الجزء التاني من اتحداكم ماتضحكون لايفوتكم مواقف الدخلة المضخكة

1. طبعا انا قراته على شكل ردود وجمعت ها الردود رد .... رد عشان تستانسون


2. وانا انحرجت كاشخه في بجامة الضعيف وهو وش كان بيلبس القميص خ


3. بس مرت اخوي صار لها موقف


4. والله انحرجت من الرجال


5. يعرف اني استحي منه ويبي يشوف وش بسوي اذا لقيته نايم


6. وللحين يذكرني يقولي تبغينا نكون اخوان ههه


7. يافشيلتي فشيلتاه


8. تخيلوا يقولون تعقدنا من غباءك وقلنا خليها تستاهل


9. قلت لكم قصة حياتي بس ابيكم تفهمون السالفه


10. الي صار بشهر العسل الحمدلله تعودت عليه شوي زوجي بهالفتره


11. الجيبون <<<<<<<<<<<<< اللي ينفخ الفستان من تحت


12. نسته بالبيت ونرجع ونجيبه له


13. وكل ماتفرجنا على شريط الزواج نشوف الموقف لانو مصورينه

حيا الله الغاليات
بعد التشجيع الي لقيته منكم واصوات الضحكات الي فقعت اذني بسبب الموضوع الي نزلته المنتدى على هدا الرابط
http://alfrasha.maktoob.com/alfrasha12/thread1612053/
شجعتوني وقلت لازم انزل موضوغ تاني للوناسة

طبعا انا قراته على شكل ردود وجمعت ها الردود رد .... رد عشان تستانسون

(ربنا هبنا لنا من أزواجنا وذرياتنا قرة أعين لنا واجعلنا للمتقين إماماً)وهداي مواقف بعض الاخوات الي جمعتها
تدرون انا وش موقفي لما دخل علي وبعد الكلام الحلو قل وش رايك نصلي انا اولا مانى على وضوءوثانيا لسا مابدلت الفستان ولما وقف يصلي وقفت بجنبه اثره يبغى كل واحد يصلي بلحاله ام الشباب قعدت تصلي بالفستان وانواع الاصوات ولما اسجد اضيع بالفستان وبعد كم شهر قال تذكرين يوم تصلين بجنبي انا نسيت الصلاه وقعدت اضحك على شكلك لا عاد هواول مادخل يقالنه فاهم حط ايده على راسي وبيدعي ابو الشبابو بدل مايقول اللهم اعطنا خيرها الدعاء حق الزواج صراحه نسيته تدرون وش قال سبحان الذي سخر لنا هذا دعاء السفر وانا عجزت امسك نفسي من الضحك ومن الحياء قعدت اكح عاد جاء دور النصيحه للعرايس توضي للعصر وصلي بعدها اكيد حوست المكياج وانتبهي تشربين مويه ولا عصير علشان تصيرين طاهره الين بعد الدخله وثانيا اذا قال بنصلي روحي بدلي على طو ول وتمنى انى فدكم والله يبنات ان الركعتين اللى بعد الدخله مهمه ول حياتك لاتنسينها او تفرطين فيها مثلي اتمنى اني فدكم لو بشي بسيطلما سافرنا وجينا الشقه قال نبي نطلع نتمشى قلت طيب ونطلع للسوق وحنا جنب بعض نمشي
الا ونعثر وطيح وتعالو شوفو وجهي والفشيله منه ومن الناس ويجي بكره ونطلع نتمشى
ونفس الشي طحت وسمى وقال اشفيك قلت مدري ويجي بعده ونطلع ويوم نزلنا ونمشي انا
وياه قال انتبهي لا تطيحين والله العضيم يابنات يوم كمل كلامه الا ونا طايحه
(آآآآآآآسفه انا حسبتك تقصدين ليلة الدخله فقط )هذا يمكن اقوى موقف صار لي
طبعا اول ليله قلت خلاص بغير الفستان المهم قام ابو الشباب قال لي انا جايب لك ملابس على ذوقي في الدولاب
ابيك تلبسين واحد منها طبعا انا مسويه مستحيه قام طلع من الغرفه وقال لي ابدل البس
رحت للدولاب حقه وفتحته لقيت فيه بجامه وقميصين
جلست اطالع فيهم لان القمصان عاريه استحيت البسها
والبجامه حلوه مستتره قلت البس البجامه احسن وكان لونها رصاصي
وروح البس البجامه وضبط شكلي وانا منحرجه وخايفه وجلست انتظره
المهم دخل ويطالع بنظره فيها ضحكه وانا مدري وش السالفه وهو مايبي يضحك عشان مايحرجني
قرب وقال لي كل شي تلبسينه حلو
بس هذي الي انتي لابستها بجامتي ههه ه
ههه

