العرس الأبيض

1. طيب ممكن نعطيك شوية افكار ..


2. القاعة:


3. تخيلي معايا، انتي واقفة على الكوشة ، ومن فوق راسك في خيوط بيضا


4. مع تأثيرات الاضاءة... والدخان .. راح تطلع مرة حلوة ...


5. نصيحتي اذا فستانك فيه تطريز كتير، ومنفوش


6. وهو بحد ذاته ما يحتاج اضافات ، لانه حلو لوحده

العرس الأبيض
اكثر لون يجي على بالك في يوم فرحك هو اللون الابيض
الفستان على القاعة على التوزيعات ، دايما تفكري في الابيض

طيب ممكن نعطيك شوية افكار ..

القاعة:

مجموعة من البالونات البيضاء، ومربوط عليها شرايط بيضا وطبعا البالونات منفوخة بالهيليوم عشان تطير فوق، تقدري تحطيها عند الكوشة، مجموعة كبيرة منها، خلي الشرايط تنزل الى مستوى الكوشة، بس مو كلها نفس المستوى، يعني شي طويل، وشي اقصر منو

تخيلي معايا، انتي واقفة على الكوشة ، ومن فوق راسك في خيوط بيضا

مع تأثيرات الاضاءة... والدخان .. راح تطلع مرة حلوة ...

