الجمال و الذرابه مو بالكيلو مكياج يا حلات النعومه تعالو داخل بسولف عليكم شوي

ذرى

15-11-2022 - 04:30 am

إستلمو بعض الصور يا حلوين و إحكمو ...

السلام عليكم و رحمة الله و بركاته
شلونكم يا أحلى ستات ..؟؟؟
اليوم بطلع حرتي و بشن حرب عالميه على المكياج الأوفر إلي أنا مسميته مكياج الحفلات التنكريه بموضوعي السابق ...
فحبيت أقول يا بنات لا تفكرون و لا تعتقدون إن المكياج الأوفر ممكن يغطي العيوب إلي في الوجه و ممكن يصحح عيوبج و يخليج أحلى ...
لأ يا حبيبتي لأأأأأأأأأأأأأأأأأأأأأأأأأأأ <<< من قلب طالعه من القهر ...
أنا جبت لكم صور ممكن تخليكم تقتنعون إن المكياج الأوفر مو دايم يغطي العيوب و يا بنات المكياج الناعم و الخفيف يسوي بلاوي بس الرك على الذوق و التفكير الصحيح و الشطاره بالمكياج ...

إستلمو بعض الصور يا حلوين و إحكمو ...

بس أمانه يا بنات شوفو صور العربيات و هم بدون مكياج أنا بالنسبه لي إنهم أحلى من هالأجنبيات بس الله يهديهم دايم يهولون بعمارهم بالمكياج الأوفر شوفوهم بدون مكياج بالنسبه للأجنبيات (( العربيات أحلى )) بس بالمكياج الأجنبيات أحلى بالنسبه لي مع إن مكياجهم خفيف هذولا إلي يستخدمون المكياج صح
إحنا الفكره عندنا السائده بالمناطق العربيه و بالأخص الخليجيه
مكياج أوفر = تحرري من العيوب و القعد النفسيه
أما بالنسبه للأجانب
مكياج ناعم = ملامح أجمل <<< حتى لو كانت البنت صخله ...
و هذي بعض صور العربيات ...
8
8
مع إن مكياجها مو الأوفر حيل بس هم مو خفيف بس نبي نبين الفرق
وه تعبت ...
إن شاء الله عجبكم الموضوع و ضحكتو شوي و إستفدتو بنفس الوقت ...
بس الأهم من هذا كله و الغرض من الموضوع إنكم تستفيدون و تعرفون إن مو بالمكياج الأوفر و الواجد تصير الوحده حلوه و ترا النعومه بالمكياج هو سر المكياج الحلو و النظيف و الذرب ...
تقبلو مني أحلى و أرق تحياتي ...
إختكم ...
ذرى ...

التعليقات (8)

**كبرياء**

15-11-2022 - 07:38 am

اكيد
النعومه دايما احلى
ثانكس

لا شئ يستدعي إنحناءك

15-11-2022 - 08:39 am

ههه عجبتني تعليقاتك
صرت احب مواضيعك
احسك طفشانه مره من شي اسمه ميك اب اوفر ..
انا بصراحه ماحب ميك اب كثير الا بالاعراس .. حتى المناسبات ماحط ميك اب كثير يعني زي صور هالاجانب بس زياده حبتين هع ..

ذرى

15-11-2022 - 09:40 am

كبرياء
صحيح النعومه دايم أحلى و ويلكمو نورتينا حبيبتي ...
لا شئ يستدعي إنحناءك
ههه حبيبتي إنتي و ردودج تفرحني يا قلبي و عسى دوم تعجبج مواضيعي ...
إي و اله ما أحب المكياج الأوفر طفارتي أحب النعومه أحب البساطه و يا حلو النعومه ...
نورتونا يا حلوات

بحر الذكريات

15-11-2022 - 10:41 am

وه يالبى النعومه
وياكرهي للميك اب الاوفر خاصه في الكليه .. ووع
بصراحه فيه بنات بدون ميك اب قمة الجمال نعومه خياليه و الميك اب الثقيل يخربهم
مدري ايش معجبهم فيه يتغيرون شكل كبير

ذكريات*

15-11-2022 - 11:42 am

اكيد
النعومه دايما احلى
ثانكس

،،، دلوووعة زوجي ،،،

15-11-2022 - 12:43 pm

شوفي ياقلبي اكيد النعومه احلى
بس بصراحه مكياج الخليجيات اللي حاطتهم روعه
شوفي قبل وشوفي بعد المكياج مره قالبهم وصايرين حلوين..
<< وجهة نظر ^^

ذرى

15-11-2022 - 01:44 pm

بحر الذكريات
إي و الله صدقتي يا كثر هالاشكال إلي يخربون ملامحهم بالمكياج الزايد // نورتينا يا عسل ...
ذكريات
حياج الله حبيبتي نورتينا ...
دلوعة زوجي
حبيبتي أنتي أكيد النعومه أحلى بس برايي إن مكياج الخليجيات و أنتي ذكرتي هالشي غيرهم المكياج مو لتغيير الملامح المكياج يا حبيبتي لإبراز الملامح و تجميلها أما الفنانات الخليجيات إلي حاطه صورهم بصراحه حيل مغيرهم بس ترا هالصور أبسط الصور إلي حصلتها و ما خفي كان أعظم و أخرع من هالصور بس لأني ما لقيت بعض الفنانات بدون مكياج و حياج الله حبيبتي نورتينا ...

برعم الخير

15-11-2022 - 03:46 pm

والله اني دايم اقول المكياج الناعم دايم هو اللي يبرز ملامح وحلاوة الوجه مو المكياج الثقيل اللي من رايي انه يطمس معالم الوجه

احذري عدم ازاله المكياج ليلآ←
طريقة عمل مكياج سهرة بالصور الحقو→