وانا انحرجت كاشخه في بجامة الضعيف وهو وش كان بيلبس القميص خ

رحت وغيرت ومالي غير القمصان العاريه هههانا صار لي موقف ليله الدخله يوم جينا عند الفندق نزل وفتح لي الباب وانا وفستاني تقول خيمه من كبره قام ابو الشباب ومشا قدامي والرجال يركض مو يمشي وانا وراه يوم جيت عند باب الفندق الرجال دخل وانا وقفت تدرون ليش!!!!!!!!!!!! فيه صرصور وانا اخاف منه
وقفت والرجال طار حسيت ان وقفتي صارت سنه افكر وش اسوي اناديه؟ ولا اصرخ ولا ارجع؟
خفت ادخل يتعلق فيني الصرصور وش اسوي ؟ قمت انا يالسنعه وضميت فستاني وطلعت عصاقيلي وطمرت طمره وحده صرت بنص الفندق بعدها نزلت فستاني وكني ماسويت شي ومشيت تقول طاؤؤس والرجال والله ماهو يمي ولا درى والهنود هات ضحك الظاهر كسبت فيهم اجر ضحكتهم شكلهم كئيبين هههانا بعد ماتزوجت

بس مرت اخوي صار لها موقف

وهم يتمشوون بالسوق انكسرت جزماتها الكعب وقمت الاحراج كأنها تعرج ومن حسن حظها كان فيه محل جزم قريب منهم دخلوه وصاحب المحل استغل الموقف وضربهم في السعر واخوي طبعا وقتها بيسوي كريم ولا هو منحرق من داخله لأنه يضحك عليهم وإلا الان ماينساها بقلبه على صاحب المحلكانت دخلة اختي بالانتر وقالت ترى بيجبون لكم كيكة كبيرة وعصيرات <<هذا اللي همها
ويوم صارت دخلتي بفندق الفهد كراون رحت للفندق من العصر مع خواتي والكوفيره معانا
اللي صار جابو كيكة صغيره مره وعصيرات طبعا خواتي جايعات مره ماتغدوا وعلى طول
هجوم على الكيكة ماتوقعناها لكيكة حقت المعاريس لانهم جايبنها العصر
المهم لما جاء باليلل وجاء العريس بيغير والجو والسكون لاني ماقدرت اتكلم ولا كلمه يسالني وان سكتم بكتم ....قال باتصل عليهم يجبوا الكيك والعصير
ويدق عليهم قال جبناها العصر
هو ناظر فيني قال جبتوها من اكلها ؟؟؟؟ انا مت من الضحك قال بالعافيه
وودي ادافع واقول مو انا بس مو قادره
بس بعدين قلت ترى مو انا والله انهم خواتي قال تبين تسوين نفسك نعومه وانتي من جنبهاأنا صارلي موقف في هذي الليله وهو أول مادخلت البيت بفستاني وكشختي وكنت متلخبطه من التوتر
وأنا أمشي كأن على عيوني ضباب يعني كأني أشوف وماأشوف وهو جنبي يمشي أنا على طول
ماشيه متجهه للجدار ماإنتبهت له وطرخ بوجهي حتى هو إرتاع يقول وش جاك
هو يسمي علي ويلتفت يضحك ,صراحه كل ماأتذكر ذاالموقف أقول الحمدلله اللي صقعت بالجدار ولا
زلقت قدامه وإلى اليوم وهو يذكرها .........الموقف اللي صار لي هو انه بعد ما رحنا للبيت
كنت في قمة الحياء ولاني قادره حتى احط عيني بعينه،طلع هو من الغرفه عشان ابدل وبعدها دخل
كنت مستحيه مره من نظراته
وقاعده ادور اي شي اسويه عشان الهى ولا يكلمني او احط عيني بعينه
قلت بس! مافيه الا اني اجلس اشيل المناكير وأطول عشان يطفش ويروح عند التلفزيون والا ينام
واقوم احط حيلي باصابعي وأفرك و أفرك والرجال يستنى ويقول: مطوله؟
ومادريت الا وأنا شايله البويه حقت الطاوله اللي جمب السرير من شدة الفرك من غير لا أدري