وعشان البالونات ما تطير في كل ارجاء القاعة ( مع ان فكرة انها تكون في كل ارجاء القاعة مرة حلوة برضو) تقدري تحطي شبكة من خيوط بيضا، عند الحد اللي تبغي البالونات تكون فيها، بس فوق بحيث انها ما تبان، ويتهيئ للناظر ان البالونات من نفسها واقفة عند الكوشة!!!
بافتراض ان الكوشة ناعمة وبسيطة زي هذه
راح تطلع مرة حلوة!!!
او
لو تسوي زي الصورة هذه
وعشان تطلع انعم من كدا، تقدري تنزلي ورود مع الخيوط
زي ورد الياسم ين ، راح تطلع مرة حلوة!!!
ممكن تكون في الممر اللي تمشي فيه العروس..
وتتكن عند الكوشة
ممكن في البوفيه!!
تزيين الطاولات :
عشان تكسري كون القاعة كلها ابيض * ابيض، وما تصير القاعة مملة للعين...
اضيفي ورود، هنا في ورود صفراء بس جدا راقية
من وجهة نظري هذه زحمة مرة ، حلو لو تخلي الطاولة فيها شموع وبس او ورود وبس
بس يمكن الشموع احلى للزفة.. لما تكون القاعة ظلمة والشموع هي اللي تنورها
او يمكن تزينيه بهذه، وتحطي الفطاير والحلى ونفس الوقت فيه ورود عشان يزين الطاولة
والكرسي مرة طالع حلو، وناعم
حتى مو لازم ورد طبيعي، لان الطبيعي راح يموت بسرعة ، حطي صناعي
في ورد صناعي مرة حلو، وكأنه طبيعي
راح تجلس لك طول الليلة ما تذبل
وتعطي لك منظر جدا رائع
وارخص!
فكرة تانية للطاولة ..
او
وفي النص حطي شمعة وخلاص!!!
طاولة تجنن!!
ناعمة وبسيطة وانثوية جدا
شمعة زي هذه مرة ناعمة وبسيطة
او ممكن تحطي ايطار صورة ، فيها صورتك انتي وزوجك
او اذا ما تبغي تحطي صورتك على كل طاولة، تقدري تحطي كلام
( شكرا لحضوركم)
او شعر مثلا؟!
وراح تطلع مرة ناعمة وحلوة كمان
دفتر توقيع الحضور والغياب ههه
اللي تحطيها غالبا عند مدخل القاعة
ملاحظين ان القلم ابيض
جاتني فكرة جنان
اذا تجيبي دفتر تكون صفحاتها ملون ، او حتى بس لون واحد زي الرمادي
واللي يكتبوا يكتبو لك بالابيض!!!
راح تطلع مرة حلوة بعدين لما تقري الدفتر
او ممكن تجيبي ايطار وتحطي فيها صورتك انتي وزوجك
مثلا صورتكم في الملكة
ويصير الحضور يوقع حوالين الصورة
راح تكون ذكرى حلوة تحطيها في بيتك
التوزيعات
هذه الفكرة مرة عاجبتني تجنن
تحطي فيها الحلويات والحلو ان اسم العريس على العريس
واسم العروسة على العروسة
ممكن بدل البدلة تعمليها ثوب مثلا
وممكن تطبيقها وبشكل اسهل
اعملي قوقل على صورة فستان يكون كرتوني يعني ما هي صورة حقيقة تكون رسمة
ونفس الشي على بدلة او ثوب
اشتري مجموعة كراتين صغيرة واطبعي الصور على مقاسها في محل طباعة
ممكن يطبعها لك ملونة وعلى ورق مقوى
خليها اكبر من الكرتون بشوية، عشان لما تقصيها وتلصقيها على الكرتون تبان بارزة
وطبعا جيبي كراتين بيضاء عشان ما تطلع متضاربة الالوان
وبعدين تقدري تحطيها في سلة وتوزعيها
او حتى تقدري تجيبي شجرة باغصان عارية ما فيها ورق
وتحطي على كل كرتون من فوق حبل صغير
يصير تعلقي الكراتين عليها
واذا ما تبغي زحمة الشجرة
جيبي علاقات اللي تلاقيها في السوق كل مكان
شكلها زي الشجرة المتفرعة
وعليقيها عليها
لقيت لكم صورة زي هذه
ممكن توزعي شوكولاته وبس
بسيطة و حلوة ودايما راقية
وهذه فكرة تانية مرة حلوة
منديل!!! منديل مطرز ، اول اذا نبغى نخليها اسهل
تجيب قماش دانتيل، وتقصه ، والله يخلي لنا القوقل اللي دايما نحصل فيه حاجات كثيرة
سوي قوقل برضو على فستان مرسوم ، كارتوني
واطبعي الفتسان في محل طباعة وعلى ورق مقوى
بعدين لفي القماش بس على الجزء السفلي من الفستان
واضيفي ورقة عند رأس الفستان
اكتبي عليها .. مثلا..
اسمك واسم زوجك
شكرا على حضوركم
دعاء
تاريخ اليوم والسنة
راح تطلع مرة حلوة لما توزعيها، وممكن حتى تجيبي شريطة
وتربطي البطاقة هذه اللي راح تكتبيها على الفستان
وتدخلي من خلال الشريطة خلويات زي ال ( بولو) اللي مفرغة من النص
تصير الشريطة عبارة عن بولو.. مثلا تحطي 3 او 4 حبات
راح تطلع مرة حلوة!!
فكرة تانية
اكياس بسيطة ، و تكتبي عليها اسمك واسم زوجك
والتاريخ، وتحطي في وسطها حلويات او شوكولاته
راح تكون مرة حلوة وذكرى لهذاك اليوم
مخدة بيضاء ومطرز عليها كلمات من شعر او شكر او اي شي تبعيه
وممكن بدل ما تصير مطرزة عليها وتاخذ منك وقت وجهد وفلوس
اعملي مخدات صغيرة ، واكتبي بالكمبيوتر الكلام اللي تبغيه
وبعدين تطبعيها على مقاس المخدة
بعدين تجيبي شريطة بيضاء ولا اي لون مثلا زي لون بوكية الورد او الورد اللي على الطاولات ؟
وتحطي الورقة على المحدة بعدين تربطيها بالشريطة
ولو تكون الورقة مقوى تكون احلى عشان ما تتكرمش
دباديب على شكل عروسة وفي يدها وردة
او بدل الوردة تحطي اي شي تاني
بس هي بنفسها كدا الدبدوبة مرة حلوة
عروسة يا ناث <<< تحمست ههه
نجي للعروسة نفسها...
بوكيه الورد، او المسكة ...
حلو انك ما تبالغي فيها اذا كان الفستان منفوش
يعين لو فستانك منفوش مرة، خلي البوكيه مرة بسيط عشان ما تغطي على الفستان
اما لو فستانك ما هو منفوش وناعم بسيط ما فيه لو تطريز كثير
ممكن تجيبي بوكيه ورد اكبر.. عشان التوازن في الصورة العامة
مو حلوة العروسة اللي كلها زحمة
بوكية ورد كبير
فستان منفوش مرة
شعرها بتسريحة مرة كبيرة وفيها كرستالات وتاج
واياديها كلها اكسسوارات
والفتسان نفسو كلو تطريز
راح تكوني عروسة متعبة للعين!!

نصيحتي اذا فستانك فيه تطريز كتير، ومنفوش

وهو بحد ذاته ما يحتاج اضافات ، لانه حلو لوحده

جيبي بوكيه ورد بسيط، و خففي اكسسوارات، جيبي مثلا سلسلة ذهب ابيض مرة ناعمة وبسيطة ، واسورة وحدة بسيطة ، وحطي اذا تبغي تاج صغير وناعم، وخلي الطرحة بتطريز بسيط او حتى لو بدون تطريز لان الفستان هو المصدر الرئيسي للجمال في العروسة اللي فستانها كلو تطريز وشكشكة ...
اما اذا كان فستانك فيه تطريز بسيط جيبي بوكيه اكبر شوية
وحطي تاج اكبر شوية
كلو عشان ما تطلعي عروسة عفشة
اجيب لكم شوية مسكات احسها ناعمة وتنفع للجميع
هذه فكرتها مرة حلوة
مرة ناعمة وحلوة
وتذكري اللون اللي تختاريه لبوكيه الورد
دخليه في القاعة ، مثلا
لو بوكية الورد احمر .. حطي ورود حمرا في القاعة
بس بسيطة، عشان يبقى اللون الابيض هو الطاغي وهو الرئيسي
منقول للأمانة