الشوفه وش سويتو فيها ادخلي واستفيدي وفيدي

1. وصمم ابوي لية تبينه يقعد فوق ماراح يشوفك >


2. في البداية قال ماشفتها زين بس على بركة الله >>

السلام عليكم
اخباركم؟؟؟؟
الموضوع اللي ابي اتكلم فيه هو يوم الشوفه
الله لايوريكم يوم شوفتي طبعا انا حاطه كاميرا
فيديو عشان تصور بس طبعا حاطتها بدعسه ماتبين مايشوفها ابو الشباب
المهم انا جايه متحمسه <<يقول والله اسمع صوت كعبك من مسافه >>
هذا وبيت اهلي كبير مرة والمجالس وين عن غرفتي <<بس اختكم ماصدقت تعرس >>>
المهم دخلت علية طبعا وصارت سالفه قبل لادخل اقول لابوي خله يقعد براس المجلس وابوي يقول لية ؟؟؟: <<مو داري اني حاطه كاميرا بس امي لو داري ذبحني>>>>

وصمم ابوي لية تبينه يقعد فوق ماراح يشوفك >

المهم بعد شيل وحط وافق ابوي المهم رجعت قعدت بالصالة لحد مايدخله ابوي المجلس دخله <<يقولي استغربت من ابوك كل ماقعدت بمكان قومني يقول اقعد فوق وانا ماابي عشان اصير قريب وشوف زين مو داري ان حطيت كاميرا ماقلت له طبعا بيقول ماصدقت >>>>
دخلت يابنات الله لايوريكم طبعا ماعندي اخوان كبار وابوي ما رضى يدخل معي وامي بالموت دخلت يقولون ادخلي لحالك <<فله يبونا ناخذ راحتنا بس اختكم تسوي اخلاق>>>طبعا لابسة تنوره خيمة وبلوزة ضيقة الحكمة عشان مايشوف اللي ورا <<<استحي >>>
تخيلوا اخواتي اللي اصغر مني قاعدين برا والباب مفتوح طبعا ويشوفوني ويضحكون واختكم ماتت من الضحك ومعطيته ظهري ووجهي صاير على الباب واضحك
يقول هلا والله ..
كيف حالك يا........... اضحك
وامووت من الضحك تخيلو جتني حاله هستيريه وانا شعري طويل فكنت اخذ شعري واغطي وجهي فية واضحك
وامي تخيلوا تصيح علي قدامه تقولي :::
يابنت ردي تخيلوا فشيلة واضحك
مادري وش جاني ذاك اليوم واطلع بسرعه وتعتذر امي منه وتجين ركض انت ماتستحين ويجي ابوي حسيت شوي ويطقني<<<ماصدقوا اني بعرس>>>
ليش تسوين كذا والله لو يقول ابي اشوفها مرة ثانية تدخلين قلت والله لو يموت ....

في البداية قال ماشفتها زين بس على بركة الله >>

وبعدين صاريقول لاخواته انها تشبها واحد من اخوانها وبالفعل انا اشبه اخوي هذا مرة <<<<هذا وهو ماشافني>>> <<لكن الرجال يلقطون تخيلوانه لاقط فيني شغلات صغيرة ويقول ماشفتك زين>>>الله من الكذب قال راي فيك ...مهبوله
ابي كل وحدة تكتب يوم شوفتها...........