افضل مصمم inDubai

فروحـه

04-07-2022 - 12:50 am

السلام عليكم والرحمه
اشحالكم خواتي ...
انا عندي عرس باخر الصيف ... وابي افصل فستان حلوو بس ما يكوون غالي ... يعني بالكثير 2500 مع القطعه ...
انا درت بمركز البستان بمحلات القطع ... بس ما حصلت شي عجبني ... فوين تنصحوني ارووح .. والاقي قطعه بحدود الالف او اقل ؟
وبالنسبه للخياطه .. انا كنت اتعامل مع محل "خيوط" اللي ببنايه مرجانة الخليج .. بس هالمره حابه اغير .... كنا نفصل عندها بحدود 1100 درهم ... فبغيت مصمم ثاني به السعر او اشوي اغلى ...
شنهي موضه القطع ... انا مفكره بدانتيل .. انتوو شوو رايكم ؟
واتمنى مساعدتكم .. ومشكوورين مقدما ..

التعليقات (9)

وفوية

04-07-2022 - 04:12 am

طرشتلج مسج أختي فروحة

بنت جميرا

04-07-2022 - 05:13 am

هلا الغاليه وصلني المسج ورديت عليج
بس قلت يمكن ماوصلج احسن ارد في موضوعج
الغاليه دام انج في دبي روحي صحارى مول في الشارجة بتلقين كم محل للفساتين الجاهزه ترى بضاعتهم حلوة
ام بعد عندج الستي سنتر في محل فوق في الطابق2 عنده فساتين حلوه بس للامانه ماعرف اسعارهم بس عجبني فستان عندهم وقالتلي سعره تقريبا كان 3500 درهم. بعد اذكر في محل اسمه غواني بتلقين عنده فساتين حلوه وبالاسعار اللي تبينها ان شاء الله اكون فدتج والسموحه ع القصور......... اذا ذكرت محل ثاني بقولج

وفوية

04-07-2022 - 06:14 am

مصمم لا دونا اللي في أول دبي تصميمة وايد حلو
بس الأسعار صارت نار أعتقد تصميمة 2000

بنت-الشوامس

04-07-2022 - 07:15 am

انا فصلت عند دار رتوش في الشارجة بس بعدني ماوديتلة القطعة فصلي 3500 بس الله يستر في حد مجربنة

elwlhanah

04-07-2022 - 08:16 am

وعليج السلام ... شوفي حبوبه بقولج شي انتي خذي قطعه ساده وبتطلع عليج رخيصه وخلي المصمم هو اللي يشتغل عليها حسب ذوقج صدقيني أحلى انا دوم اسوي جي ... واذا كنتي تبين فستان فيه شك شويه والباقي كله طبقات وقطع أنصحج اتسيرين غراشيب في الكرامه أعتقد..... وفي محل اسمه سهريه في البستان قطعهم حلوة... بس مثل ما قلتلج خذي قطعه ساده ولونها حلو والموضه هالأيام دانتيل وخلي المصمم هو اللي يشتغل عليها .... السموحه طولت عليج ... فوداعة الله..

فروحـه

04-07-2022 - 09:17 am

هلا "وفويه" وصلني المسج حبابه
ام لادوونا الحينه غلوو اسعارهم .. على شهر يناير لما سألت قالو لي يبدوون من 2000 والحينه يبدوون 2500 لول ...
....................
هلا اختي "بنت جميرا" ام الفساتين الجاهزه غاليه واايد خيتو ... ولو شريت القطعه وفصلت بيطلع علي ارخص امم .. مع اني بملجتي ش{يت جاهز بحدود ال 5000 من باريس سواريه بصحارى .. واختي بملجتها خذت تقريبا بنفس السعر من مركز المصميمن اللبنايين بوافي .. بس حسيناه خفيف .. ولو فصلنا بيكوون افخم وارخص ...
عالعموم مشكووره خيتوو .. ووصلني المسج ..
.......................
اهلين "بنت-الشوامس" والله اول مره اسمع عنه ام الله يعينج ههه جربي وخبرينا بالنتايج ...
...........................
هلا اختي "elwlhanah"
انا خاطري بتانتيل .. بس قلت يمكن يكوون مش موضته ..
واشلوون اسعار محل "غراشيب" ؟؟

وفوية

04-07-2022 - 10:19 am

بعد في محل هتون في السوق المركزي في الشارجة عنده القطع مال المصممين الكبار وقطع روعة ورهيبة صراحة
لكن الأسعار في البداية بيقولج ب3000 أقصد القطعة كاملة وبعد ماتكاسرينه بيعطيج إياه 1000
في مصممين في الشارجة أوكي تصميمهم وأرخص من دبي عندج دار الجفن هذا المحل مال عقل فقيه

مهوره العسل

04-07-2022 - 11:20 am

حبيبتي عندج عقل فقيه وليد عطا الله روعه مديلاتهم غريبه وعقل فقيه عنده القطع وحبيبتي انتي تقدرين اتسيرين اي مصمم وتحددين وياه السعر اللى تبغينه وبيفصلج على حدود السعر اللى بغيتيه

elwlhanah

04-07-2022 - 12:21 pm

هلا حبوبه ... الدانتيل واايد حلوو أنصحج فيه ... وتبتدي أسعاره من 1500 تقريبا

مجموعه ثانيه من تصاميم باسل صودا خريف صيف 2006 موديلات روعه←
فزعتكم يابنات الرياض→