الجرجير وزيت الجرجي نفس المفعول ولا

يعني أنا أستغرب بصراحة من اللي دخلوا وماردوا؟؟
يعني انتو شايفين العنوان واضح ..
ليش تدخلون ؟؟دام انكم مابتردون ؟
يعني بس تبون تقهروني .

وحدي في البيت
لول ....
هاهاهاي ي ي ي ....
والله إنج ضحكتيني ....
وأنا أضم صوتي لصوتج بخصوص هالموضوع ....
الجرجير وزيت الجرجير ....
لان صار لي فتره استخدم زيت الجرجير ....
وما ادري إذا له نفس الفايده ......
يلا ....
يا بنات ردوا .......

سلامتج من القهر يا قلبي
انا استعملت هالزيت والصراحة ولا اجذب عليج ان شعري طول بطريقة ملحوظة
كان شعري ما يتعدى الكتف الا بكم (سم) بس بعد استعمال الزيت لاحظت الفرق ، شعري طال ووصل لوسط ظهري
بس الصراحة لاحظت شغلة وقت استعمالي للزيت ، انه شعري كان يتساقط واايد ، بس يمكن هالمشكلة فيني مع الزيوت لانه مو بس هالزيت ، انا لما استعمل اي زيت شعري يتساقط
اما بالنسبة لخلطة الجرجير ، الاخت شوكولاته مميزة تمدح فيه وكاتبة عنه موضوع ومن رأي الجرجير احسن حل لاطالة الشعر سواء كان زيت او جرجير طازج في الخلاط
عسى تكوني استفدتي من تجربتي

عروب شكرا على مرورج.
وعقيق :مشكورة على ردج انا ما بي شعري يطول هو الحمد لله طويل بس ابي اوقف التساقط.
واسد الفراغات في مقدمة شعري لان من فوق قربت اصير قرعة
وخلطة الجرجير اشوفها صعبة ويبيلها بارض وناس رايقة
وانا ماعندي هالمواصفات

العفو يا اختي
بس انا ما شايفة اي صعوبة في الخلطة ، اي مجرد تحطين الجرجير في الخلاط مع اضافة القليل من الماء وبعدين تحطين الخليط على شعرج ، ترى الجرجير هم يكثف شعرج ويقويه ويعطيه لمعان
اما بالنسبة للزيت ، قلت لج المشكلة فيني انا مو من الزيت ، ويعيطج الف عاافية

هلا حبيبتي وحدي في البيت
أنا بصراحه توني بديت استخدم الجرجير والى الان ماستخدمته الا مره وحده
يعني لسى ماطلعت لي النتائج اللي سمعتها عن خلطة الجرجير
بس ان شاء الله راح استمر عليها(مع انو انا شعري طويل وكثافته
معقوله بس زيادة الخير خيرين) ههه وهي الخلطه والله مو صعبه
ومثل ماقالو اللي يبغى الشي يدركه يعني اذا تبغين شعرج يكثر راح تعملينها وتستمرين عليها
اما بالنسبه للزيت فماادري عنه ولا عمري جربته بس انا انصحك بالخلطه احسن واضمن وتكون على يدك
والله يوفقج حياتي
شذا الزهر

السلام عليكم و رحمة الله
أخباركم يا أحلى فراشات، ان شاء الله كلكم بخير
الصراحة أريد أستفسر عن اسم ثاني للجرجير لأني من المغرب و لا أعرفه
شكرا