اشعة قلبي

اليوم بنزل لكم موضوع عن طريقة كتابة رساله للزوج
الطريقه جات في بالي لما شفت صورة تخطيط قلب
في قوقل بالصور وحفظت الصوره ورحت ادور
بالمنتديات على صور ثانيه للفكره اللي جات في راسي
المهم مابي اطول عليكم بقولكم الخطوات وانتو سوو على
كيفكم بالصور
1-كتبت في صورة الاشعه بوسط القلب
يسألوني؟
من اللي تحبه وتغليه ...ومن اللي تعده دوم غالي...
قلت ...
انشدوا قلبي من اللي ساكن فيه ومن اللي له قدر عالي
قالوا ...
يامسكين كل هذا تموت فيه !!!
2 - هذي الصوره للتخطيط اللي جاب الفكره
كتبت في الاعلى بجهة اليمين اسمي كامل وطبعاً
بالانجليزي وتحته كتبت رقم ملفي بالمستشفى والرقم صحيح ههه
وعلى التخطيط (اقصد على الخطوط طالع او نازل ) كتبت اسم زوجي فقط
بكامل التخطيط
وأخر التخطيط بالأسفل مره كتبت
يعاد التخطيط لعدم الوضوح لخفقات القلب
ووقعت زي الدكاتره (مهو توقيعكم )
3 - هذا التخطيط الدقيق اكتبي فيه كلام على كيفك
طبعا في اللي طالع ونازل
والنهايه تكتبين
التشخيص النهائي / ما سر قلبي غير حبك وطاريك
وتوقيع نفس الدكتور
وفي الاخير حطيها كلها بظرف البني الكبير (انشاالله عرفتوه)
واكتبي عليه من برا اي شي
أنا كتبت ....
مالوم قلبي لي رسى في موانيك
أو سالت الدمعه لوصلك تنادي
الطيب منبعه في أراضيك
والسعد شوفك يابعد هالعبادي
أدعي عسى المولى يحفظك ويبقيك
ياأغلى مخلوق سكن فؤادي
وانتبهو اللي كتبته بالون الازرق اكتبوه بالاأزرق
واللي بالاحمر اكتبوه بالاحمر
وداخل التخطيط الاول والثاني بالونين مع بعض
وخلي الضرف في مكان قريب من زوجك
انا حطيته بالسياره بحكم انها داخل البيت
ويشوفها وهو رايح للدوام
وصف الدواء : جيبي علبة دواء فاضي يفضل علبة الفيتامين اللي لها غطاء
وتوضع بها اي كلمات حب يقولها لك الزوج عند التعب وتوضع عند راسه
ممكن توضع في صندوق
ال موضوع
حصري للفراشه
من بنات افكاري
سووها لازواجكم
ولاتنسوني من دعاكم