الأهل

وينكم يابنات

انا لبست تيور اخذته من ارتبل شيفونات ولونه هادى كان ناعم وحلو
ودخلت عليهم على قصيده وجلست بعدها شوى وطلعت طوالى

مافهمت قصدك ياقلبي... يعني في الملكه والا جايين يشوفونك قبل يعني في البدايه ... يشوفونك وبعدين هو يشوفك كذا
صح؟؟

انا ما أنخطبت تهئ تهئ تهئ

شوفي اذا كنتي تقصدين يوم جوا يشوفونك قبل الخطبه
فانا لبست تنوره جينز في تطريز و بلوزة تل ورديه
وطبعا جلست لاني ما كنت عارفه انهم جايين يشوفوني فانا اللي ضيفتهم قهوه وشاي و عصير و كل شئ
اما اذا كنتي تقصدين يوم الشوفه
لبست تنوره كتان معها بدي كتان لونهم موف فاتح
ولبست شال لونه ابيض مشجر بالاخضر و الومف و الذهبي الوان كثيره
وقدمت القهوه وطلعت زبعدين الشاهي وطلعت
وبعدين عاد الضربه القاضيه دخل اهو وقدمت العصير
وسلامتك

هع هع اما أنا سالفي سالفه
حضرتي كنت مسنترة عالنت
ولا ادري عن شئ
كنت لابسه تنورة جنز وبدي فوشي
وبالنسبة لشعري وقتها كان قصير ودايم مفتول
يارب لك الحمد اني دايم مهتمه بشكلي
مااحب حد يشوفني عفسة حتى امي وابوي
ولاكان اعلومي اعلوم
فجأة جاتني امي وقالت لي دخلي الفاكهه
قلت لها مني بداخله
لأني خجوله بالمرة ...
قالت فشلتينا الله يفشلك هذي خامس مره يجون
مرة نايمه ومرة تعبانه ومرة عندك اختبار ومرة طالعه
خليهم يشوفونك وريحينا
وبالموت بعد ماحلفني ابوي وقال انه راح يزعل على ان مادخلت ... دخلت
سلمت وحطيت الفاكهه وطلعت من غير رجعه
كنت رافضه فكرة الزواج ......
المهم
المره الثانيه جاو ناس غير من نفس العايله
بس هالمره في زواج
كان بعد الاختبارات انا خلصت الاختبارات الاربعاء والزواج الجمعه
وماجهزت له شئ
لبست لبس عادي بالمره ومكياج خفيف
جاو وانا مو عارفه منو ذيله سلموا على
وطحت معهم سوالف قالوا دحين انتي عرفتي حنا منو قلت لهم من معارف امي
قالت حنا اهل احمد <<<< جاي متقدم لي وانا معندي خبر الست الوالده ناقالت لي
ودروني ماتلقوني
وربي قلت لهم عن اذنكم بروح دورة المياه ...... رحت ولا رجعت
المهم
صارت الخطبه ووافقت
وجاو الحريم على شان يشوفون الطلبات
لبست برمودا مع بدي
وجلست معهم طول الوقت هذرة وسوالف
بس
اعذروني على الهذرة الزايدة

يعطيكم العافيه بنات والله يوفق الجميع . وانا قصدي لما يجون يشوفونك قبل الخطبه

انا عن نفسي كنت لابسه بدله شيك تنورة وقميص وطبعاً كنت فاله الشعر خبرج طويل وقبل ما كانوا أهلين يرضون أن نقص الشعر على قولتهم حلات البنت بشعرها وعادي دخلت وسلمت عليهم وطبعاً كنت عارفه انهم جايين يشوفوني وكنت حاطه مكياج خفيف علشان أكون على طبيعتي وما أخدعهم بالمكياج ودخلت عليهم وسلمت ويادوب قعدت خمس دقايق وطبعاً هالوقت حفظت زوليت بيتنا ( السجادة ) كثر ما شفتها وبعدين أستأذنت وطلعت وبعدها صارت الخطبة الملجة والخطوبة والعرس وجاو العيال وسلامتكم..

ياقلبي المتعارف عليه تلبسين طقم او فستان بسيط وفخم بنفس الوقت
مو متكلف مره
ولابسيط مره
انا الحمدلله مالبست ولا شي
لان زوجى ولد عمتى (ماكان فيه شوفة اهل زوج ولاشوفة زوج... وناسه )