اسواق الكويت وماركة Dessert ممكن مساعدة الله يعافيكم

مراحب ماركه ديزيرت تلقينها بدبنهامز بسوق شرق بس موجوده هناك واغلب محلات اللانجري بحولي بالتحديد في مجمع النقره بس ماعندي خلفيه عن البيع بالجمله..
وطبعا الكويت مميزه بالدراريع ..

هلا وغلا مثل ماقالتلج حايره بسوق شرق والبيع بالجمله في محل بالفروانيه اسمه عروس البحر بس لا تساليني وين طريجه لاني كلش خواره بالدلاله ههه وبالنسبه للانجري تلقينهم وايد بمجمع الايوب بحولي ومجمع سندس فيه محل اسمه اونلي يورز عندهم سوالف وبالنقره بعد فيه العطور تلقين عند الماسه بمجمع النقره يبيعون ماركات بس بسعر ارخص وحلوة عطورهم وهمن فيه محل بمجمع العثمان عندهم عطور عجيبه وسعرها معقول اسمه فينيس لايطوفج . بالنسبه للاماكن الحلوة للتسويق عندج سوق شرق عجيب ومجمع الفنار بالسالميه كول واا تبين سوالف دراريع وشيلات واكسسورارت عندج مجمع الحمرا مول بالفروانيه وعندهم محل اسمه شارمل مكياجه رهيب اتمنى اني اكون فدتج

بنات الكوويت مارح يقصروا

الله يعطيكم العافية يا بنات الكويت فعلا ما قصرتوا والله يحقق كل امانيكم
مشكورات حبيباتي
واذا في اضافة عن محلات الجملة اللي عندهم خبرة فيها لا يقصرون

بالتوفيق أختي ماقصروا بنات الكويت قدها وقدود

حبيبتي دخلي قسم ملتقى الفراشات ( ملف بنات الكويت ) وهناك اقري معلوماتي لأخت سعودية كانت بتزور الكويت زيارة ونصحناها بعدد من الأماكن والمحلات ....
وفي ملف الكويت الرد على استفساراتج أسرع من هنا ....
عموما معروف لهالسوالف ( مجمع الأيوب ) في حولي للانجري وهالسوالف !!!

مشكورة قطوة بس اتوقع صعب ادور في ملف الكويت ما شاء الله الصفحات وايد