السمنه أبا اقضي عليها

roo7.A

21-06-2022 - 02:09 am

السلام عليكم ورحمة الله وبركاته ...
أخواتي كيف الحال؟؟
الصراحه لعت جبدي من جسمي ووع لوعه خاطري أصير غرشوبه أم جسم ضعيف ومتناسق ..
كان وزني قبل ما اعرس 69 والحين صار 77 والكرشه نطرت والله اني أصدمت يوم لحظتها كبرت تقول حامل في الشهر التاسع خ تخليكم الحين انا ميته من الضحك ع عمري ...
شو اسوي ماشاء الله عليه أسوي رجيم ما أكل ياليت ينقص بس والله بدل ما ينقص يزيد ماشاء الله وبعدني ما حملت وجيه كرشتي عيل يوم بحمل كيف بتستوي ..
انا ناويه أسوي رجيم قاسي شوي عليه ...
مثلا الافطار..
أشرب جاهي أخضر او حليب قليل الدسم ...
الغذاء..
أقص لي سلطة طماط وخيار ووخس وملفوف ...
ومرات اسوي تونه بالماء مع سلطه خضار..
أو عصير برتقال طازج مع سلطة ملفوف وخيار ..
العشاء ..
أسوي شربت خضار (( أخوي نفعت معه))
أو أكل تفاح وسلطة ملفوف وطماط ...
طبعا اشرب الماء قبل الاكل بنصف ساعه ......
شو حق الكرش عطوني حل ؟؟؟؟
الي تبا اسوي وياي هذا الرجيم يالله من باجر وبيكم عقب شهر بقول كم استوا وزني ... بس اخافه يزيد هع هع ....
وطبعا لاتنسون الرياضيه مهمه جدا وبمشي لمدة ساعه يومين او اكثر ...
وشكرا

التعليقات (6)

نوااااعم

21-06-2022 - 05:33 am

ايه والله السمنه فقعت قلوبنا
والله اذا شفت وحده نحيفه ومامعاها بطن اتحسف على هالبطه جالسه قدامي
اقول لها وراك خارجه كانها طاوله احط عليها الصحن
آآآآآآآآ ه وبس
والله حتى انا لما اسوي رجيم تقولين بيني وبينه عداوه يزيد الوزن ماينقص <<<عكس الناس
لكن انا بكره مسافره اذا رجعت تابعت موضوعك

roo7.A

21-06-2022 - 06:34 am

خ
تعرفين ان انقهر يوم أشوف وحده ما فيها كرش والسيد زوجي الله يسامحه T__T يقولي شوفي هاي مافيها بطن مب انت تقول حامل في الشهر التاسع T______T والله قهر مع اني من أنا وصغيره مع اني كنت عظم بس هاي الكرشه شوي ناطره يعني علامة الجوده ...

roo7.A

21-06-2022 - 07:35 am

خ
تعرفين ان انقهر يوم أشوف وحده ما فيها كرش والسيد زوجي الله يسامحه T__T يقولي شوفي هاي مافيها بطن مب انتي تقول حامل في الشهر التاسع T______T والله قهر مع اني من أنا وصغيره مع اني كنت عظم بس هاي الكرشه شوي ناطره يعني علامة الجوده ...

ريووف***

21-06-2022 - 08:36 am

غرشوبه <<<توني افهم معناها
والله لو السمنه رجل لقتله
الشكوولله بس
الله يزلزل هالشحوم ويرحمنا برحمته
يارب
وويسر امرك <<وزوج
قوليه مايجوز تناظر الحريم
العين تزني وزناها النظر <<اتوقع بيعاند
ههه

ريووف***

21-06-2022 - 09:37 am

ايه نسيت اقوول ماعندي مشكله انا مسوويه رجيم
بعد
:::
تبين اشجعك ماعندي مانع الي ينقص
يفوز هع

roo7.A

21-06-2022 - 10:38 am

أوكي يالله تاريخ عقب سبوعين منطالع كم اوزان بتستوي اوكي

بجرب رجيم 10 كيلو في 13 يوم ترقبواا النتيجه←
الحزام الهزاز الكهربائي→