الحل السريع لوقف تساقط الشعر وعن تجربه

مساء الخير يااحلى فراشات...
الكثير منا والاغلبيه يشتكي من تساقط الشعر ..وبحكم انا بنات نحب نهتم بكل شي واولها ( الشعر )
فنلجأ لكل وسيله وطريقه عشان يبقى الشعر صحي وقوي ....ومانترك شي الا ونبي نجربه حتى لو خايفين لكن المضطر يركب الصعاب دووم.. واكيد نبي النتائج بأسرع وقت...
المهم بلاش اطول عليكم اكثر...
عجبتني طريقه كثير سهله ونتائجها سريعه لوقف التساقط ومضمونه والاهم..طبيعيه ومامنها ضرر..
وهي عباره عن:
بودرة السدر ينقع في ماء حار ويترك حتى يبرد...راح تلاحظي انه تكوٌن عندك مثل الرغوه او الجل بأعلى الوعاء او البرطمان او اي شي نقعتي فيه
السدر...تاخذي هالجل بعد ماتتحممي وتفرديه على الشعر كله من الجذور لنهاية الشعر وتتركيه الين ينشف تمام
وتغسلي شعرك بمويه صحه وان حبيتي بعدها تحطي زيت او كريم للشعر يكون افضل...
هالطريقه انا جربتها شخصياً والله جداً رائعه..وسريعه وماراح تطفشي..
وان شاءالله تجيب نتيجه كويسه...دعواتكم لي بالتوفيق