السمنه والا صحة طفلي احترت بينهم

كيفكم فراشات انا متابعه للمنتدى من فتره لكن اول مره اكتب موضوع ويا ليت تساعدوني..
انا عندي ولد وحامل بنهاية الثامن وانتظر ولادتي بفارغ الصبر لاني تعبت نفسيا وجسديا من وزني كان وزني قبل ما اتزوج 55 كيلو وكنت رشيقه ومناسب طولي وهو158سم وبعد الزواج سمنت على طول وفقدت السيطره على وزني وحملت ولمن ولدت كان وزني 78كيلو وسويت ريجيم ووصل وزني 65كيلو لكن زوجي الله يسامحه كان يثبط همتي لانه يحب الجسم المليان رغم انه هو نحيف بزياده وكان يقول لي ليش تتعبين نفسك وانت جسمك حلو ومن الكلام هذا وطبعا انا ما صدقت خبر واهملت وزني ورجعت اكل بشراهه بتشجيع من زوجي حتى وصل وزني 85 كيلو والمشكله حملت على طول مره ثانيه والحين انا بالثامن ووزني 92كيلو ،،انا الحين ندمانه اني طاوعته واهملت وزني خصوصا اني كنت مو راضيه عن وزني وشكلي من يوم جبت ولدي وصابني اكتئاب من شكلي بس كنت اقنع نفسي ان زوجي راضي عن شكلي وهذا المهم بس الحين عرفت اني غلطانه وانه اهم شي صحتي وقناعتي بوزني لكن مشكلتي الحين اني بعد الولاده ناويه ان شاء الله ارضع طفلي طبيعي وبنفس الوقت ما اظن اقدر اصبر حتى افطم طفلي عن الرضاعه الطبيعيه علشان اسوي ريجيم ومن شدة اكتئابي من وزني افكر اعطيه صناعي لان الريجيم اكيد بيقلل الحليب في صدري ...انصحوني ايش اسوي تعبت من التفكير..