الفراشات المصابات بخمول الغده الدرقية

ام_مرام

03-10-2022 - 03:55 pm

--> المصابات بخمول الغده الدرقيه<--
شلونكم بنات؟
السالفه ... اني الشهر اللي طاف اكتشفت انه عندي خمول بالغده الدرقيه ...
تخيلوا !!! بعد 4 سنين توني اكتشف هالشي
مدري هو حول بالدكاتره ولا استعباط
المهم ... انه الدكتور عطاني حبوب اسمها التروكسين اخذها قبل الافطار بنص ساعه ... يعني على الريق
قال لي اخذيهم لطول العمر
و ألحين نبي كل وحده تقول لنا سالفتها مع هالغده
و تعرف أحد عالجها و حمل؟
و شنو العلاج؟
بانتظاركم حبيباتي

التعليقات (9)

ام_مرام

03-10-2022 - 06:51 pm

وينكم بنات !!!

Katkouta

03-10-2022 - 07:52 pm

ان شاء الله خير ...
و الحمد لله انك عرفتي المشكلة ...
انا اعرف واحده كان عندها خلل في هرمونات الغدة الدرقية
و ما شاء الله شفيت منها
و عندها ولد و بنت ما شاء الله
عقبالك قريب ...

رحلة الاحساس

03-10-2022 - 08:53 pm

هلا ام مرام انا مثلك اخذت نفس حبوبك واستمريت عليها ثلاث شهور وحللت والحمدلله كانت سليمة يعني داومي على العلاج وتابعي عند دكتورتك وان شاء الله تتعافين

فروووحه1212

03-10-2022 - 09:54 pm

انا بالضبط نفس حالتك وهالاكتشاف كان بعد محاولة اطفال الأنابيب الاولى يعني اكتشفت على الثانية بس هم الله ما كتب
ونفس الدوا ونفس النصيحه
والله يوفقك ويوفقنا يا رب

مشتاقة لطفلي

03-10-2022 - 10:55 pm

عادي ممكن تكونين توك مصابة فيها
وانا اختي جابت اول ولد ثم جاتها الغده وصارت تاخذ العلاج وجابت من بعده 4 اولاد
وماكان في تاخير في الحمل ابدا

ام_مرام

03-10-2022 - 11:56 pm

شكرا فراشاتي على مروركم
طمنتوني الله يطمنكم
الله يرزقكم و يرزقني و يرزق كل المسلمين

ام شو شو

04-10-2022 - 12:57 am

وانابعد اكتشفت ان عندى الغده بعد 3 سنين واعطانى الدكتور نفس الدواء بس اهملت فيه يعنى ماكنت اخذه بانتظام ومره قرات بمنتدى انو لازم يناخذ الدواء بانتظام فانتظمت عليه شهر وحملت ولما حملت تركت الدواء بعد اسبوعين اجهضت رحت عند الدكتور قالى لازم تستمرى على العلاج حتى فى فتره الحمل ويمكن يزيد الجرعه والحمد الله على كل حال والحين لى 5شهور من اجهضت والله كريم

ام_مرام

04-10-2022 - 01:59 am

الله يرزقكم و يرزقني و يرزق كل المسلمين
مشكورين على مروركم

توويكس

04-10-2022 - 03:00 am

هلا حبيبتي انا مثلك لي 5 سنوات اتعالج عشان احمل وبدون نتيجه الي يقول فيه غده والي يقوول مافيه غده وانا احترت وجاني احباط ومن سنه بس رحت لدكتوره وقالت فيك غده وداومت ع التروكسين 50 والحمدلله نزل مستوى هرمون الحليب الي كان مرتفع بسبب خمول الغده وحامل الحين لاتهملونا الغده والله يرزق كل محرومه ..

ارجو المساعدة←
الكلوميد والتحليل الهرموني→