الدورة تلخبطت والله قهر

حبيباتي الغاليات حبيت أخبركم عن قصتي يمكن وحدة صار لها نفسي أو صديقة قريبة تخبرني علني أستفيد شئ ...
أنا عندي ولد وبنت والحمدالله الولد عمره 7 سنوات والبنت 5 سنوات وحملت فيهم طبيعي جداً وولادتي كانت طبيعية والحمدالله بعد ماولدت ببنتي قلت ماأبغي أحمل حالياً ماأخذت أي موانع للحمل كان المانع طبيعي والحمدالله ماصار حمل في هذيك الفترة بعد ماكملت بنتي سنتين إشتاق زوجي لطفل آخر وبدأت المشاكل تظهر معي تلخبطت الدورة في البداية كانت تييني بتاريخ مختلف عن الشهر إللي قبله بس المهم كانت تنزل وشوي شوي بدأت تتأخر وايد شهرين ثلاثة ماتنزل وأنا وزني يزيد وأنتفخ رحت للدكتورة وعطتني حبوب تنزل الدورة وإستمريت على هذا الشئ كل شهر أروح تعطيني حبوب أنزلها وإذا ماأخذت ماراح تنزل نهائياً عملت تحاليل وفحوصات ظهر عندي تكيسات وإرتفاع هرمون الحليب وتقولي نزلي وزنج طيب كيف أنزل وزني وأصلاً الدورة ماتييني وهذا بروحه كافي لأن أنتفخ طبعاً عطتني كلوميد ودفاستون وكولوكوفاج و ماأذكر من كثر المنشطات والحبوب إللي أخذتهم وماشئ فايدة ورحت عند أكثر من دكتورة رحت عند 6 إستشاريات وكلهم نفس الكلام ونفس العلاج وطلبوا تحليل من زوجي وهو سليم الحمدالله وآخر شئ تقريباً شهر 5 /2008 رحت عند الدكتورة مرة ثانية قالت لي راح أبدأ معاج من جديد وراح أعطيج إبر أقوى من الحبوب علشان الحمل عطتني 13 إبرة منشطة كل يوم إبرتين وحدة للتكبير البويضات ووحدة منشط لمدة إسبوعين تعبت مرة لين ريلي أحس مب قادرة أمشي عليها بعد الإبر عطتني حبوب تنظيم الدورة إللي تكون دائرية نصها أبيض ونصها بني ماأعرف شو إسمها المهم أنا أخذت العلاج كامل وبعد ماخلصت الباكيت نزلت علي الدورة وإستمرت تنزل بشكل منتظم بروحها الحمدالله بدون حبوب تنزيل لدة ثلاث شهور 7 و 8 و 9 /2008 بس كانت تجيني مثلاً أول مرة جتني بتاريخ 2/7/2008 وإللي بعدها 6/8/2008 يعني تبدأ بتاريخ إنتهاء الدورة السابقة والحين آخر مرة يتني 10/9/2008 وخلصت 15/9/2008 المفروض تجيني بتاريخ 15 أو 16 لاكنها ماجتني لين الحين وسويت تحليل دم مافي شئ وكل يوم أسوي تحليل في البيت ومافي شئ ورحت للدكتورة قالت لي مافي حمل وإن الدورة رجعت تلخبطت مرة ثانية وراح تبدأ معاي من جديد بس أنا أقول خلاص تعبت وماأبغي آخذ شئ طلع لي كرش كبير كأني حامل لي ثمان شهور والله رحت عند وحدة تمسح البطن ومسحتني وماصار شئ الله كريم وأنا الحين من 3 سنوات وأنا أتعالج وربي كريم الحمدالله على كل شئ سامحوني طولت عليكم بس على الأقل فضفضت يزاكم الله كل الخير وسعتوا صدوركم معاي