افكاركم يافراشات

الله يفرحك بوصوله بالسلامه يارب
وان شاء الله الي عندهم خبره مايقصرون معاك

وحدة تقول عملت مفاجاة لزوجي المسافر وهي
طبخت الاكلات اللي يحبها وجهزت طاولة الاكل وحطيت الشموع والانوار
واللبس لبست تنورة كحلية او جنيز ضيقة وقصيرة وتي شيرت ابيض ومكياج حلو وجهزت وورقة وكتبت فيها اسماء الاطباق وعملتهم في مينو تريدي تسوي شي مميز
فكرة المينو الطبق قبل يكون السعر صح فهي خليت بدال الاسعار بوسات ويوم جى زوجها قالت له انا جرسونك
بعد هالافكار اعجبتني جمعتها لك
اشتري كفر جديد وحلاته يكون عنابي أو سوالفكم الحلوة
-زيدي عدد الكوشايات اللي على السرير
3-حاولي تغيرين أماكن الأثاث إذا البيت يسمح عشان يرجع يشوف تغيير
4-فرشي تكرمون الحمام وزينيه بالاكسسوارات الجديدة
6- ضروري يكون عندج قميص نوم جديد ماشافه
7-تسنعي وتزهبي حق يوم وصوله
8- قصي شعرج أو صبغيه سنعي أضافرك + شيرة وغيره يعني غيري ستايلج عن كل مره
9-استقبليه بملابس حلوة وجذابه
10- لاتنسين تتعطرين وتتمكيجين
11- أهم شي لاتنسين عشا أو غدا يحبه
12- وشي رائع ان تستقبلينه بعد مايقعد وتسلمون عليه ويرتاح قلاس عصير طازج بارد يرد الروح تحطينه بقلاس الضيوف الكشخه وبسكم تخشش بمواعين الضيوف اللي ما يون إلا من سنه لي سنه ولا تحطيله قلاس مال كل مرة
13- لاتنسين الحلويات اللي يحبها
14- عطري البيت قبل لايوصل وبخريه
15- غرفة النوم عطريها عدل وخصوصا الكفر بالبخور والعطور السنعة
16- حطيلج ليتات لونهم أحمر رومانسي جدا
17- مثلا طرشي أحد أو السايق يودون سيارته للتنظيف وعطريها من داخل وسنعي دثرته وعفسته اللي ماتخلص بسيارته (بس ديري بالج لاتقطين شي حطي أغراضه اللي بالسيارة بكيس ولا رجع عطي يفرز اللي يبيه واللي ما يبيه يقطه ؟
18- في عطور حلوة مثل الجيلي للسيارات أحلى شي اللي لونها أحمر حطيها بسيارته
19- كتبي رساله صغيرة أو ورقه لزقيها على مكان بارز بسيارته كتبيله نورت الديرة بوجودك أو من غيرك البيت مايسوى ...إلخ
20- لاتنسين عالعشا حاولي تصرفين عيالج بمكان نوميهم مبكرا عشان يحلا الجو لج انتي وياه عالعشا

الله يهنيك برجعته يالغلا....شوفي اول شي اشتغلي على نفسك سويلك نيو لوك مو متعود عليه جهزي لبس حلو تستقبليه فيه وعطر يحبه..والكيكه حلوة مع عشا خفيف....
وجهزي الغرفه بأجواء حلوة شموع وورد اذا كنتي لحالك بالبيت جهزي كل شي واستنيه في الغرفه وخليه يدور عليك....حطي شموع من باب البيت الى الغرفه وورقه عالباب يكون فيها كلام حلو وقوليله استناني في الغرفه ياقلبي لين اجيك <<<وهو بيتفاجئ اذا دخل الغرفه وشافك...
واذا كان يحب الرقص ارقصيله وجهزي له حمام دافي بجو حلو وشموع وورد....
وطبعا لاتنسي قميص نوم جديد وحلو..
سوري افكاري مو مرتبه بس اذا تذكرت شي برجعلك...

الله يقر عينك بسلامتة حلوة فكرة الكيكة والأكل اللي يحب أهم شي غيري المفرش والفستان حق الأستقبال والعطر

اعملي ليلة رومانسية واهم شي الشموع والورود....غيري قصة شعرك شوي على الاقل قصي الاطراف ...اعملي غرة ...كوني وحدة تانية بنظره

اشكركم واطمع بالمزيد من الافكار

يعطيك العافية عالموضوع