التجربه مجانآ حياكم

كل عام وانتم بخير...
بدون لف ودوران اللي موظفه (خاصه المعلمات)
مع احترامي لها تطلع برا لان الموضوع غير مناسب لها
الطريقه هذي مناسبه فقط للانسات العاطلات وكمان للزوجات
الحاقدات على ازواجهم مثلآ اللي زوجها قالها (من يوم اخذتك وانتي مالك شعر)
..احم احم ..ترا ماهو انا فما عليها الا تطبيق هذي الطريقه
وتضرب عصفورين بحجر
طبعآ لما يشوف شكلك راح يندم على اللي قاله وماراح يعيدها
ثاني شئ انتي تستفيدين لان شعرك راح يصير شئ ثاني
نجي للفكره.......
طبعآ انتم تصدقون الامثال القديمه زيي وهذا المثل دائمآ كانت
امي تردده بس ما كنت اتوقع انه ممكن يكون صحيح بس بعد
ما تحنيت للعيد (تحنيت كف وحده بالليل وحده بالنهار)( صارت قصة حياه)
وشفت الفرق بين حنا الليل وحنا النهار صدقت المثل......
المعطيات....
حنا كف واحد بالليل والثاني بالنهار الاول كان احمر من الثاني...
الاثبات...
بما ان.... حنا الليل يفرق عن حنا النهار
اذن..مشط الشعر بالليل بفرق عن النهار
اذن... (اللي تمشط شعرها بالليل شعرها زي ذنب الخيل واللي تمشط شعرها بالنهارشعرها زي ذنب الحمار) وهذا المطلوب اثباته...
اللي ما فهمت المسأله ترفع يدها
وبصراحه انا ناويه اطبق هذا المثل
واللي حابه تجرب حياها الله التجربه ببلاش
ودعواتي للجميع بشعر مثل ذنب الخيل....