العام انا عروس وهالسنه هو العريس

حسبي الله ونعم الوكيل
اكتب ودموعي على خدي وماني عارفه من وين ابدا تعبانه نفسيا من الظلم اللي شفته
زوجي اخذني وهو يحبني واهله رافضين وانا ماكنت اعرف انه اصلا يحبني الا بعد الزواج سنين وهو رافض يتزوج احد غيري لين اقنع امه تجي تخطبني وانا ماكنت اعرف انها جايه غصب عنها
بعد الزواج لاحظت مافرحوا فيني ابدا وكل يوم احس ان زوجي يتغير بكل شي وكنه جايبني خدامه عند امه وخواته بس يبي اشتغل واطبخ وساكنه في ملحق عند اهله ودائما كلام امه يقوله على طول لي انتي مدلعه شايفه نفسك اهلك مدلعينك وكل شي اطلبه منه مافي حتى شهر عسل مارحت بخيل لدرجه ماتتخيلونها تعبت وصرت اي شي ابيه اخذه من اهلي ذبلت تعبت يغار مني ويكره احد يقوله زوجتك حلوه اذا لبست لبس فاتن يتضايق قمصان النوم يكرهها يعصب علي يحب ينام وحده مايبي ينام معي بغطاء واحد تحملت كثير مافيه اي كلمه حلوه كل يوم يكرهني اي مشكله بيني وبينه على طول ينادي امه ومن سوء الحظ حملت اول شهر وتعذبت في الوحام كل مره يهبط الضغط من المشاكل واتعب ينادي امه تجي تقول هذي تتدلع اتركها الحريم يشتغلون ومايتدلعون كذا مدري ليش امه تكرهني هي وبناتها حاولت اتقرب منها بكل شي مافي نتيجه مدري غيره من جمالي او ايش اذا راح معي السوق بالموت يعطيني فلوس تقوله ليش تنزل معها السوق وش الجمال اللي خايف عليه واسمع واسكت ماارد عليها وكل مره تقول تزوج
واخر مشكله دخل هو دائما ينادي اهله بغرفة النوم وانا ساكته واخر مره نادى اخوه في غرفت النوم وملابسي كلها بالغرفه منشوره لان ماعندي مكان انشر فيه قلت ليش كذا قال ماتسوي عند ريال كذا
وطلعت من البيت ورحت بيت اهلي وعلى طول خطبت له امه وسووا الفرح ماانتظروا الخطبه والفرخ خلال اسبوعين واستأجر لها بيت بعيد عن اهله (حسبي الله ونعم الوكيل حرمني ن كل حاجه حلوه بالحياه بحجة مامعي شي والحين خلا اسابيع تزوج وانا حتى آثاث مافي بيت زي الناس مافي الاكل يبخل علي فيه حتى الخبز مايجيبه واذا جاب مره بالشهر تجربه مره سنه كامله مرت كلها عذاب وظلم واهانه
والحين مطنشني انا وولدي ولافكر وخواته مبسوطات ويقولون خلاص مو راجعه بيطلقها
بس مو مطلق الحين علشان المؤخر ينتظر انا اطلب الطلاق محتاره ايش اسوي اشتكي عند الشيخ واخذ حقي تركني كذا ولايصرف على ولده ادعولي تعبت