والله انحرجت من الرجال

بيقول من أولها ذي ما يصبر عندها شيالسلام عليكم .....انا بنوته الله يوسع صدوركم بالعافيه :
انا عند موقف لصديقتي تقول : ليلة العرس رحنا الشقه متاخرين جلسنا وتعشينا واقترح ابو الشباب اني اروح اغير ورحت الحمام وطولت ابي ابو الشباب يمل وينام ويوم طلعت لقيت الغرفه مظلمه و ابو الشباب منسدح فرحت لان خطتي انجحت ومن الحرص الزايد قلت ابي اتاكد ورحت بهدوء له وقربت قالبو خرعني وفشلت منه تلقونه يقول في خاطره وش تبي هذي صار مسويها حركه

يعرف اني استحي منه ويبي يشوف وش بسوي اذا لقيته نايم

اتمنى تكون اعجبتكم باياتوالله المواقف كثيره يوم من ايام زواجنا كنت جوعانه بس مستحيه طبعا ولا تحرك العشى المهم راح ابو الشباب ينام رحت وطبيت في الاءكل قام اهو جوعان مابقى من الاكل شي ههه قال وين العشى ماعرفت وش اقول خالله يسامح خالتي اللي وسوسوا فيني
المهم قالوا لي انتبهي يافلانه زوجك بليلة الدخله لايصحى من النوم ويشوفك من غير ميك اب (ليه لهدرجه اشبه زكيه زكريا)
طقيت الصدر وقلت ابشروا
قبل صلاة الفجر قلت يلا يابنت قومي اركضي قبل لايصحى ويشوفك وانا اقوم واقضب شنطة مكياجي (الشنطه مصنوعه من البلاستيك)واتسحب كني حرامي
شوي الا ابو الشباب يتحرك وانا اهرول وشنطتي بيدي وتعثرت بكنبه واطيح على وجهي
قام هو يضحك ههه قال ياحبي لك يافلانه تعالي اصلاً طول الليل وانا اتمقل وجهك
عاد دوريني ماتلقينيههه
الله يسعدكم جميعا
انا موقفي ذا اموت مانسيت هبالتي مدري وين عقلي ساعتها
الموهم
بعد مانزل فستاني لبس بلوزه وتنوره قصيره
واقعد فيها طول الليل
الين جاء وقت .....
قالي يالله غيري ملابس
قلت له ليش؟
قال علشان ننام
قلت مافيني نوم نام انت.. مسكين والله اني راحمته
يوم شفته مصر قلت ويش رائك نصير اخوان بق عينه فيي من الفجيعه
قالي روحي نامي خلاص شكل اعصابك تعبانه

وللحين يذكرني يقولي تبغينا نكون اخوان ههه

يافشيلتي فشيلتاه

ههه ههانا ايام الملكه كل مايجي يقرب مني اقوله لا لا امي تقول لاتخلين احد يقرب منك وفي يوم الزواج جاء عندي قلت لالا امي تقول لحديقرب منك قال لاتطمني توني مكلمها قالت انت معليش خذ راحتك اذا ماانتي مصدقتني خذي كلميها خ وجلسنا نضحك ولحد الحين يذكرها وكل مااجي انا عنده يقول بدلع لالا امي تقول لحد يقرب مني يقلدنيانا والله سويت له عرض ازياء شفتوا طقم النوم الي يجي من نعومي حق العروس فيه كذا قطعه خالاتي واخواتي الله يسامحهم تمنكحوا فيني انا اول ماشريته سالتهم سؤال غبي قلتلهم البسها كلها سواء

