الشيمة يا بنات ديرتي البحرين

هلا حبيبتي
يسعدني ان اكون اول وحدة اترد عليج والله يتمم لج على خير وعقبال كل البنات
حبيبتي انا باقول لج عن احسن الاشياء والاماكن اللي باروحها اذا كنت اتجهز حق عرسي:
- باروح حق صالون رونق، الشعر عند وحيدة بلا شك والمكياج عند عايشة البلوشي. بس بعد يقولون مكياج ازها حبيل وايد حلو واهي بعد اتروح الرونق.
- الفستان باروح آخذه من السعودية لان فساتينهم وايد وايد حلوة وفخمة وبعد ارخص من فساتينا، روحي الحياة بلازا او سوق السويكت.
رفيجتي حق عرسها خذت فستان من السعودية ب300 دينار بس، وكان الفستان وايد روعة وفخم وذيله طويل يعني يصلح حق حفلة في قاعة كبيرة
هاذي مبدئيا اللي عندي وانصحج انج اتحجزين في الرونق من الحين لان وايد ضغط عليهم
والله يوفقج ويخليج احلا من ما اتصورين

مشكورة حبيبتي انج ساعدتيني
انا قلت بحجز في الرونق للشعر بس المكياج ابي اغير عن عايشة لان حطت لي في الخطوبة
و عن الفستان بروح ان شاء الله السبت السعودية وبخبرج شنو يصير معاي ابي اسألج سمعتي عن وحده اسمها اماني تحط مكياج في البسيتين اذا عندج فكره خبريني
والسموحة اذا طولت عليج ومشكوره مره ثاني
والي عندة خبره يدخل وخبرنا بليز ترى متشتتة افكاري

حبيبتي انصحج بصالون عفراء وظفاير
وانا اقدر اساعدج بخدمة التصوير وانصحج بشدة ام عباس واذا تبين تشوفين نموذج تصويرة بطرش لج رقمها
وان شاء االه الف مبروك

http:/http://alfrasha.maktoob.com/s...7#post10517407
عندج الرابط وروحي عليها ممكن البنات اساعدوج

هلا حبيبتي بالتوفيق ان شاء الله
والله سمعت يمدحون اماني اللي في البسيتين بس ما قط شفت شغلها وما عندي رقمها بعد

مشكور جواهر1 وياريت تقدرين اطرشين لي نموذج للصور وشلون اهي تروح جميع المناطق ولا لا لان انا ابي حق الجلسة و الحنة وبسويهم في المحرق
مشكوره اختي spoiled zozoوياريت اذا حصلتي رقمها تخبريني
والي عنده اطرشة بليز

وين البنات ليش محد ارد علي جواهر حبيبتي الرابط مايتبطل

هلا غاليتي نموذج ما عندي تقدرين تمرينها وتشوفين صور عروسات الي تشتغل عليهم تكون افضل اليج
اي حبيبتي تروح كل المناطق بالبحرين هذه شغلها

انا اجوف شغل عفراء بمدينة حمد وايد حلو واهي ام عباس دائما تقول ميكب العروسات وايد حلوة في الطبيعة والصور بمهنة عملها ..
واذا انتي تقدرين تروحين الدمام سوق الحريم قطع القماش تاخذين وايد حلو ورخيص وتخيط عندنا بالبحرين .
بشوف الرابط مرة ثانية