افكار للتدريس

اختي كل اسبوع كان المدرس يطلب منا نقرا موضوع في جريدة أو مجلة من اختيارنا... و بعدين كل طالب يتكلم مع طالب ثاني ويحاول يفهمه اللي قراه باسلوبه .... طبعا هذا يعتبر Speaking Activity
لو بغيتي ال Sheet اللي كنا نستخدمه اقدر ارسله لج .. لأنه كان مطلوب بعد نلخص المقال أو الخبر في خمس نقاط و نطلع ثلاث Vocabulary جديده علينا و نكتب معانيهم ....
بمعنى انه Activity شامل Speaking, writing and Vocab

اللة يسعدك يانزاعة افزعي لنا بال sheet اللة يرضى عليك ولك مني جزيل الشكر والأمتنان
وهذا هو بريدي [email protected]

نسيت اكتب عن exercise ثاني سويناه ... و كان عليه درجة كبيرة ... بس بصراحه انا حبيته و عجبتني فكرة المدرس .... كان مثل Project بس بشكل حلو و الطلاب استمتعوا فيه و هو كالتالي:
نختار شخصية مشهورة ... سواء هالشخصية حية أو ميتة من اي بلد كان ... و اختار واحد يكون معاي في ال Group .... كل Group مكون من طالبين بس .... و الثاني عليه انه يختار شخصية بعد ..
المهم ...... المطلوب انا نسوي مثل مقابلة .... انا اقابل الشخصيه اللي معاي و هو يقابلني ... بحيث هو ياخذ دور المذيع و بعد ما اخلص ... انا اكون المذيعة ..
طبعا لازم اجهز للي معاي أسئلة عشان يسألني بخصوص شخصيتي و لازم اتكلم بلسان الشخصية نفسها .. و انا المفروض مني انا اجهز الاسئلة و الاجوبة حق مقابلتي ... أما الاسئلة فاعطيها للي معاي عشان يسألني ..... مدة المقابله لا تتجاوز 15 دقيقة لكل طالب ...... طبعا قراءة الاجوبة من الورقة ممنوع ...
انا مثلا اخترت اكون بشخصية المذيعة Opera ... و طلعت عنها معلومات من الانترنت ... و حاولت قد ما اقدر افهم طفولتها و حياتها و قصة نجاحها .... و حطيت اسئلة و اجوبة المقابلة ... اقدر ارسلها لج اذا تبين ... و بعد ما اخلص من مقابلتي ... آخذ انا دور المذيع ... و اسأل اللي معاي عن شخصيته من خلال الاسئلة اللي جهزها هو .....
آخر شي فيه فتره أسئلة مفتوحة من الطلاب أو المدرس لي ... طبعا اجاوب بلسان الشخصية و هني تطلع اسئلة تحفة من الطلاب البعض منها محتاج تأليف ههه ..
دور المدرس: و احنا نتكلم كان ياخذ notes و يكتب الاخطاء اللي قلناها في ال Speaking و يرسل لنا تقييم للمقابلة اللي صارت .... و بس