تخيلوا يقولون تعقدنا من غباءك وقلنا خليها تستاهل

واقنعوني اني اول ما ادخل البس القصير واجلس معاه بعدين البس الطويل وفي النهايه انام بالشورت والروب المزركش في الصباح
طبعا وصلنا للفندق الساعه 2 بالليل ورحت لبست القصير وتعشينا صارت الساعه 3 وبعدها على طول بالترتيب رحت لبست الطويل صلينا الفجر ورحت لبست الشورت وشكلي غلط كل شوي داخله استعرض بشكل وهو يقول في نفسه الحمدلله عالنعمه واقولهم اليوم الثاني فطسوا من الضحك مالت عليهم لاني جد ماكنت افهم بهالشغلات
بس الحين تدرون وش يقول يقول ياحليلك هاذيك الليله كل شوي تبدلين ملابسك من الخوف يفكر اني قاعده اعملها على حاليقد مره قريت عن عروس بليلة دخلتها انو صارلها موقف يفشل ومن الاحراج بكت وخلت زوجها يوديها لبيت اهلها ومن بكرى راحلها يراضيها وعشان يراضيها سوا نفس الي صارلها ورضت
انا عاد من قريت موقفها وانا فاقعه ضحك وماخليت احد ماقلت له هالموقف
تتوقعون ايش؟؟
المسكينه قالها زوجها تسكر الشباك وهي قامت تتمخطر وتتدلع لما وصلت للشباك مارضى يتقفل وهي شاده على نفسها طلعت صوت عاد انتم افهموا وهي من الاحراج بكت وحلفت تروح لبيت اهلها وعشان يرضيها طلع صوت عندها ورضت

قلت لكم قصة حياتي بس ابيكم تفهمون السالفه

الي صار بشهر العسل الحمدلله تعودت عليه شوي زوجي بهالفتره

كنا تونا جاين من برى المهم تعرفون الفنادق غرفها بارده انا تروشت ويوم طلعت قعد يمزح معي مادريت الا بصوت طلع مني واو قسم بالله مت صياح من الفشيله وهو يضحك يقولي عروس وتسوين هالشي ويفطس ضحك يعني لو ساكت كان اريح لي الا طينها لي ذاك اليوم وتدرون كيف راضيني؟؟
والله العظيم مثل مارضى هذاك الزوج زوجته
والله العظيم قلت هذا عقاب من ربي عشان ماضحك على الناساختي صار لها فلم هندي في ليلة زواجها
تخيلوا المسكينه يوم خلصت مكياج وتبغى تبدا بالتسريحه والا الوقت متاخر واخوي عند الباب يالله الناس تنتظر الزفه وهي ياحرام توترت
وتخيلوا تعمل التسريحه والناس نتنظر برى المشغل الزفه <<<<كله من المشغل اخرها
وياحرام ليته على كذا خلصنا من المشغل يوم رجعنا للبيت والا طلعنا ناسين اكسسورات فستانها بالمشغل وترجع اختي وتدورهن مالقتهن
واختي العروس اصرت الا تلبس اكسسوار <<< احنا نقول عادي مو لازم سويها حركه <<<< نرقع الموقف لان الوقت تاخر مره
ورفضت الا اكسسوار
وتروح اختي الكبيره للسوق تخيلوا فستانها وتسريحتها ومكياجها عليها والله شكلها من ورى العبايه توحفه
المهم
اختي ماعندها كاش معها بالصرافه الفلوس ومروا الصرافات والا زحمه مره
والحمدلله كانت معهم المصوره جابوها بطريقهم ومامعهم الا فلوسها كاش قالت اختي للمصوره نبغى ناخذ من فلوسك مبلغ الاكسسوار ونعطيك بعدها وتخيلوا رفضت
انتظروا زحمة الصرافات وصرفوا وراحت اختي للسوق وشرت لها اكسسوار ورجعت للبيت
واشوى خلصت
وجاء اخوي يزفها والا يوم وصلت للقاعه والا تخيلوا وش نست بالبيبت

