الزوج سر سعادتي لا طبعا

هلاحبيباتي...شخباركم..
والله كنت دايم ادخل هالمنتدى واتبع اول باول ..لكن لاحظت اني سرت افكر اكثر واكتئب
والله كثير عضوات يكتبون رغبتهم بالزواج وكانها قصة مأساويه ))))
ليه مو سبب من اسباب دخول الجنه
ولا هو سبب السعاده بالدنيا..
انتو تسببون لنفسكم الهم وتخلون انفسكم مكتئبين..
اكيد ان كل بنت تبي زوج يعفها ويحبها وتكون اسرة وتخلف عيال ..ماقلنا شئ سنة الحياه
بس يسير شغلي الشاغل وكأن الدنيا والبشر خلقوا للزواج فقط؟؟ لا والف لا
"وماخلقت الجن والانس الاليعبدون"
للعباده ولارضاء الله للفوز بالجنه....
اسالكم بالله شايفين المتزوجات سعيدات؟؟؟؟؟؟؟؟؟؟؟؟؟
اذا وحده اي ف ابشركم 10 لا .....
ماتدرون وش الخيرة فالتاخير؟؟؟؟.....
يمكن الله سبحانه اخره ليكتب لك الافضل والاصلح...
غيروا طريقة تفكيركم....
لان التفكير والتحسر لايقدم بشئ بالعكس ياخرك لورى...بتقولين كيف؟؟؟
اذا ضليتي تفكرين بتنهمين وبتحزنين وبتبكين وتبطلين اكل وضحك ويتغيرجسمك ووجهك يتعب وتفقدين حيويتك وتهملين شكلك وبالتالي لو احد يشوفك يمكن مايتحمس يخطبك..
لازم تكونين بشوشه ووجهك يفتح النفس
رضا الله عنك والنور باين بوجهك...
حبي نفسك
دلعي نفسك
اهتمي بجسمك وبشرتك وكانك عروس عرسها قريب..
وبالعباده استمري ..مو عشان تتزوجين لا لا لا...
.
.
.
عشان الله يرضا عنك ..
اللهم اني اسالك رضاك..
واذا الله رضا عليك ستاتيك الدنيا وهي راغمه (غصبا عنها تجيك الدنيا)
لان همك الله ورضاه وحبه لك فقط..
يمكن الله صرف الزواج لانه يمكن يكون شر لك..
احنا بشر رؤيتنا محدوده ولانعلم الغيب...
سووي الخير..
يعني اكتبي مواضيع دينيه
اذاكنتي موضفه او طالبه اكتبي موضوع بورقه اذكار او ادعيه وصوريها ووزعيها بالمدرسه
اذامعلمة امسكي المصلى لو 5 دقايق وانصحي البنات وصليهم بالله
اشتري البروشورات الدينيه اللي 100 نسخه ب 50 ريال ووزعيها..
ابواب الخير كثيره وانتي ومقدرتك..
سويلك جدول..
يشغلك
يعني صلي الفروض والسنن
وبعدها اذكار مابعدالصلاه
اذكارالصباح والمساء بعدالفجر والمغرب
قراءة جزء يوميا من القران
قيام الليل
الذكر بالاسحار
وخصصي وقت لاهلك
واذاعندك مهارة يدويه طوريهااعرف بنات يسوو اطواق شعر زبروشات يتسلو وسارت عندهم تجارة والله فتحلهم بس يبون يشغلون اوقاتهم وانصرفوا عن التفكيربالزواج وجاهم من حيث لايدرون..
كل يوم تخيلي انك بالليل راح تموتي....اعملي ليومك
ترا الزوج يمكن يسببلك التعاسه
ممكن يبعدك عن الله
يمكن يغويك بالباطل ويغير دينك ويخليك غافله
ممكن يضربك ويهينك
ماتدرين انتي وش الخيره ..دايم تفائلي واطلبي من الله خير الدنيا والاخرة...
راح تشعرين بالسعاده
اطلعي الحوش وخذي سجادتك وصلي وناجي رب العالمين
جيبي ديك بالبيت لان صوته يدل على شوفته للملائكه
وتستشعرين نزول الله بالثلث الاخير من الليل ..
ادري ان الكثير منكم حلوات وطيبات ودينات وخلوقات وبنات ناس ومتعلمات ...لاينقصكن شئ..
ابي بس ماتجون كثير ولاتقرون هموم واحزان غيركم ..
عشان ماتتغيرنفسياتكم
مع التفائل امشي ومع الحزن والهم ابتعد ولاافتح الموضوع.,.
صدقوني راح تستشعرون قربكم من الله والسعاده
ولوتطبقون اللي قلته ماراح تلقون وقت تحكون رووسكم..
ارضي عن ذاتك وعن ربك وبس
بعض البنات تزوجوا وتمنوا انهم بمكانكن...
اطلبوا الله الخير والصلاح وسعادة الدارين
وانابرضوا مو متزوجه ....فلي ولكن
اللهم ارزقنا من الخير اكثر مماكنا نرجوا واصرف عنا من الشر اكثر مما كنا نخاف