الخلطه الهنديه العجيبه لأنبات واطاله وليونه ولمعان الشعر

1. السلام عليكم عزيزاتي اليوم بقول لكم تجربتي مع هالخلطه الهنديه .

--------------------------------------------------------------------------------

السلام عليكم عزيزاتي اليوم بقول لكم تجربتي مع هالخلطه الهنديه .

بصراحه هالخلطه عطتني اياها هنديه في صالون وقالت لي لا تقولين حق حد بس انا ابي الاجر والله يشهد ان اللي قالته لي طلع كله صح قالت لي ان هم في الهند يسوون هالطريقه وانا بصراحه سعيده جدا بالنتائج والله يابنات شي عجيب ....
هذي الخلطه تنبت الشعر 100% وايضا تخليه طري وناعم ولامع وتطوله بعد
الاشياء اللي نحتاجها
1- زيت Anoop تحصلونه في محلات الهنود هو زيت لون علبته خضراء
2- زيت جوز الهند حتى لو كان برشوت لان برشوت ايضا جيد
3-زيت اللوز
4-زيت الخروع
5- ماء ساخن
6-فوطه خاصه للشعر ((طبعا بتوصخ))
7- كاب للشعر
8-قطن الخاص بالوجه
9-ورق نايلون ((الخاص بالاكل))
الطريقه : :
تاخذين طاسه صغيره وتحطين الزيوت بكميات متساويه وتكثرين من جوز الهند ...
الحين تحطين القطنه في الزيت وتعصرينه شوي وتحطينه على فروة الراس مع التدليك بالقطنه
فهمتو شلون اعتقد سهله يعني نوزع الزيت في الشعر عن طريق القطن لانه يدخل كميه للفروه
لين خلصتو الحين نسوي تدلين باطراف الاصابع مانضغط بقوه تحملو يطيح الشعر هالطريقه
بحركات دائريه بخفه نركز على الفروه مهب الشعر .
الحين بعد ماخلصنا من وضع الزيت في الشعر و التدليلك نلفه بطريقه محكمه ...
الحين ناخذ النايلون ونلفه على الشعر كله مانخلي مجال للهواء تحملو الزيت يوصل للجبهه لانه ينبت الشعر مب تقولون انا ماقلت
ونحط الكاب على النايلون ...
نحط الفوطه في الماء الساخن ((تحملو تحرقون ايديكم )) ونعصرها زين مازين ....
بس نحاول ان البخار يتم فيها ونحطه على الراس ونلفه مثل (((سندباد )) ههه يعني عمامه
لالا ااتغشمر وياكم بس لازم تلفينها بطريقه ان الحراره اتم في الفوطه ....
ونخليه لين تبرد الفوطه بامكانا نكرر هالعمليه اللي هي الفوطه
بس لازم لازم كل ليله تحطونه وتنامون او في النهار لمده 8 ساعات على الاقل لما تحطون هالخلطه ...
وصدقوني مايكمل 3 يوم الا النتايج طالعه ... واستمرو عليه لمده شهر على الاقل
وبتقولون اني قلت لكم الله يشهد انا يابنات مجربه هالشي ولين الحين
اسويها يوميا ....
بنات امانه الله عليكم اللي تستفيد تدعي لي
:
:
تحياتي للجميع