الجيبون <<<<<<<<<<<<< اللي ينفخ الفستان من تحت

نسته بالبيت ونرجع ونجيبه له

والله اختي كانت حوسه بذاك اليوم كل ما نتذكر نموت ضحكالله يسعدكم ضحكتوني انا ليلة الدخله وانا ذاك الليله عندما وصلنا الفندق قال زوجي يالله وصلنا حاولت انزل ما عرفت الفستان والذيل كبير امي واخواتي ركبوني عند القصر دخل ابو الشباب فقدني طولت رجع قال اشفيك قلت وانا مستحيه تعال نزل الفستان حتى اعرف انزل داخله الفندق مع زوجي قال اوقفي هنا بروح الاستقبال اكلمهم يحضرون الكيك والعصير وجايك انا ما سمعته زين افكره يقول تعلي معي ما ادري كيف سمعتها كذا الا اختكم في الله استعراض مع ان عبايتي طويله وعلى الراس ووسيعه لكن الفستان وسيع والذيل كنت رافعته داخل العبايه وطاح وصار يمسح المكان وكان الوقت صيفيه والاستقبال مليان ناس تستاجرو ناسه جالسه فجاه سكتوا الناس التفت زوجي عرف السبب قال ما قلت اوقفي بعيد عند المصعد وانا ساكته يوم وصلنا المصعد مو براضي المصعد ينقفل لا الذيل برى وزوجي مسكين يسحب فيه لين دخل لان الذيل كبير وماعرفت اسحبه لوحدي كان قمه في الحراج وكان زوجي جايب عشاء تبوله ورق عنب وشغلاتكنت مشتهيه العشاء بس مستحيه قلت الحمد لله انا شبعانه ويوم دخل زوجي يتوضا حتى يصلي ركعتين وانا باقي بفستاني دورت العشاء دورته اتاري زوجي رماه في الزبالهوانا جيعانه استاهل كان خليت الخجل وتعشيتفعلا مواقف محرجه قريتها مره وحده
انا صارت لي مواقف كثيره الخوف والجوع المكياج ماعجبني وكن بيغمى علي بزواجي لاني صغيره وماني عارفه شي
بزواج اختي زوج اختي قبل راسي يحسبني خالته لاني كنت متغطيه بشرشف الصلاه ههه اختي تقول ان الموقف ضيع الخوف الي كان عندها وجلست تضحك على زوجها المسكي--------------اما انا مواقفي استمرت لبضعة ايام ببدا من اول يوم طبعا انا اكبر خواتي وزوجي اكبر اخوانه وتنقصنا الخبره في كل شي طبعا يوم العرس من الظهر رحت للمشغل يشتغلون فيني المهم رحت لشقتي ومن هنا تبدا المواقف
تخيلو متأخره يوم طالعت فالمرايه مااعجبتني رسمة عيني رحت مسحتها بعدين انمسح الظل وانمسح المكياج وتلخبطت لخبطه ماعندي الا امي وتقول لي عجلي المهم شويه الا الجرس يدق وتروح تشوف امي الا خالي جايب العريس ياويلي انفجعت من الربكه يديني ترجف عجزت ارسم عيني طلعت متعرجه كأنها تخطيط قلب
المهم بعد جهد جهيد خلصت وراحت امي تناديه جالس ينتظر فالمجلس وجاء ابو الشباب الظاهر انه انفجع جلسنا وشربنا عصير بعدين قال بدلي وطلع قفلت الغرفه وجيت انزل الفستان واكسسوراته تمسك بشعري وهاتك ياتفكك وهاتك ياتفكك باقي خصله عجزت عنها قلت بسم الله وسحبتها بقوه بغا يطلع دماغي يوم نزلت فستاني تفاجأت ان التنوره اللي الظهر عليه نسيت انزلها الحمد لله انه ماهو عندي
المهم والبس ثوب النوم <<<الأخت مستعجله هذاك اللي له عبايه وهو ستان انا نحيفه وثوب النوم اصغر مقاس بس باين عليه انه xxxL كتف الثوب لين الكوع شكله يضحك المهم هوراح للتسريحه بياخذ حاجه مادري ايش انا يوم راح استغليت الفرصه رحت اطالعه من فوق لتحت اثره يشوفني بالمرايه من غبايتي ماانتبهت يوم طولت قال خلاص شفتيني زين خ انحرجت مره
يوم جينا بننام واجي على حافة السرير وهاتك ياتزحلق كل ماغفيت غافلتني رجلي وزحلقت برا السرير وهذا انا طول الليل<<< طيب وش حادك عالحافه قال اببعد قال
المهم بعديومين من زواجنا يومي ين مالقينا صحن للغدا امه عجوز وماكملت اغراض المطبخ
قال يالله نروح نتقضا صحن خ هو فرحان ان عنده بيت وزوجه وان بعد بس كلنا من جنبها ونروح لسوق غالي واشتري صحن لنا صغير وصحن ذبيحه مدري وش جاب ام صحن الذبيحه مسويه اني سنعه
المهم شال الصحون بالسياره وحطها عند رجولي ماعاد اشوف اللي قدامي ويوم وصلنا البيت واحلف انه ياخذ الصغير وانا الكبير <<< مسويه حنينه بدري يابنت الناس مسرع خقيتي المهم ويطلع قدامي للبيت يفتح الباب وانا مع الدرج ماتتسمعين الا طقطقت الصحن بالدرج كأنه عكازه لي طع طع طع وشافتنا امي وهاوشتني بعدين وانتهت المواقف
اسفه عالاطالهانا اكتر موقف محرج حصلي في الفرح
كنت برقص وطحت
ههه كل ما افتكر ما اقدرش امسك نفسي من كتر الضحكانا بقولكم موقف زوجي....
بعد ماوادعت اهلي وركبت السياره
جاو كلهم برى يودعونا والمصورات يصورن كمان..
المهم سلم زوجي على امي وقالت له امي
لاوصيك فيها..
رد عليها وقال,,, لاتوصين عليها اختي هي ..
هنا هو انحرج ووجهه قلب الوان وبعدين ضحك وقال زوجتي ماتوصين عليها...خ مرتبك المسكين

