اربطه
لا واغني له بعد ( فل الشعر ياكمل الزين فله)
ههه
بس شوفياهم شي لا يكون مصبوغ ولا تفكرين تصبغينه لان الصبغة راح تأثر علية
انا ماعندي مشاكل مع الصبغه لان اكثر الرجال يحبون الشعر اسود خصوصا زوجي
وبعدين لازم كل ما طال تفردين الاجزاء اللي طلعت يعني الشعر الجديد بس
وصدقيني ماراح تحتاجين الاستشوار ابدا
اما اذا شعرك مو خشن مررة وما يتعبك بالغسل
فالحق يقال لا تفردين زيتيه بس
انا جربت خلهطه مسويتها وطلعت جونان
وهي
( زيت لوز زيت عافيه زيت سمسم زيت خروع زيت جوز الهند)
هذي نعمت شعري وطولته بس مو النعومه الي سواها لي الفرد
يمكن ينفع معك انتي
واسفه على الاطاله

اكيد الفرد بنت خالي كذا شعرها ومشاءالله طلع تمام بعد الفرد
وماقصرت اختي قرمووشة والف مبروك مقدما وربي يسعدك خيتوو

مشكورين على الرد اللي يثلج الصدر لكن فرد الكرستال واليوكو هل احسن من الفرد بالاعشاب اللي قالت عنه الاخت قرموشه او العكس وشكرا

عزيزتي انا اللي سمعته انه الفرد صح يخلي الشعر حلو بكثير
لكن له اضرار جانبيه واولها انه مثل الصبغه يعني مايطول بشعرك
والشعر ينمو عاد بلشه كل شوي تروحين تسوين فرد مضر جدآ
اسمعيني يمكن افيدك ان شاء الله
زيتيه ابدئي قبل زواجك بشهر كل يوم حطي زيوت
جربي اللي قالت عليهم الاخت ولاتخلينه كذا لا بعد ماتحطين الزيت بشعرك لفيه بمنشفه فيها مويه دافيه
صح قلق بس من يبغى الدح مايقول اح ههه << مجربه الاخت
المهم حاولي قبل لاتحطين الزيت اذا قدرتي اذا قدرتي حاولي تسخنين الزيت على النار لمدة دقيقه بس
وسوي مساج لشعرك قبل لاتحطين الزيت
وبعد ماتغسلينه بالشامبو استخدمي كريم حمام زيت بالعسل والحليب يجيكي مع بعض وعلبته كبيره
خليه على شعركِ لمدة عشر دقائق واذا قدرتي تشغلين الاستشوار عليه شوي يكون افضل واذا ماقدرتي
مش مشكله وبعدين غسليه
باليوم التالي جربي حطي خلطة الزبادي مع العسل على شعرك مره ممتازه للشعر
جربي زيت الاكل حق الطبخ عافيه كمان مره ممتاز
انصحكِ قبل لاتحطين الفرد وتعدمين شعركِ جربي الاشياء الطبيعيه قبل كل شئ
اذا مافاد معاكِ جربي روحي لااخصائية تجميل تفيدك اكثر
واتمنالك التوفيق والله يسعدكم ويهنيكم ويشوفك زوجك احلى ملاك بعيونه يارب

جربي الفرد اليوكو بالصالون يمدحونه

عزيزتي اكيد لازم تفردين شعرك ومالك غنى عنه
انا صديقه لي فردت شعرها الفرد الدائم ولها الحين حول 8 شهور والله شعرها جنان مثل شعر الفلبينيات وزينب العسكري مشاء الله عليها واذا انتي بجده او مكه او انتي حول جده انا ممكن اعطيكي رقم الكوافير الي فردت لها
وبعد اختي بتفرد شعرها يوم الثلاثاء عند نفس الكوافير وماله مضره ابد والكوافير تجيكي للبيت يعني لا تتعبين حالك وتروحين للصالون اذا تبي انا تحت امرك راسليني على الخاص
دمت بود

اشكركم على هذه الردود والله يوفقكم وييسر اموركم
بالنسبه لك ياالعاب انا في الرياض هل تجي الكوفيره للرياض؟ وشكرا لك

بالنسبه لك ياهاجر انا قالت لي خبيره لبنانيه افردي الكرستال لانه يعطي لمعة للشعر وبصراحه انا خايفه نفسي اعرف احد جربه وهل اعدم شعره ام لا؟ لان الخبيره تقول مايضر بالشعر والله اني محتاره انقذوني من الغرق

انا سويت فرد الكراتين وشعري كان ناعم بس جاف وايد من الصبغات المهم شفت شعر وحده مسويه اليكو من تجربتي اشوف اليكو احسن لانه يعطي لمعه اما الكراتين فهومثل مايسمى التملس الامريكي مايستاهل 200ريال وبعدين لازم تستخدمين الشامبو والبلسم عشان يبقى ناعم ابي اعرف انا مسويته الشهر اللي طاف متى اقدر اسوي اليوكو