وكل ماتفرجنا على شريط الزواج نشوف الموقف لانو مصورينه

ههه

• كان سكت افضلهههه كل مواقفكم توحفه والله يديم السعاده اما موقفي لما وصلنا الفندق وصلت وانا قرفانه من حالي من الحر قال زوجي انا نازل اجيب العشاء بس طلع قفلت الباب من وراه وشلعت كل شي وعلى الحمام اتروش اتاري المسكين انلطع ورى الباب وقاعد يدق وانا ماسمعته وماخذه راحتي بالدعك امكن نصف ساعه ولما طلعت من الحمام واسمعه يدق افتحي الباب رديت عليه بكل برود لحظه شوي وهو يدق جلست اللبس واتمكيج واتعطر واقول في نفسي ليش معصب وهو توه جاي وبعد ماجهزت فتحتله الباب وواضح عليه انه معصب بس ماقال شي والعشاء اخوي تكفل فيه وجابه واليوم الثاني يقولي انا نزلت ولقيت اخوانك وقالولي ارجع بنجيب العشاء وقاعد ساعه ورى الباب ادق انحرجت من اللي طالعين ونازلين قعدت اسوي نفسي اكلم بالجوال وفي نفسي اتوعدلك بس يوم شفتك بطبيعتك راح الزعلمواقفكم تسعد القلب يا بنات

انا ليلة زواجي كانت غير
الله يسلمكم زوجي ليلة زواجنا كان مريض جدا وجابوه من المستشفى للصاله على طول
وبس وصلنا الشقه بدل وانا طلعت ابدل ما رجعت الغرفه الا وهو بسابع نومه
استانست حدي وشوي واتصل على امي بالبيت هي بس سمعت صوتي بغى يغمى عليها شلون عروس ومتصله
وين زوجك قلت لها نايم حسيت امي عندها مليون استفهام وبوججها انرسم الف تعجب شلون نايم
قلت لها عادي تعبان ونام وسولفت معهم شوي وهم في البيت سوالف وضحك ويرجعون ذكريات الزواج وانا لحالي بالشقه وزوجي نايم ومنقهره ... اصبحنا الصباح الا واحد يصحيني فتحت وانا فيني النوم قال اما انك شيطاننه صحيح
شلون خليتي الليله تروح علي وما صحيتيني ..... وانا في قلبي اقول مجنونه اصحيك ... عشان افلام الرعب يعني... وللحين يتذكر الموقف شكله حاقد علي مسكين روحت عليه ليلة العمر بالنوم خانا صارت المواقف المحرجه وانا نايمه مو مصحصحه مثلكم
حلمت حلم روعني اعوذ بالله وحلمت عن اختي وقمت من نومي مفزوعه ابكي واناديها باسمه واصيح
شافني ويحسب اني تجننت ,,,قال اش فيك ,,,, انحرجت وقلت اعوذ بالله من الشيطان ,,,وياقلبي راح جاب لي كاس مويه وقطع لي تفاح في صحن وجابه ويسمي علي وانا مت ضحك يوم شفت التفاح
والحين يوم اذكره الموقف اقول وش دخل التفاح وانا توني صاحيه ومرعوبه,,,يقول خوفتيني وماادري وش اسوي لك ,,,, الظاهر يحسبني اصيح من الجوع...هاها هاها....ههه
هادي مواقف للضحك يله استانسوا حبيباتي
واتحفونا كمان يا فراشات بمواقفكم
ههه